Европа
Позната италијанска музичарка пронајдена мртва, по 16 дена пронајдено распарчено телото на нејзиниот син
Италијанската јавност е во шок откако позната музичарка е пронајдена мртва, а по 16 дена потрага е откриено и распарченото тело на нејзиниот четиригодишен син.
Телото на диџејот Вивијана Париси е пронајдено во близина на електричен столб, откако имала мала сообраќајна несреќа на пат во Сицилија. Но, нејзиниот син не бил до неа, па полицијата ја продолжила потрагата, пишува Би-би-си.
Распарченото тело на детето ги пронашол полицаец доброволец кој се вклучил во потрагата, на околу 200 метри од магистралниот пат до Палермо и 400 метри од местото каде што е пронајдено телото на мајката.
Обвинителот Анџело Кавало изјави дека истражителите работат на три хипотези што може да објаснат што се случило: убиство-самоубиство, напад на диви животни или сексуален напад.
Според информациите на полицијата, Вивијана Париси го однела нејзиниот син на шопинг, при што доживеале мала сообраќајна незгода во тунелот. Поради дупната гума на автомобилот, Париси го запрела возилото откако го напуштила тунелот.
Italy Viviana Parisi death: Child’s remains found in mystery search
Italians have been shocked by the death of a 43-year-old DJ, who disappeared with her son.https://t.co/nad562J1Qo pic.twitter.com/2OLQrcuPgy
— WORLD NEWS (@newstypec) August 19, 2020
Видео од приватна надзорна камера снимило возило кое застанало да ѝ помогне на Париси, па властите апелираат тие да се јават и да помогнат во истрагата.
Сведоците опишале дека Париси се прекачила преку заштитната ограда „крајно вознемирена“ и дека носела неповредено дете во рацете.
Музичарката Вивијана Париси неодамна доживеала нервен слом, а нејзината состојба наводно се влошила како резултат на карантинот и пандемија на коронавирус.
Сепак, нејзиниот сопруг, диџејот Даниеле Мондело, инсистира на тоа дека била смирена и немала проблеми дента кога исчезнала.
„Вивијана не го уби, таа премногу го сакаше“, рече тој, побивајќи ја и теоријата дека била нападната од диви животни.
Пред шест дена, полицијата го пронајде распаднатото тело на Париси под високонапонски столб во грмушките во близина на градот Каронија. Имала скршена рака и траги од каснувања од животни.
Остатоците од детето се пронајдени по 16 дена од исчезнувањето. Во извештајот се наведува дека неговото тело е распарчено од диви животни. Во моментов се спроведува ДНК-тест за да се потврди неговиот идентитет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.