Европа
Велосипедист налетал на Хан и му се заканил дека ќе му удри шлаканица
Европскиот комесар за проширување, Јоханес Хан, имаше непријатно искуство во Виена, кога еден велосипедист најпрво налетал на него, а потоа му се заканил дека ќе го удри со шлаканица.
Според виенски „Курир“, велосипедистот му се заканил на Хан дека ќе го плесне по расправија што се случла во време кога еврокомесарот со партнерката, Сузан Рис Пасер, шетал низ центарот на градот.
Инцидентот се случил во близина на катедралата Штефансдом, кога велосипедистот влетал со голема брзина во група пешаци, вклучувајќи ги и Хан со неговата партнерка.
Хан изјавил дека велосипедистот возел со брзина од најмалку 50 километри на час, а бидејќи во тие моменти го турнал, европскиот комесар му рекол дека не може така да се однесува и дека тоа не е место за диво возење велосипед.
Ситуацијата потоа ескалирала, а велосипедист се вратил и на Хан му се заканил со зборовите: „Ќе добиеш шлаканица и тоа веднаш“.
„Курир“ пишува дека изјавите на очевидците во врска со овој настан се разликуваат.
Некои сведоци за весникот изјавиле дека Хан и велосипедистот си размениле навреди, па дури имало и кошкање.
Исто така во целото превирање учествувала и партнерката на Хан.
Хан тврди дека од нападот на велосипедистот се одбранил со рака, за да се заштити.
Тој вели дека велосипедистот дивеел со возењето, а учеството на неговата партнерка се свело само на тоа што од него побарала да продолжи понатаму.
Сузан Рис, кој е шефица на австриското осигурување „Вистенрот“, рече дека целиот настан не траел ниту две минути, и верува дека приказната стигнала до медиумите само за да му нанесе штета на угледот на Хан и на неговите шанси во уште еден мандат да биде европски комесар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.