Регион
„Лајми“: САД нема да одобруваат визи за косовските функционери поради таксите
Соединетите Американски Држави нема да одобрат виза за ниту еден косовски функционер по одбивањето на Приштина да ги укине или суспендира таксите за увоз на производи од Србија и Босна и Херцеговина, пренесе порталот „Лајми.нет“.
Според наводите на порталот, Вашингтон со тоа почнал да применува конкретни мерки кон функционерите по одлуката на косовскиот премиер, Рамуш Харадинај, таксите да останат во сила.
Аналитичарот Артон Демхасај оцени дека се работи за притисок со цел да се убеди косовската влада да донесе одлука за укинување или суспензија на таксите. Не е сигурен до кога косовската влада ќе може да се спротивставува на барањата на САД и ЕУ.
„Видовме дека косовската влада останува одлучна и ќе видиме до кога ќе трае тоа, како ќе реагира на притисоците на САД или ЕУ“, вели Демхасај.
Тој оцени дека САД прашањето за таксите го сфатиле многу сериозно и додаде дека се можни и други потешки санкции од страна на Вашингтон кон косовските институции.
Претходно, интернет-страницата „Газета метро“, повикувајќи се на неименувани извори, напиша дека советникот за национална безбедност на американскиот претседател Доналд Трамп, Џон Болтон, се обратил кон косовскиот премиер Рамуш Харадинај во сериозен телефонски разговор со многу негативен тон. Според извори на овој медиум, најдоцна до следната недела стопроцентните царини за увоз на производи од Србија и Босна и Херцеговина ќе бидат укинати.
САД од Косово побараа суспензија на таксите со цел да се овозможи продолжение на дијалогот за нормализација на односите помеѓу Косово и Србија, а премиерот Харадинај е одлучен таксите да не бидат повлечени без гаранција на Вашингтон и Брисел, дека резултат на конечнниот правнообврзувачки договор помеѓу Белград и Приштина ќе биде признавањето на косовската независност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ во ОН: Курти денес не е во Њујорк оти води тајна кампања во Северна Македонија
За време на седницата на Советот за безбедност на Обединетите нации посветена на шестмесечниот извештај на генералниот секретар на ОН Антонио Гутереш за работата на УНМИК, српскиот претседател Александар Вучиќ го обвини лидерот на движењето Самоопределување, Аљбин Курти за мешање во внатрешните работи на Македонија.
Вучиќ истакна дека Курти не бил присутен на седницата во Њујорк бидејќи бил зафатен со водењето на изборната кампања на неговата партија во соседна држава.
Вучиќ изрази изненаденост од тоа што, според него, најпопуларен политичар во Македонија е претседателот на Србија, иако нема кампања во таа земја.
Тој посочи дека како претседател на Србија се извинува за постапките на, како што го нарече, српскиот граѓанин Аљбин Курти и истакна дека мешањето во внатрешните работи на Северна Македонија не е политика на Србија, туку постапка на неодговорен граѓанин.
Регион
Уапсена државјанка на Јужна Африка, осомничена дека ја убилa мајка си во Црна Гора
Јужноафриканска државјанка е уапсена под сомнение дека утрово ја убила својата мајка во Пераст.
Полициската управа соопшти дека медицинскиот персонал на Здравствениот дом во Котор пријавил во полиција дека во станбена зграда во Пераст е пронајдено безживотно тело на жена, а таму била пронајдена и нејзината ќерка Н.Л.Т., пренесува Вијести.
„Полицијата излезе на местото на настанот каде е утврден идентитетот на починатата, а преземени се мерки и дејствија за утврдување на фактите и околностите под кои настапила смртта“, се вели во соопштението на полицијата.
Оттаму додаваат дека увид на лице место е извршено во присуство на обвинител од Вишото државно обвинителство во Подгорица, како и службеник од Центарот за судска медицина.
„По преземени сеопфатни истражни дејствија, припадниците на полицијата дошле до сомнение дека сторител на ова кривично дело е Н.Л.Т. и таа е лишена од слободата.
Регион
Османи: Белград ја спречува интеграцијата на Србите во институциите на Косово
Косовската претседателка Вјоса Османи упати низа обвинувања за Србија на седницата на Советот за безбедност (СБ) на Обединетите Нации (ОН) посветена на Косово.
Османи обвини дека Белград ја спречува интеграцијата на Србите во институциите на Косово.
Таа изјави дека Србија ја заплашува српската заедница на северот на Косово, а како пример го наведе неодамнешното апсење на косовски полицајци во Србија, пренесува „Радио Слободна Европа“.
Османи обвини и оти Србија претходните денови на граница задржувала автобуси со патници од албанска националност.
Владата на Косово претходно овие постапки ги оцени како одмазда на Србија за поддршката дадена од Парламентарното собрание на Советот на Европа за членството на Косово во оваа организација.
„Србите во Косово се под притисок, но од страна на властите во Србија“, рече Османи.