Топ
Во наредните денови ќе се одлучува за пратеничкиот мандат на Груевски
Од денеска почнува да тече рокот од петнаесет дена кога треба да заседава собраниската Комисијата за деловнички и мандатно-имунитетни прашања по известувањето од кривичниот суд дека пратеникот Никола Груевски има правосилна пресуда за издување казна затвор од две години. Претседателот на Комисијата, Павле Богоевски, вели дека вчера го добил известувањето од собранискиот спикер и ќе го почитува рокот за свикување комисиска расправа, но не прецизира кој ден ќе се случи тоа. Претпоставките се дека Комисијата нема да заседава денеска, а најверојатно нема ни утре за кога веќе е закажана седницата за пратенички прашања.
Според Уставот, на пратеникот може да му биде одземен мандатот кога е осуден за кривично или друго казниво дело што го прави недостоен за вршење на функцијата пратеник, како и за неоправдано отсуство од Собранието повеќе од шест месеци. Според Деловникот за работа нa Собранието, предлог за одземање на мандатот поднесува Комисијата за деловнички и мандатно-имунитетни прашања врз основа на известување од претседателот на Собранието. По предлогот на Комисијата, се води претрес на првата наредна седница на Собранието, при што претресот може да заврши со донесување одлука за одземање на мандатот на пратеникот, која се носи со двотретинско мнозинство од вкупниот број пратеници.
Во случај постапката да стигне во фаза на гласање, неизвесно е дали ќе се обезбеди двотретинско мнозинство кое ќе гласа за одземање на мандатот на Груевски. Во оваа насока е и изјавата на пратеникот од ДУИ, Артан Груби, кој се сомнева дека пратеничкиот мандат може да му биде одземен на поранешниот премиер бидејќи се потребни и гласовите од опозицијата. Некои од опозициските пратеници, пак, кои гласаа за отворање на Уставот, не кажуваат дали би гласале и за одземање на мандатот на нивниот доскорашен сопартиец и почесен претседател на ВМРО-ДПМНЕ.
– Не сум запознаен, не сум запознаен, не можеме да влијаеме ние ништо на тоа. И мене ми го одзедоа мандатот, па никој ништо не ме праша. Човекот што ја води Комисијата директно е инволвиран во овој процес како засегната страна. Па, така, тој е претседател на таа Комисија. Тој беше засегнат како сведок, а претседаваше со таа Комисија. Нема логика“, изјави пратеникот Љубен Арнаудов пред кривичниот суд, каде што се одржа рочиште за 27 април.
Во меѓувреме течат и роковите до кога судот треба да одлучи по молбата на Груевски за одложување на извршувањето на казната затвор, во која, неофицијално, како причини се наведуваат неговите работни обврски како пратеник, но и приватни поврзани со докторат. Датумот до кога Груевски треба да се јави во затворот во Шуто Оризари е 8 ноември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Обид за убиство во прилепскиот затвор: со нож избоден осуденик
Полицијата поднесе кривична пријава против С.Р.(28) и Д.К.(39), двајцата од Прилеп, поради убиство во обид.
Од МВР информираа дека инцидентот се случил на 7 април во прилепскиот затвор, каде двајцата издржувале затворски казни.
Тие физички го нападнале осуденикот С.Ч., при што првопријавениот со нож му нанел убодна рана.
Македонија
Арсовска: Министерката за култура успеа самата себеси да се побие и не одговори на ниедно прашање
Министерката за култура, Бисера Костадиновска-Стојчевска успеа самата да се побие и не одговори на ниту едно прашање коешто беше поставено, изјави градоначалничката на Град Скопје, Данела Арсовска.
„Одговори нема на ниту едно од поставените прашања, само широка плејада на напади со манипулатвни изјави. Министерката најави дека ќе ме тужи за прашање коешто го поставив вчера, а на ниту едно не одговори. Вчера прашав зошто ако министерката осознала за пожарот пред 9 часот истото не го пријавила. Таа лично во изјава истакна дека осознала за пожарот нешто пред 9 часот. Првото јавување во бридатата од случаен минувач дека има пожар е во 9.50 минути, по што противпожарната бригада веќе во 9.55 минути е на лице место. Самата ја побива своја изјава“, рече Арсовска.
Градоначалничката уште еднаш ги повтори прашањата кои беа упатени на вчерашната прес-конференција, и повика Министерството да каже каде, кога и од кого е осигуран проектот за Универзалната сала, на која вредност и за кој случај на настанување на штета.
„Добивме напади, закани, закани за тужби. Заканите нема да пројдат“, рече Арсовска.
Градоначалничката додаде дека две години укажувале дека по тој проект за реконструкција на Универзаланата сала, кој некој друг го примил во Градот Скопје во 2021 година, во месец март, по којшто распишал јавна набавка и отпочнал со реализација е увидено уште во првиот месец дека е невозможно да се работи.
„Позитивното мислење за сеизмичката заштита е укинато од страна на ИЗИС на 02.11. и покрај тоа што министерката сакаше да каже дека тогаш јас сум била градоначалник, за жал не и е добро пренесено на кој ден имам стапено на оваа функција и кога сум осознала за тој договор“, рече Арсовска.
Заклучи дека е суштински да се знае по кој проект работело министерството и изведувачот на терен, кој бил управителот на градба и кој бил надзорот.
Топ
Кривична против Курто Дудуш: за директори на градинка именувал лица што не биле вработени таму
СВР Скопје – Единица за економски и компјутерски криминал поднесе кривична пријава против 49-годишниот К. Д., градоначалник на скопска општина поради постоење основи на сомнение за сторено кривично дело несовесно работење во службата по член 353 од Кривичниот законик, извести МВР.
„Во текот на 2020 и 2024 година пријавениот несовесно постапил во извршување на своите овластувања при спроведување управна постапка и ги повредил законските прописи на начин што постапил спротивно на Законот за заштита на децата – член 126. Во 2020 и во 2024 година тој именувал директори на детска градинка, лица што не биле вработени во градинката и покрај тоа што во законот се вели дека именувањето вршител на должноста директор на детска градинка треба да се врши од редот на вработените во детската градинка“, соопшти МВР.