Македонија
(Видео) За шест месеци пријавени 435 случаи на семејно насилство во земјава
Потпретседателот на СДСМ и министер за внатрешни работи на онлајн трибината „Молкот не е решение”, организирана од Форумот на жени на СДСМ, истакна дека родово базираното насилство продолжува да биде едно од најзначајните повреди на човековите права во сите општества.
„Иако од родово заснованото насилство не се имуни ни жените, ни мажите, но практиката и официјалните показатели, сепак, покажуваат дека мнозинството жртви се припаднички на женскиот пол”, рече потпретседателот Спасовски.
Според статистиката на МВР, во првото полугодие од 2020 година извршени се 435 кривични дела, за кои се пријавени 450 сторители. Висок процент од сторителите 91,3 % се мажи кои вршат насилство врз нивните сопруги и родители. Во однос на начинот на извршување на делата, во 341 случај сторителите употребиле физичка сила врз жртвите, нанесувајќи им телесни повреди, 32 случаи се извршени со ладно оружје, а три со употреба на огнено оружје.
„Оттаму, користењето на родово базирано насилство како аспект е важно, бидејќи го потенцира фактот дека многу форми на насилство врз жените се вкоренети во нееднаквостите на моќта меѓу жените и мажите”, заклучи потпретседателот Спасовски.
Во обраќањето потпретседателот Спасовски истакна дека не смее да се занемари бројот на фемициди и тоа 5 случаи во 2019 и 4 во првото полугодие од 2010 година. Токму ваквите бројки се силен мотив уште пожестоко да се посвети на темелно третирање на родово базираното насилство, со искористување на сите можни алатки, ресурси и можности за укажување помош и заштита.
„За нас, постапувањето по пријавите за семејно насилство, во услови на Kовид-19, претставува посебен приоритет. За таа цел, меѓу другото, до сите полициски станици доставивме телефонски броеви од советувалишта, невладини организации кои работат со жени жртви на семејно и родово базирано насилство, како и телефонски броеви од националните сервиси, кои согласно своите програми може да преземат мерки за, сместување на жртвата, соодветна здравствена заштита, психосоцијална интервенција, третман, правна помош и застапување и слично”, кажа Спасовски.
Спасовски информираше дека интернет-странicата на МВР и во сите полициски станици, на видно место се објавени постер и брошурата со телефонски броеви за помош и поддршка, како и електронска адреса за поставување прашања за помош и советување.
„Насилството врз жените и родово базирано насилство не познава ниту имотен, ниту општествен ни образовен статус, ниту вера, туку претставува негативна појава присутна секаде во светот“, истакна членката на ЦО на СДСМ, Јагода Шахпаска. Таа се осврна на Законот против насилство врз жените и семејното насилство, кој се наоѓа во собраниска процедура и изрази надеж дека ќе биде поддржан и од позицијата и од опозицијата.
„Законското решение е наша обрска, но за некои жени претставува прашање на судбина, прашање на живот и затоа ве повикувам да се заокружи со изгласување на законот“, потенцираше Шахпаска.
Во законот е предвидено брзо и ефикасно постапување на сите институции во институционален одговор на секаков обид за насилство, кое покрај фичичко може да биде психично, сексуално, принуда на абортус па и фемицид, рече Шахпаска.Таа додаде дека законот предвидува судот во рок од 24 часа од насилството да донесе одлука за отстранување на строителот од дома од 10 до 30 дена, како и сет мерки и услуги за превремен престој за жените жртви на семејно, нивните деца, жртвите на трговија на луѓе и сексулано насилство, каде ќе им биде обезбедена помош и поддршка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.