Свет
(Видео) Убиен тригодишниот син на политичар во Киев
Тригодишениот син на политичар е застрелан синоќа кога непознати напаѓачи пукале на автомобил „ренџ ровер“ на градски советник. Возилото го управувал Вјачеслав Соболев, бизнисмен и пратеник на регионалниот совет.
Напаѓачите се обиделе да го застрелаат Соболев преку страничниот прозорец на возачот, но кушумите завршиле во неговиот син. Тригодишнто дете починало во брзата помош на пат кон болницата, јавуваат локалните медиуми.
Се верува дека вооружените лица избегале од местото на настанот во „лексус седан“.
Тригодишното дете е најмалиот син на политичарот, кој е татко на пет деца.
Министерството за внатрешни работи не соопшти информации за идентитетот на сопственикот на возилото или идентитетот на жртвата.
„Како резултат на прострелна рана, едно дете почина во возило на брза помош на патот кон болница“, соопшти Министерството за внатрешни работи на Украина на „Фејсбук“.
Соболев е бизнисмен од Доњецк. Во 2010-2011 година тој беше извршен директор на државната енергетска компанија Нафтогас во државна сопственост.
Имаше неколку убиства на познати личности на улиците на Киев, откако Русија го анектираше Крим и про-московското востание се појави во источна Украина во 2014 година. Павел Шеремет, белоруски новинар познат по критиките кон раководството на неговата татковина и за пријателството со убиениот руски опозициски лидер Борис Немцов, беше убиен во автомобил бомба во Киев во 2016 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.