Контакт

СЈО

(Видео) „Чув повеќе истрели пред да ги видам телата кај Смилковското Езеро“, тврди загрозениот сведок

Објавено пред

Во кривичниот суд во Скопје продолжи испитувањето на загрозениот сведок во случајот „Монструм“. На замаглен екран и со модифициран глас судиите го испитуваа загрозениот сведок.

„Чув истрели пред да ги видам телата“, рече загрозениот сведок. Се присети дека околу езерото имало шамаци во жолто-зелена боја со висина од 1,5 до 2 метра.

Тој не се сети дали обвинетите Алил Демири и Африм Исмаиловиќ ги видел кај езерото.
Судијата Огнен Ставрев рече дека постапката за нивната екстрадиција од Косово е интензивирана.

Загрозениот сведок не можеше да се сети дали имало крв околу четирите мртви тела. Сведокот рече дека не видел кој пукал во жртвите.

„Ова не е загрозен сведок, туку лажен сведок“, рече адвокатот на обвинетите, Насер Рауфи.

По барање на обвинителката на СЈО, Фатиме Фетаи, на увидот во „опелот“ најден во близина на Смилковци, каде што беше пронајдено влакно со иста ДНК на еден од обвинетите, ќе присуствува и јавноста.

Македонија

Ибраими: Штетата во „Титаник 2″ е 413 евра

Објавено пред

Обвинетиот поранешен член на ДИК, Бедредин Ибраими, во завршниот збор за случајот „Титаник 2″ на СЈО рече дека вкупната штета на буџетот е 413 евра.

„Наводната спорна штета што ја најави СЈО беше 114 илјади денари, за на крај, во согласност со наодите на вештакот и утврди дека штетата за повторување на гласањето изнесува 26.011 денари или 413 евра”, рече Ибраими.

Обвинетиот кажа дека СЈО со инсинуации, лажни и селективни докази му скроил конструкција на кривично дело. Ибраими кажа дека обвинителатвото е неовластен тужител и дека јавно на прес-конференција кажал оти аболицијата против него е непотребна, верувајќи дека СЈО ќе расчисти со негативните појави во општеството.

Поранешниот член на ДИК рече дека не постои надгласување во гласањето во ДИК, туку само донесување одлуки со мнозинство гласови.

Обвинителката Фатиме Фетаи, пак, во завршниот збор на минатото рочиште рече дека во овој случај најмалку важна е штетата, а поголемо значење има повредата на Изборниот законик и волјата на избирачите.

Во случајот „Титаник 2“, за кривичното дело злоупотреба на службената положба и овластување се обвинети лидерот на ДПА, Мендух Тачи, и поранешните членови на ДИК: Бедредин Ибраими, Анета Стефановска, Влатко Сајковски и Сашо Срцев. Ексдиректорот на УБК, Сашо Мијалков, е обвинет за кривичното дело примање награда за противзаконито влијание. Според обвинението на СЈО, Мијалков и Тачи се испазариле и успеале незаконски да биде поништено гласањето на локалните избори во Струмица во 2013 година. Во предметот беа обвинети и 5 управни судии, но Апелацискиот суд ги спаси од кривичен прогон.

Прикажи повеќе...

Македонија

Адвокатот на Тачи и Ибраими се повика на аболицијата на Иванов и мислењето на Врховниот суд

Објавено пред

Адвокатот на обвинетите Мендух Тачи и Бедредин Ибраими, Елвер Исени, во завршниот збор за предметот „Титаник 2“ на СЈО побара од судот одбивателна пресуда за неговите клиенти. Мендух Тачи не даде завршен збор и рече дека се согласува со завршниот збор на неговиот адвокат.

Исени рече дека обвинението на СЈО е поднесено од неовластен тужител, по начелното правно мислење на Врховниот суд.

„Сите дејствија можеле да ги преземат во рокот од 18 месеци од приемот на материјалите“, рече Исени. Адвокатот кажа дека до нив не е доставен записник за примопредавање на материјалите. Тој се повика на аболицијата на претседателот Ѓорѓе Иванов, со која беа амнестирани обвинетите. Исени рече дека иако аболицијата е повлечена, сепак произвела правно дејство, а се повика и на одлуката на Врховниот суд во Грција за неекстрадиција на двајцата обвинети Горан Грујевски и Никола Бошкоски.

„Обвинението се базира на бомбите што се прибавени на незаконски начин. Ова не е доказ на кој може да се заснова пресуда“, рече Исени пред судот и дополни дека не била утврдена автентичноста на гласовите на неговите клиенти.

Во случајот „Титаник 2“, за кривичното дело злоупотреба на службената положба и овластување се обвинети лидерот на ДПА, Мендух Тачи, и поранешните членови на ДИК: Бедредин Ибраими, Анета Стефановска, Влатко Сајковски и Сашо Срцев. Ексдиректорот на УБК, Сашо Мијалков, е обвинет за кривичното дело примање награда за противзаконито влијание.

Според обвинението на СЈО, Мијалков и Тачи се испазариле и успеале незаконски да биде поништено гласањето на локалните избори во Струмица во 2013 година. Во предметот беа обвинети и 5 управни судии, но Апелацискиот суд ги спаси од кривичен прогон.

Прикажи повеќе...

Македонија

(Видео) Илија Димовски не дојде на судење – бил во Брисел на состанок на НАТО

Објавено пред

Пратеникот Илија Димовски не беше присутен на денешното рочиште за предметот „Талир“. Тој на 13 февруари со писмен поднесок го известил судот дека од 17 до 21 февруари ќе биде во Брисел на комитет на парламентарното Собрание на НАТО.

Димовски во поднесокот навел дека е шеф на делегацијата од Македонија. На судењето беа присутни останатите обвинети, освен бегалецот Никола Груевски. Следното рочиште е закажано за 7 март во 10 часот.

Во предметот „Талир“ обвинети се поранешниот лидер на ВМРО-ДПМНЕ, бегалецот Никола Груевски, ексгенералниот секретар на Владата, Кирил Божиновски, поранешниот министер за транспорт и врски, Миле Јанакиески, пратеникот Илија Димовски, Леко Ристоски и Елизабета Чингаровска, која лани призна вина и доби условна казна.

СЈО тврди дека обвинетите незаконски добиле најмалку 4,6 милиони евра во готовина, а потоа организирале тие пари да бидат уплатени на жиро-сметката на партијата преку уплатници на различни имиња. Тие се обвинети за злоупотреба на службената положба и овластување и за перење пари. Предметот ќе го суди судечки совет со кој ќе претседава Осман Шабани.

Никола Груевски е обвинет дека во периодот од 2009 година до 2015 година спротивно на Законот за финансирање на политички партии и Законот за спречување на корупцијата, обезбедувал финансии од анонимни и противправни извори на финансирање за ВМРО-ДПМНЕ.

Во овие свои активности му помагале обвинетите Кирил Божиновски и Миле Јанакиевски, кои им вршеле притисок на претставници на правни лица, кои, пак, имале склучено договори за јавни набавки со државни органи, јавни претпријатија или единици на локална самоуправа да обезбедат финансиски средства во готовина за потребите на финансирање на ВМРО-ДПМНЕ како противуслуга за добиените јавни набавки и реализираниот профит.

Обвинетите Илија Димовски, Елизабета Чингароска, Леко Ристоски и Миле Јанакиески, како овластени потписници на сметката на ВМРО-ДПМНЕ, иако знаеле дека парите потекнуваат од кривично дело, ги пуштиле во натамошен оптек со потпишување налози за плаќање на обврските и за купување недвижен имот за ВМРО-ДПМНЕ.

За предметот „Талир“ има уште едно обвинение за кое судот сè уште се нема произнесено дали е оценето обвинението, а се однесува на незаконска изградба на партиското седиште.

Прикажи повеќе...

Најново

Македонија1 час

Првиот братучед на градоначалникот Наумоски вработен во Централен регистар

Мирослав Наумоски, прв братучед на градоначалникот на Ѓорче Петров, Александар Наумоски, пред 2 месеца бил вработен во Централен регистар на...

Македонија2 часа

(Видео) Мајката на Костадинов ќе се повлече од работното место

Портпаролот на СДСМ и пратеник, Костадин Костадинов, изјави дека неговата мајка се повлекува од работното место. Тој вели дека нејзиното...

Македонија3 часа

Заев на средби со Гаши и Тачи, ќе бараат заеднички кандидат за претседател

Претседателот на СДСМ, Зоран Заев, во име на коалицијата, ги продолжува разговорите и консултациите со партиите околу можностите да се...

Македонија3 часа

Самка Ибраимовски: На претседателските избори одиме сами

Самка Ибраимовски од Партијата за целосна еманципација на Ромите изјави дека на претстојните претседателски избори ќе настапат сами. Ибраимовски на...

Македонија4 часа

Адвокатот на Тачи и Ибраими се повика на аболицијата на Иванов и мислењето на Врховниот суд

Адвокатот на обвинетите Мендух Тачи и Бедредин Ибраими, Елвер Исени, во завршниот збор за предметот „Титаник 2“ на СЈО побара...

Крвав четврток4 часа

Ченто: Ми понудија да бидам заштитен сведок за 27 април и лажно да сведочам

Јане Ченто, обвинет за случувањата во Собранието на Република Македонија од 27 април, во своите завршни зборови рече дека од...

Крвав четврток4 часа

Пепиќ: Во Собранието бев како разузнавач, а не да напаѓам пратеници

Разузнавачот Мунир Пепиќ обвинет за насилниот упад во Собранието, односно вршење насилство врз пратеникот Зијадин Села, во завршните зборови истакна...

Топ5 часа

Почина градежен работник, врз него паднала железна арматура

На објект во изградба на улицата Лондонска во Скопје, кој го гради тетовска фирма сопственост на Г.Х.(54) од село Мала...

Свет6 часа

„Ќе изгубите сѐ“ – Трамп со ултиматум до венецуелската војска

Претседателот на САД, Доналд Трамп, предложи венецуелската војска да ја поддржи опозицијата во земјата, да го пропушти хуманитарниот конвој или...

Македонија6 часа

АВМУ: Сопствениците на медиуми и нивните блиски не смеат да им се закануваат на новинари

Агенцијата за аудио и аудиовизуелни медиумски услуги го осуди однесувањето на синот на сопственикот на „1ТВ“, Бојан Јовановски, кој вербално ѝ...

Свет6 часа

Четири лица убиени во пукање во американската држава Мичиген

Четири лица беа убиени како резултат на пукањето во округот Кент во северната американска држава Мичиген, објави локалната полиција, пренесува „Спутник“....

Свет7 часа

Мадуро: Русија ќе испорача 300 тони хуманитарна помош за Венецуела

Русија ќе достави 300 тони хуманитарна помош за главниот град на Венецуела, Каракас, в среда, рече претседателот на Венецуела, Николас...

Свет8 часа

Бомбаш-самоубиец уби двајца полицајци близу познатиот туристички пазар во Каиро

Бомбаш-самоубиец уби двајца полицајци, а тројца други беа повредени додека го следеле во близина на туристичкиот пазар Кан ел-Калили во...

Свет9 часа

Пожарникарите се борат со стотици подметнати пожари во Северна Шпанија

Регионалните власти во Северна Шпанија во моментов се борат со околу 50 пожари, од кои дел се намерно подметнати, пренесува „Локал“....

Топ19 часа

Се судрија автомобил и трактор, едно лице загина кај Доброште

Eдно лице загина, а едно добило сериозни повреди во сообраќајната несреќа што се случи на патот Тетово-Јажинце, кај селото Доброште. Како...

Македонија19 часа

Силјановска до Заев: Надвор сум од концептот во кој работа има само за децата на вашите функционери

Кандидатката за претседател на ВМРО-ДПМНЕ, Гордана Силјановска, се огласи на својот профил на „Фејсбук“ кога премиерот Зоран Заев изјави дека...

Македонија20 часа

Се бара притвор за девет лица што изработувале и продавале огнено оружје

Надлежниот јавен обвинител до судот ќе достави предлог за определување мерка притвор за учесниците во криминалната група која изразботувала и...

Македонија22 часа

„Макфакс“ и Групацијата Клип медија не планираат никаква соработка со Бојан Јовановски

Редакцијата на „Макфакс“ и Групацијата Клип медија целосно застануваат зад својата новинарка Мери Јордановска и како и досега, и во...

Македонија23 часа

ССНМ со осуда за заканите на Бојан Јовановски кон новинарката Мери Јордановска

Самостојниот синдикат на новинарите и на медиумските работници (ССНМ) најостро го осудува односот на де факто сопственикот на „1ТВ“, Бојан...

Македонија23 часа

Ванковска: Јавноста не го разбра зборот иронија, сега ми се закануваат со линч

Професорката Билјана Ванковска смета дека не направила недолична корелација со масакарот кај Карпалак од 2001 година и автобуската несреќа кај...

Досие