Едно лице загина, а две се повредени во пукање во Елбасан, што албанските медиуми го поврзаа со обид за купување гласови.

Пукањето се случува само неколку дена пред парламентарните избори во земјата, анализираат медиумите.

Локалниот социјалист Пјер Јувани бил застрелан, а ранет бил неговиот зет и полицаец, кои случајно се нашле на местото на конфронтацијата, пренесуваат албанските медиуми.

Полицијата го идентификувала напаѓачот, кој веднаш потоа се предал.

Арбер Пиплеска, кој е поранешен припадник на специјалните единици на албанската полиција и наводно локален функционер на Демократската партија, рекол дека пукал во самоодбрана.

Наводниот мотив за пукотниците е купување гласови пред парламентарните избори, кои се одржуваат в недела, пишуваат албанските медиуми.

Според написите, непосредно пред пукањето претставниците на демократите се пожалиле дека во Елбасан кружат возила без регистарски ознаки, од кои тие им нуделе пари на граѓаните во замена за гласови на изборите.

Во третата рунда на вакцинација, што се очекува наесен, најдобро е да се прими вакцина направена на платформа на друг производител на вакцини, а не онаа со која луѓето претходно се вакцинирале, предложи српски експерт во средата, тврдејќи дека на тој начин ќе се постигне поширок имунолошки одговор на Ковид-19.

Микробиологот и професор на Медицинскиот факултет на Универзитетот во Крагуевац, д-р Дејан Баскиќ, за крагуевачката ТВ К1 изјави дека бил вакциниран со „фајзер“, како и повеќето здравствени работници, но дека во следната рунда вакцинации ќе биде вакциниран со кинеската „синофарм“.

„Се покажа дека оваа вакцина е побавна во создавањето на имунолошки одговор и треба подолго време за да се создаде заштита, но кинеската вакцина го содржи целиот мртов вирус и развива имунолошки одговор на сите компоненти на вирусот, не само на познатиот С-протеин, додека ‘Фајзер’ го подготвува имунолошкиот систем само на С-протеин“, вели Баскиќ за ефикасноста на вакцината, пренесува „Танјуг“.

Баскиќ ги посочи резултатите од истражувањата кои покажуваат дека кинеската вакцина е подобра одбрана од нови мутации на вирусот, конкретно во случајот со бразилската варијанта.

Тој смета дека имунолошкиот одговор би бил подобар со вакцинирање со препарат направен на друга платформа.

Баскиќ, кој спроведе истражување за ефикасноста на вакцините во Крагуевац, нагласува дека првичните резултати од истражувањето упатуваат на заклучок дека секоја вакцина е добра и дека граѓаните не треба да се сомневаат дали да се вакцинираат или не.

Министерството за наука и образование собра податоци за вакцинирањето на наставниците и другиот училиштен персонал. Во просек, дури 64 проценти од вработените и наставниците не сакаат да се вакцинираат.

„Постои интерес, но голем број жени стравуваат од една вакцина. Ние би сакале да им понудиме на вработените можност за избор на вакцина, сепак во системот 86 проценти се жени. Проблемот е што тие ја поделија приоритетната група во две подгрупи, очигледно нема доволно вакцини. Сите вработени се подеднакво важни“, рече Ана Тускан, секретарка на Синдикатот на наставници.

На прашањето зошто просветните работници се толку скептични во врска со вакцинацијата, министерот за образование и наука, Радован Фукс, рече дека не знае.

„Изненадувачки. Очекував поголем одѕив на вакцинацијата и сега кога дојдовме во фаза дека сè е средено и организирано, немаме таков идеален одѕив“, рече Фукс.

„Ако ме прашате, направен е негативен маркетинг за една добра вакцина“, рече Фукс.