Свет
Земјотрес од 7,4 степени го погоди Мексико, едно лице загина
Земјотрес од 7,4 степени го погоди Мексико, при што загина едно лице, а едно е повредено, јавуваат агенциите.
Силниот земјотрес го погоди јужниот и централниот дел на Мексико. Земјотресот бил почуствуван и во претстолнината Мексико Сити која се наоѓа на 600 километри северно од сојузната држава Оахака, каде бил регистриран епицентарот на потресот.
#PemexInforma que por sismo con epicentro en costas de Oaxaca, la refinería “Antonio Dovalí Jaime” en Salina Cruz fue puesta en paro seguro por registro de disparo en los turbo generadores y caldera, lo que provocó un conato de incendio que fue sofocado de inmediato. pic.twitter.com/LCG6hX1Vei
— Petróleos Mexicanos (@Pemex) June 23, 2020
При уривањето на зграда загинало едно лице, а едно е повредено, соопштија надлежните. Според странските медиуми, сериозни оштетувања има во болница каде се згрижени заразени со Ковид-19, поради што тие ќе мора итно да бидат евакуирани. По земјотресот, којшто се случил околу 10.29 часот по локално време, биле реагистрирани уште 147 афтершокови.
Ројтерс јавува дека било издадено предупредување за цунами за државите Мексико, Гватемала, Ел Салвадор и Хондурас, односно 1.000 километри долж западниот брег на Јужна Америка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Маж киднапирал и сексуално злоставувал деветгодишно девојче во Лондон
56-годишен маж е обвинет за киднапирање и сексуално злоставување на деветгодишно девојче во Најтсбриџ, централен Лондон, пишува „Sky News“.
Имено, исчезнувањето на деветгодишното девојче било пријавено завчера, а мажот бил уапсен откако полицијата го запрела во западниот дел на градот.
Во тој момент со него било и малото девојче.
Се сомнева дека мажот се обидел да ја зашемети за да може сексуално да ја злоупотребува.
Тој се наоѓа во притвор и се очекува да се појави на суд на 22 мај.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024