Свет
Шест писти и уникатна архитектура – аеродромот во Истанбул подобар од Хитроу
Читателите на британското списание International Airport Review го прогласија аеродромот во Истанбул за „Аеродром на годината”. Аеродромот во Истанбул освои мнозинство гласови од читателите, победувајќи неколку познати меѓународни аеродроми, како Хитроу (Велика Британија), Сиднеј (Австралија) и Чанги (Сингапур), се наведува во соопштението на IGA.
Аеродромот во Истанбул е на пат да се претвори во глобален центар со својата уникатна архитектура, силно развиена инфраструктура и високи технологии.
Додека аеродромот во Истанбул беше награден во категоријата „Избор на читателите: Аеродром на годината“, списанието додели и други награди: Индискиот меѓународен аеродром Кемпегова ја освои наградата за „Највредна иницијатива“; комплексот терминали на средниот аеродром во Абу Даби беше награден со „Проект за иновативен дизајн“; додека аеродромот во Единбург (Шкотска) ја доби наградата „Најдобра иницијатива за достапност“.
Аеродромот во Истанбул, чија првична фаза официјално беше отворена во октомври 2018 година, на 6 април годинава го презеде воздушниот сообраќај од аеродромот „Ататурк”.Предвидено е тој да опслужува 200 милиони патници годишно со целосен капацитет до 2028 година, кога треба да бидат завршени сите четири фази. Тој ќе има шест писти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.