Македонија
(Видео) Нема Македонец ниту како патник ниту како член на екипажот на крузерот со хантавирус, Андоновска вели граѓаните да бидат спокојни
Институтот за јавно здравје (ИЈЗ) е подготвен да дијагностицира пациенти заразени со хантавирусот кој е откриен на крузерот во Јужен Атлантик, иако засега нема таква опасност за македонските граѓани, уверува директорката Марија Андоновска. Таа вели дека во овој момент кај нас нема простор за каква било паника бидејќи не постои опасност ниту пак ризик за ширење на вирусот.
„ИЈЗ е подготвен со протоколи доколку има потреба од каква било реакција, а воедно ги поседува потребните реагенси, опрема, кадар и методологија за дијагностика доколку се појави потреба. Да потенцирам дека граѓаните во овој момент можат да бидат спокојни бидејќи исто така сме информирани од Светската здравствена организација дека на бродот не постои македонски државјанин ниту како патник ниту како член на екипажот, што е доста значајно за нас“, рече директорката Андоновска.
Секторот за епидемиологија во Институтот за јавно здравје е во постојана комуникација со Светстаката здравствена организација и со Европскиот центар за контрола на болести. Андоновкса вели дека на дневна основа ги добиваат сите податоци потребни за преземање активности, доколку има потреба.
Директорката Андоновска потсети дека хантавирусот не е нов и дека има два типа, европско-азиски и американски кој е откриен на крузерот.
„Европско-азискиот се дијагностицира во Македонија од 2015 година. Досега сме имале 32 случаи од кои тројца се починати. Овој што сме го имале во Македонија се пренесува само од глодар на човек, не се пренесува од човек на човек и симптоматологијата му е различна од оној кој во моментот е детектиран на крузерот. Вирусот што е откриен сега на крузерот не сме го регистрирале кај нас досега“, рече директорката Андоновска.
Иако не е регистриран американскиот тип на вирусот кај нас, Андоновска препорача граѓаните посебно да внимаваат на хигиената, да одржуваат високо ниво и да избегнуваат храна која стоела во магацини и на пазари, семки, сончогледи и конзерви кои би можеле да бидат загадени од глодари. Таа препорача општините соодветно да ја спроведат задолжителната дератизација која се прави двапати годишно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Уапсен осомничениот за палењето на возилата на бугарската амбасада во Скопје
Полицијата го пронајде и приведе осомничениот за денешното опожарување на две службени возила во сопственост на Амбасадата на Република Бугарија во Скопје.
Од Министерството за внатрешни работи соопштија дека станува збор за И.Д. (44) од Скопје, кој е задржан во полициска станица.
При преземените дејствија била пронајдена и облеката што осомничениот ја носел во моментот на извршување на делото.
Од МВР информираат дека во координација со надлежен јавен обвинител се преземаат дополнителни мерки и активности за целосно расчистување на случајот, по што против лицето ќе биде поднесена соодветна кривична пријава по итна постапка.
Македонија
Мисајловски од Париз: инвестираме во нова и модерна опрема, зашто безбедноста на нашите граѓани и сигурноста на Алијансата е врвен приоритет
Министерот за одбрана Владо Мисајловски денеска (15 јуни) престојува во Париз, Франција каде присуствуваше на отворањето на меѓународниот саем за одбрана и безбедност „EUROSATORY 2026“, а оствари средба и со Елен Конвеј-Муре, потпретседателка на Комитетот за надворешни работи, одбрана и вооружени сили во францускиот Сенат.
На средбата со сенаторката Конвеј-Муре, министерот Мисајловски се осврна на инвестициите во армијата, видливи преку стабилното зголемување на средствата наменети за одбрана кои оваа година достигнаа 2,18 проценти од бруто-домашниот производ, од кои 32,5 проценти се наменети за набавка на нова и софистицирана опрема за македонската Армија.
„Македонската Влада силно инвестира во зацврстувањето на одбраната и безбедноста на земјата, а со тоа и на колективната одбрана на Алијансата. Со зголемувањето на одбранбениот буџет и набавката на нова, модерна и софистицирана опрема, вклучително и системите за против-воздушна одбрана Мистрал 3 од Француската Република, несомнено придонесуваме кон посилно НАТО и побезбедни граѓани“, рече министерот на средбата.
Мисајловски на средбата нагласи и дека потенцијалот за развој на одбранбената соработка со Франција е навистина голем, особено во контекст на заедничките обуки и вежби, како и размената на експертиза во доменот на одбраната.
На саемот „EUROSATORY 2026“, македонската делегација одблиску се запозна со новите достигнувања на полето на воената технологија, што е од исклучителна важност имајќи го предвид активниот процес за модернизација и опремување на Армијата.
Македонија
Осуда за инцидентот со возилата на бугарската амбасада, Муцунски најави целосно расчистување на случајот
Осуда за инцидентот во кој денеска беа опожарени возила во сопственост на Амбасадата на Република Бугарија во Скопје изразил министерот за надворешни работи и надворешна трговија Тимчо Муцунски во телефонски разговор со бугарската министерка за надворешни работи Велислава Петрова-Чамова.
Како што соопшти Министерството за надворешни работи и надворешна трговија, Муцунски ја информирал својата бугарска колешка дека надлежните институции веќе преземаат соодветни мерки за целосно расчистување на случајот, утврдување на сите околности и изведување на сторителот пред лицето на правдата.
Тој нагласил дека Министерството за надворешни работи и надворешна трговија дава целосна поддршка на надлежните институции за спроведување брза, ефикасна и транспарентна истрага, со цел утврдување на одговорноста и соодветно санкционирање на сторителот.
(Видео) Содржајно реми на Белгија и Египет
Фудбалерите на Белгија и Египет одиграа нерешено 1:1 (0:1) во многу интересен натпревар, во првото коло од групата Г. Храбрите...
Од 50.000 до 2 милиони следбеници за неколку часа: Возиња по дуелот со Шпанија стана стана интернет ѕвезда
Голманот на Зеленортските Острови, Жозимар Жозе Евора Дијаш – Возиња, преку ноќ стана една од најголемите ѕвезди на Светското првенство...
Сензација на Мундијалот: 40-годишниот Возиња со 7 одбрани ја „заклучи“ мрежата против Шпанија
Ниту Лионел Меси, ниту Ламин Јамал, ниту Ерлинг Холанд, ниту Рафиња… најголемата сензација на почетокот на Светското првенство е 40-годишниот...
Работел како банкар, повик во репрезентацијата добил преку социјална мрежа, а денес ја шокираше Шпанија
Повикот за репрезентацијата го добил преку социјалната мрежа LinkedIn додека работел како банкар во Даблин, а денес поранешниот ирски службеник...
Пронајдено тело на 20-годишно момче во Охридското Езеро
Тело на 20-годишно момче било пронајдено во водите на Охридското Езеро кај Машка плажа во Струга. Случајот бил пријавен во...
Трамп за Иран: Се’ е потпишано, многу сум среќен
Американскиот претседател Доналд Трамп објави дека е потпишан договор со Иран со кој се предвидува целосно отворање на стратешки важниот...
Трамп: По Иран ќе се фокусирам на Украина
Американскиот претседател, Доналд Трамп, изјави дека по постигнувањето на договорот со Иран, вниманието ќе го насочи кон војната во Украина...
Маурицио Сари ја презеде Аталанта
Италијанскиот стручњак Маурицио Сари е новиот тренер на Аталанта, објави денес клубот од Бергамо. Сари го замени Рафаеле Паладино на...
(Видео) Прва сензација на СП – Зеленортските острови освоија бод против Шпанија
Дебитантите на светските првенства, Зеленортските острови ја режираа првата вистинска сензација на Мундијалот во САД, Канада и Мексико. Во Атланта,...