Земјотрес со јачина од 6,4 степени според Рихтеровата скала рано утринава ја погоди областа на Кипар и беше почувствуван низ источниот Медитеран, соопшти Европскиот медитерански сеизмолошки центар.

Истиот земјотрес беше почувствуван во Египет, извести Националниот истражувачки институт за астрономија и геофизика на таа земја.

Земјотресот е регистриран на длабочина од 2 километра, нешто по 3 часот по полноќ недалеку од Лимасол.

Засега нема извештаи за штети или жртви.

Освен во Египет, земјотресот ги погоди и Турција и Израел.

Map of felt reports received so far following the #earthquake M6.5 in Cyprus Region 40 min ago pic.twitter.com/z4xNTjM59R

— EMSC (@LastQuake) January 11, 2022

Одбраната на бизнисменот Јордан Камчев ја демантира информацијата дека нивниот клиент се пожалил на симптоми на коронавирус и дека одбил испитувања на државна клиника кои му биле понудени.

Одбраната наведува дека Камчев има сериозното срцево хронично заболување кое е потврдено и од врвни кардиолози експерти од Австрија, Словенија и Северна Македонија, и истото, само по себе бара посебен третман и редовни прегледи.

„Во текот на летото, по алармантно влошена здравствена состојба на господинот Камчев, тој беше пренесен на Клиниката за кардиологија каде што задржан 5 дена, а потоа беше вратен во притворското одделение на КПУ Скопје. Тогаш, од страна на докторите од Клиниката за кардиологија во Скопје беше потврдено дека треба да се изврши контролен преглед месец и половина по неговото пуштање од клиниката. Како одбрана на г. Камчев, во соодветниот период посочен од докторите побаравме тој да биде посетен во затворот од доктор и да му се овозможат неопходните лекарски прегледи почнувајќи од биохемиска анализа која за неговата состојба е основен и неопходен параметар. Тоа не беше дозволено, туку од страна на затворската управа му беше понудено во 15 часот попладне да биде спроведен на Клиниката за кардиологија во Скопје. Господинот Камчев го одби тој преглед бидејќи терминот и начинот се сосема несоодветни за биохемиски проверки кои, како што напоменавме, се клучни и основни за проверка при третманот на неговата здравствена состојба. Како и тогаш и сега, како одбрана, бараме објаснување на кој основ се одлучува кој од притворениците има право да се лекува на приватна, а кој на државна клиника, односно кој е органот кој одлучува за тоа?“, се наведува во реакцијата на одбраната на Камчев.

Неговиот правен тим додава дека се изнесуваат невистини и во врска со тоа дека Камчев не се пожалил на влошена здравствена состојба на затворскиот лекар.

Во неколку наврати, при сериозно влошување на неговата здравствена состојба, вели одбраната, тој има побарано интервенција од затворскиот лекар, но имало случаи и кога смената на лекарот била завршена па за преглед доаѓала само медицинска сестра и како што е веќе познато и пренесено на јавноста, неговата влошена здравствена состојба во притворската ќелија е третирана со кисела вода и сол.

Протече уште еден доверлив документ во САД, во кој се наведува дека постои можност пандемијата да потекнува од лабораторија.

Портпаролот на кинеското Министерство за надворешни работи, Ванг Венбин, оцени дека извештајот за потеклото на Ковид-19 не е научен и нема кредибилитет.

Во ажурираниот извештај на американската разузнавачка служба, објавен во саботата, се наведува дека постои подеднаква веројатност вирусот да е од природно потекло и дека „протекол“ од лабораторија, но дека вистината можеби никогаш нема да се дознае, пренесува „Ројтерс“.

Реагирајќи на извештајот, Ванг на прес-конференцијата рече дека „лагата е повторена илјада пати и сè уште е лага“, додавајќи дека американските разузнавачки служби „имаат репутација позната по измами“.

„Потрагата по потеклото на новиот коронавирус е сериозно и сложено прашање што треба и може да се истражи само со соработка на глобалните научници“, рече тој. Кина постојано ги негираше наводите дека вирусот протекол од специјализирана лабораторија во градот Вухан, каде што Ковид-19 првпат беше идентификуван на крајот на 2019 година.

Ванг повторно ги повика САД да ја отворат својата лабораторија во Форт Детрик за меѓународни експерти. Заедничката студија на Кина и Светската здравствена организација (СЗО) беше објавена претходно оваа година, но ја отфрли теоријата дека Ковид-19 потекнува од лабораторија, наведувајќи дека најверојатно тој се пренесува од диви животни на луѓето по природен пат.