Свет
Макрон прогласи прва победа над коронавирусот
„Кризата предизвикана од коронавирусот покажа колку Франција и остатокот од Европа се зависни од снабдувачките синџири од Кина и други делови на светот“, рече францускиот претседател, Емануел Макрон, во своето обраќање пред нацијата. Тој смета дека Европа треба помалку да биде зависна од Кина и САД, прогласувајќи ја „првата победа” на државата над коронавирусот.
„Ова искушение покажа недостатоци и слабости: нашата зависност од другите континенти во обезбедувањето на некои добра. Единствениот одговор е да се изгради нов, посилен економски модел и зголемување на работата и производството, така што не би биле зависни од другите“, рече Макрон во телевизиското обраќање.
Макрон најави дека ќе ги забрза плановите за отворање на државата и ќе ги ублажи воведените мерки за спречување на ширењето на вирусот.
„Војната со епидемијата не е готова, но среќен сум поради оваа прва освоена битка со вирусот“, објави Макрон, според кој рестораните и кафулињата од понеделник можат повторно да бидат отворени.
Француските власти оваа година очекуваат економијата да падне за 11 проценти, а Макрон најави дека Франција за помош на економијата ќе издвои околу 500 милијарди евра. Тој, сепак, вети дека трошоците за одржување на работењето на компаниите и вработувањето на населението нема да бидат на грбот на даночните обврзници.
Во однос на антирасистичките протести што по САД се раширија ширум светот, вклучително и Франција, која беше критикувана за лошото постапување кон своите малцинства, Макрон рече дека бојата на кожата често ги намалува можностите во Франција и вети дека ќе биде непоколеблив по прашање на каква било дискриминација.
Тој истакна дека Франција „нема да избрише никаква трага или име од своето минато“ или да „урива споменици“, осврнувајќи се на уништувањето на статуите на историски личности за кои демонстрантите тврдат дека имаат расистичко минато во земјите како САД, Велика Британија или Белгија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.