Свет
Се подготвува масовен каталонски протест во пресрет на дербито Барселона – Реал Мадрид
Каталонската платформа „Демократско цунами“ ги повика заговорниците за независност на Каталонија за масовни протести по осум дена пред стадионот „Камп Ноу“, каде ќе се игра најголемото фудбалско дерби во Шпанија меѓу Барселона и Реал Мадрид.
Во соопштението, „Демократско цунами“ вели дека повеќе од 18.000 луѓе веќе го потврдиле своето учество преку социјалните медиуми. Тие ги повикаа демонстрантите на четири локации околу стадионот во 16 часот, само четири часа пред да започне натпреварот.
„Демократско цунами“ собра 25.000 демонстранти на меѓународниот аеродром „Ел Прат“ во октомври, каде се судрија со полицијата додека се обидоа да го блокираат и суспендираат воздушниот сообраќај на аеродромот. Тие протестираа за „неправедните пресуди“ против поранешните членови на каталонската влада, осудени за одржување на референдумот за независност во 2017 година, којшто беше забранет од шпанскиот Уставен суд.
Натпреварот меѓу Барселона и Реал Мадрид ќе се одигра на 18 декември, откако мечот беше одложен поради безбедносните проблеми поради насилните протести во Барселона. Натпреварот требаше да се одигра на 26 октомври, но беше откажан.
„Тоа ќе биде настан што ќе го следат 650 милиони луѓе низ целиот свет“, се вели во повикот на „Демократско цунами“. Не е познато кој стои зад оваа иницијатива.
Во октомври, деветмина каталонски функционери беа осудени на 9 до 13 години затвор за организирање референдум за независност и покрај забраната на Уставниот суд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.