Контакт

Uncategorized

Нов случај на дете со дијабетес испратено од Охрид на Детската клиника

Објавено пред

Уште едно дете со дијабетес од Охрид е на пат кон Детската клиника. Од Државниот здравствен и санитарен инспекторат за „Макфакс“ велат дека станува збор за 6-годишно дете со новооткриен дијабетес, кое во стабилна состојба било испратено од Општата болница во Охрид.

Ова е четврти случај на дете со дијабетес на Клиниката за детски болести за само една недела. Вчера на Клиниката беше донесено 14-годишно дете од Охрид во тешка здравствена состојба, а претходно биле примени уште две деца, едно деветгодишно од Гевгелија и тригодишно од Свети Николе, кое сега е испишано од Клиниката.

Од Државниот здравствен и санитарен инспекторат најавија дека во тек е вонреден инспекциски надзор кај матичните лекари на децата, како и во општите болници од кои тие деца се препратени пред да бидат донесени на Детската клиника. Сите одговори за евентуални пропусти во лекувањето здравствените власти ги очекуваат по извештаите од инспекциите.

Uncategorized

Британска директорка суспендирала двајца 10-годишници поради хомофобија

Објавено пред

Директорката на основното училиште „Хиверс фарм” во Јужен Лондон суспендирала двајца 10-годишни христијански ученици, откако побарале дозвола да не учествуваат во ЛГБТ-часот за време на месецот „Геј прајд“, пренесува „Брејтбарт“.

Директорката Сузан Папас, која им наложила на учениците да учествуваат на парадата „Геј прајд” минатата година, им рекла на двете деца, кои се со африканско потекло, дека се разочарување за училиштето, објави „Christian Concern“ во понеделникот.

На 20 јуни ученикот Фарел Спенс побарал дозвола од својот учител Алекс Смит да не учествува на часот на кој Смит делел ЛГБТ-материјал за боење. Наставникот не му дал дозвола тврдејќи дека ЛГБТ-часот е дел од наставната програма.

По завршувањето на наставата, Смит, наводно, го обвинил Фарел за употреба на хомофобичен јазик, што детето категорично го негира.

Фарел, кој е католик, седел со својата соученичка Кејси Френсис, пентекостална христијанка, и му рекол на друг наставник дека не го прифаќа ЛГБТ-движењето поради својата религија. Наставникот, наводно, ги прашал двете деца дали сакаат ЛГБТ-луѓето да умрат?”

„Му рековме не”, вели Фарел, „но додадов дека ако се вратиме во своите земји, ќе бидеме казнети ако сме геј“.

Наставникот го прашал Фарел од каде е, а момчето одговорило дека Африканец со потекло од Јамајка каде што сите се христијани и католици, па не ги прифаќаат ЛГБТ-луѓето.

Подоцна, директорката Папас, наводно, ги повикала двете деца и им се развикала: „Како се осмелувате? Вие сте разочарување за училиштето. ”

Папас, чија ќерка е лезбејка и менаџер во училиште, ги ставила децата во одделни простории, а подоцна го казнила девојчето со три часа дополнителни часови. Таа на крај ги суспендирала и Кејси и Фарел од училиште пет дена.

Основното училиште „Хиверс фармер“ едуцира 750 ученици во една мултикултурна и мултирелигиска населба во Јужен Лондон, а неговиот заменик-директор Роберт Аски исто така е отворено геј. Мајките на двете деца се пожалија кај директорот, повикувајќи се на училишните прописи според кои е незаконски да се суспендира ученик поради недисциплинска причина.

Родителите тврдат дека нивните деца не прават хомофобични коментари и ја обвинија директорката дека не ја елиминира дискриминацијата врз основа на религија или верување. Тие, исто така, ја цитираа Европската конвенција за човекови права, велејќи дека таа бара училиштата да го почитуваат начинот на кој родителите ги воспитуваат своите деца во согласност со нивната христијанска вера.

Прикажи повеќе...

Uncategorized

Царовска: Уште пет региони добиваат специјализирани сервиси за заштита од родовото насилство

Објавено пред

Ги развиваме услугите за заштита од родово насилство, специјaлизирани сервиси се отвораат во уште 5 региони, изјави министерката за труд и социјална политика, Мила Царовска, која денеска присуствуваше на конференција на ХЕРА – Асоцијација за здравствена едукација и истражување, на тема „Финансиските импликации за обезбедување достапни и пристапни специјализирани сервиси за жртви на родово засновано и семејно насилство“.

 

Таа објасни дека во моментот во Скопскиот Регион има воспоставено СОС-линија, кризен центар за 24-48 часа сместување, долгорочно сместување до 6 месеци во шелтер-центар, психосоцијална поддршка во прв семеен центар за жртви сторители и деца и правно зајакнување.

„Дополнително, до октомври е планиран развој на психосоцијални советувалишта во уште 5 града во други региони затоа што е важно услугите да се блиску до граѓаните и ќе работиме на развој на истиот овој пакет на услуги во другите региони. Јас сум сигурна дека до 2025, како што е утврдено во акцискиот план од Истанбулската конвенција, што ја ратификувавме како држава, ќе ги исполниме стандардите и ќе добиеме позитивно светло од оние што треба да ја оценат државата“, дополни Царовска.

Земјата на 30 декември пред две години ја ратификува Европската конвенција за спречување борба против насилство врз жените, вклучително и семејно насилство, која стапи во сила на 1 јули 2018. На 9 октомври 2018 година го усвои акцискиот план за нејзино спроведување за период до 2023 година. Тука се предвидени конкретни активности и временска рамка за реализирање. Посебен фокус во имплементацијата на акцискиот план е во националната легислатива и развивање специјализирани сервиси за жртви на родово базирано насилство.

Во Законот за социјалната заштита, освен што се унапредуваат социјалните права и трансфери кон граѓаните, се дава основа за плурализација или развој на социјалната заштита.

Прикажи повеќе...

Uncategorized

Спасовски на седница на локалниот совет за превенција на Дојран

Објавено пред

Локалниот совет за превенција како меѓуинституционално тело претставува извонредна можност за навремено и точно детектирање на сите предизвици важни за функционирањето на една локална средина, но уште повеќе – можност за локално стратешко планирање и нудење сеопфатни решенија, кои ќе бидат целосно во интерес на сите жители на општината, рече министерот Оливер Спасовски на денешната седница на локалниот совет за превенција на општина Дојран.

„Партиципацијата на полицијата во работата на локалниот совет за превенција за нас во Министерството за внатрешни работи е од исклучителен интерес како во поглед на продлабочување на комуникацијата со граѓаните,така и во поглед на интензивирање на таа соработка, особено во контекст на нашата примарна цел да ја етаблираме полицијата како реален сервис на граѓаните. Само преку блиска, секојдневна и отворена комуникација меѓу граѓаните и полицијата можеме да претендираме на подинамично зголемување или подобрување на квалитетот на живеење од аспект на проблематиките и работите за кои законски е обврзана и надлежна полицијата. Всушност, токму блискоста и соработка го сочинуваа темелот на ефикасното превентивно дејствување“, рече министерот Спасовски.

Оттаму, рече Спасовски, а во контекст на претходно изреченото, сметам дека оваа средба денес претставува одличен пример за тоа како локалната самоуправа треба да се справува и да дејствува не само во насока на благовремено превенирање на сите потенцијални проблеми, туку и во насока на севкупно подобрување на стандардите и сигурноста на живеење на сите граѓани во рамките на општината.

„Се разбира, секоја локална самоуправа има свои специфики, што тргнуваат од различитоста на потенцијалите и капацитетите со кои располага која било локална средина. Тие специфики, пак, ја детерминираат условно кажано агендата на работа и функционирање на локалниот совет за превенција, како што е впрочем случајот и со локалниот совет при Општина Дојран, особено за теми како што се, на пример, туристичката сезона, која веќе почнува, или превенцијата и заштитата од пожари, исто така горлива и важна тема што ја тангира Општина Дојран“, рече Спасовски.

Министерот имаше средба и со градоначалникот на Дојран, Анго Ангов, на која разговараа за меѓусебната соработка во корист на граѓаните од оваа општина, како и за обновувањето на врската меѓу локалната заедница и полицијата, нешто на што ова раководство на МВР работи во целиот овој период откако е во Министерството.

Прикажи повеќе...

Најново

Македонија1 час

Димитров: Системот почна да се бори со криминалот, сеирџиство и банално ликување не помагаат

Системот, со сите маани, почнува да се бори со криминалот, без разлика од каде доаѓа, напиша министерот за надвореши работи,...

Европа1 час

На Алпите паднаа 30 сантиметри снег

На Матерхорн, еден од највисоките врвови на италијанските Алпи чија надморска височина е 4.478 метри, паднаа 30 сантиметри снег, кој...

Македонија9 часа

Русковска: Обвинителките засега нема да бидат изведени пред судија

Шефицата на Обвинителството за организиран криминал, Вилма Русковска вели дека постоеле индиции оти Бојан Јовановски познат како Боки 13 се...

Македонија10 часа

Притвор од 30 дена и за Боки 13

Триесет дена притвор вечерва доби и првиот човек на 1ТВ и неформалниот директор на „БМЈ Медиа груп“, Бојан Јовановски, познат...

Македонија11 час

Притвор од 30 дена за бизнисменот Зоран Милевски

Судот вечерва му изрече 30 дена притвор на бизнисменот Зоран Милевски, познат како Зоки Кичеец, кој беше неколку часа на...

Македонија12 часа

Полицијата влезе и во домот на Катица Јанева

Полицијата вечерва влезе и во домот на специјалната обвинителка Катица Јанева, откако била издадена судска наредба за одземање на предмети....

Регион14 часа

Вучиќ по средбата со Макрон: Го молев да ни помогне за косовското прашање

Српскиот претседател Александар Вучиќ изјави дека не е сонувач ниту фантазер за да мисли дека францускиот претседател, Емануел Макрон, ќе...

Македонија16 часа

Јовески поддржува ветинг по ослободителната пресуда за Латас

Првиот човек на Јавното обвинителство, Љубомир Јовески, рече дека го поддржува решението за ветинг или друга форма на проверка на...

Македонија17 часа

(Видео) Обвинителството со детали: Боки 13 и Милевски барале 8 милиони евра рекет од бизнисмен

Бојан Јовановски, познат како Боки 13, и Зоран Милевски, познат како Зоки Кичеец, се осомничени за примање награда за противзаконито...

Македонија18 часа

(Видео) Заев: Новите снимки за Нешкоски само потврдуваат како владеел Груевски

Новообјавените разговори за убиството на Мартин Нешкоски само потврдуваат како владеела претходната гарнитура и како се обиделе да скријат убиство,...

Македонија19 часа

Уапсен Боки 13

Попладнево е уапсен Бојан Јовановски – Боки 13. Неофицијално, апсењето е по барање на Обвинителството за организиран криминал. Тој попладнево...

Македонија20 часа

Шефицата на СЈО, Катица Јанева, поднесе оставка

Шефицата на специјалното јавно обвинителство, Катица Јанева, поднесе оставка. Таа објави дека нејзината оставка ќе стане активна тогаш кога политичките партии...

Македонија20 часа

(Видео) Заев повика на лидерска средба в петок

Премиерот Зоран Заев на прес-конференција повика на лидерска средба в петок во 14 часот во Клубот на пратениците. На средбата...

Сеад Кочан Трансмет, Труст, СЈО Сеад Кочан Трансмет, Труст, СЈО
Македонија20 часа

Кривичен го одби барањето на Кочан, в среда треба да се појави во затворот

Кривичниот суд во Скопје ја одби жалбата на Сеад Кочан за одложување на затворската казна од четири години и осум...

Економија21 час

Поскапуваат горивата

Горивата од ноќеска на полноќ поскапуваат 1,5, односно 1 денар, соопшти Регулаторната комисија за енергетика. Малопродажните цени на бензините „евросупер...

Македонија23 часа

Када на дното на Охридското Езеро

Нуркачкиот клуб „Акватек“ објави фотографии на кои се гледа када на дното на Охридското Езеро помеѓу Срјшче и Мостот на...

Забава1 ден

На Гренланд откриени повеќе од 50 нови езера, досега се знаеше само за четири

Под мразот на Гренланд научниците откриле повеќе од 50 нови езера, а досега се знаело за само четири. Антарктикот под...

Свет1 ден

Трамп ги навреди обоените жени демократи во Конгресот

Претседателот на САД, Доналд Трамп, критикува група обоени демократски претставнички во Конгресот нарекувајќи ги предизвикувачи на нереди родени во странство...

Свет1 ден

Нетанјаху им се закани на Либан и Хезболах: Ќе ве уништиме

Израелскиот премиер, Бенјамин Нетанјаху, се закани дека ќе ги уништи Либан и Хезболах ако ова либанско движење ги реализира сите...

Регион1 ден

Макрон во посета на Србија

Францускиот претседател, Емануел Mакрон, денеска ќе пристигне во дводневна посета на Србија со намера да покаже дека Париз сè уште...

Досие