Во екплозијата на цистерна во Пакистан 153 мртви

Најмалку 153 лица, меѓу кои и жени и деца, загинаа, а десетици се во критична состојба во експлозија на танкер со нафта во Пакистан, изјавија официјални лица. Според докторот Мухамед Бакар, многу од жртвите биле запалени до непрепознатливост и ќе се идентификуваат врз основа на ДНК.

Откако преку повик од една џамија беа предупредени дека се превртела цистерна со нафта на автопатот, на периферијата на градот Бахавалпур, луѓете се упатиле натаму за да ја соберат нафтата. Цистерната притоа се запалила, по што уследила експлозија.

Трагедијата се случи еден ден пред прославата на Курбан Бајрам со кој се одбележува крајот на постот за време на светиот муслимански месец Рамазан, и во време на голема гужва на патиштата во Пакистан поради големиот број на луѓе кои патуваат за одмор. АП наведува дека спасувачките екипи за итни случаи морале да интервенираат за да го соберат истуреното гориво.

Несреќата се случи на националниот автопат, на околу 100 километри од главниот град Мултан, кога возачот на резервоарот, кој пренесувал гориво од јужното пристаниште Карачи, ја изгубил контролата над возилото.