Тројца градежни работници се транспортирани на Ургентен: двајца имаат полесни повреди, еден скршеници

Двајца градежни работници се со полесни телесни повреди, а третиот е со скршеници на двете потколеници и една натколеница, извести Ургнетниот центар при Комплексот клиники „Мајка Тереза“ во Скопје.

„Во врска со несреќата на градилиште во Кисела Вода, информираме дека во Ургентниот центар се транспортирани тројца повредени градежни работници. Двајца од работниците се со полесни телесни повреди и контузии, во тек се дијагностички процедури. Кај едниот од нив веднаш е санирана повреда на лактот, а третиот пациент е со скршеници на двете потколеници и една натколеница. Се следи здравствената состојба на повредените лица и продолжува нивниот медицински третман“, се наведува во соопштението на Ургнетниот центар.

Претходно МВР извести дека еден работник е пронајден починат, а смрт констатирал лекар од Итна медицинска помош.