Актерката Амернис Нокшиќи во Мадрид го прослави Бајрам

Актерката Амернис Нокшиќи-Јовановска и нејзиниот сопруг, новинарот Борјан Јовановски за празникот Бајрам решија да заминат во Мадрид. Таму се веќе неколку дена со нивните ќерки Бора и Каја.

„Во моментов сум во Мадрид и мадридски го славиме Бајрам. Ианку, кога сме дома секогаш го славиме со тоа што Борјан готви убав ручек за сите нас. Како и да е за мене празниците се момент кога се собира целото семејство“, ни откри Амернис.

Дека уживаат за празниците во Мадрид, таа се пофали и на својот фејсбук профил. Амернис ни откри дека секогаш заедно ги слават и муслиманските и христијанските празници, како и дека секогаш таа за Велигден вапца јајца.

Амернис и Борјан се повеќе од десет години во брак и ги имаат ќерките Каја и Бора.   (А.Г.)