Свет
(Вознемирувачко видео) Дваесет ученици загинаа скокајќи од запалена зграда во Индија
Најмалку дваесет ученици загинаа, а дваесетина се повредени скокајќи од запалена зграда во Индија, каде што посетувале настава.
Massive tragedy in Surat as Fire breaks out in a building of a coaching class. 6 killed, several students jumped off the building.
Prayers and thoughts for the bereaving families?#Surat pic.twitter.com/amZd7B5iNF— karan™ (@karan_chawada) May 24, 2019
Како што јавуваат медиумите, станува збор за ученици на возраст од 14 до 17 години кои загинале при обид да се спасат од големиот пожар која ја зафатил четирикатницата, во која има и шопинг центар во индискиот град Сурат, во државата Гуџарат.
Oh God ! This is heart breaking. Praying for the safety of those trapped in the building. God bless. #surat pic.twitter.com/j3GZ6Dfgog
— अर्ध-सन्यासी (Half-Hermit) ?? (@bababanaras) May 24, 2019
Од владата на Индија најавија финансиска помош за семејствата на настраданите момчиња.
Премиерот Нарендра Моди нареди итна истрага за страшната несреќа и вети помош од владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.