Македонија
Хакерите најавија дека следна цел им се извршителите

Анонимните хакери од земјава најавија преку „Твитер“ дека следна цел им се извршителите.
„Извршители – убијци – вие сте на ред, спремете се“, се наведува на профилот на анонимната хакерска група.
Откако утрово беше хакирана веб-страницата на Министерството за здравство, хакерите на „Твитер“ пишуваат дека тие во ниту еден момент не го загрозиле серверот за е-пошта на здравство, туку направиле екстракт на е-поштата.
„Сајтовите и серверот за е-пошта се изгасени од страна на шалабајзерите кои се систем-админи во тие министерства“, се наведува на профилот „AnonOpsMKD“.
И немојте утре да се правдате дека сте правеле истрага и затоа биле паднати сајтовите, немојте повеќе да лажете, срамно е!
Извршители – убијци – вие сте на ред, спремете се.
п.с: Немојте да ни кажувате како функционира анонимус, не бидете идиоти. #OpMacedonia
— AnonOpsMKD (@MkdOps) July 24, 2020
Претходно од Министерството за здравство објавија дека нивната официјалната веб-страница не функционира, а не функционираат ниту службените е-адреси на вработените во институцијата.
Одговорноста за хакерскиот напад ја презеде групата што стои зад профилот „AnonOpsMKD“, а која претходно призна дека е одговорна и за паѓањето на македонскиот агрегат за вести Тајм.мк.
Tие се оградија од хакирањето на веб-страната на Државната изборна комисија на денот на изборите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Три активни пожари во државата, еден под контрола

Центарот за управување со кризи известува дека во текот на изминатото деноноќие имало вкупно 21 пожар, од кои три се активни, еден пожар е под контрола, а 17 се изгаснати.
Активни пожари има во општина Велес, кај селата Џидимирци – Крушје – Иванковци, кадешто гори мешана шума, во општина Македонски Брод, помеѓу селата Црешнево, Локвица и Крапа кадешто гори деградирана дабова шума, грмушки и ниска вегетација и во општина Василево, село Нивичино кадешто е запалена нискостеблеста шума и ниска вегетација.
Под контрола е пожарот во општина Дојран, односно селото Николич.
ЦУК информира дека се изгаснати 17 пожари.
Македонија
Без вода дел од Аеродром

Од ЈП Водовод и Канализација известуваат дека денеска поради уличен дефект Ф-300мм на улицата Владимир Комаров 13 во населба Аеродром, прекинато водоснабдување ќе имаат корисниците од Пензионерски Дом, Кипер Маркет и една зграда на истата улица, водоснабдувањето ќе биде прекинато од 23:55 часот до санирање на дефектот.
Дефектот ќе се работи на 17.07.2025 од 09:00 часот.
Македонија
Делови од Гази Баба, Карпош, Кисела Вода и Аеродром без струја

Од ЕВН Македонија АД известуваат дека денеска без електрична енергија ќе останат:
– во периодот од 06.30 до 12.30 часот, корисниците од булеварот Киро Глигоров, општина Гази Баба;
– во периодот од 08.30 до 15.00 часот, корисниците од улицата Козле од бр.143 до бр. 157, општина Карпош;
– во периодот од 09.00 до 11.00 часот, дел од корисниците од улица Бистра, од улица Живко Фирфов до улица Гутенбергова, општина Кисела Вода;
– во периодот од 09.00 до 11.00 часот, дел од корисницитеод улица Гутенбергова, од улица Бистра до улица Волтерова, општина Кисела Вода;
– во периодот од 09.00 до 12.00 часот, дел од корисниците од улица Иван Цанкар (парни броеви), улица Франце Прешерн (непарни броеви) и улица Вангел Дину, општина Карпош;
– во периодот од 09.00 до 15.30 часот, дел од корисниците од улица Бриселска, општина Карпош;
– во периодот од 09.00 до 16.00 часот, дел од корисниците од улица Ѓорѓи Капчев, општина Аеродром.