Министерот за надворешни работи и надворешна трговија, Тимчо Муцунски, утре ќе оди во еднодневна работна посета на Босна и Херцеговина. Ќе има средба со министерот за надворешни работи, Елмедин Конаковиќ, најави неговата ПР – служба.

Посетата се реализира на покана на министерот Конаковиќ, а двјцата министри ќе разговараат билатералните односи и континуираната соработка во областите од заемен интерес.

На средбата се очекува да стане збор за европската перспектива на регионот и процесот на интеграција во Европската Унија, а ПР – службата на министерот извести и дека ќе бидат разменети мислења за можностите за натамошно продлабочување на билатералната соработка, пред сè на економски план, со посебен акцент на унапредувањето на надворешната трговија.

Покрај сите пофалби и признанија на функционери од земји членки на ЕУ кон Македонија, само Филипче и Радев на иста линија бараат уставни измени, обвини денес портпаролот на ВМРО-ДПМНЕ, Валентин Манасиевски.

„Сите од ЕУ со внимание ги следат реформите на македонската влада и ги поздравуваат велејќи дека сме лидери во регионот, само Филипче и Радев велат единствена реформа се уставните измени. По долго време коленичење и лековерност од страна на властите предводени од СДС, сега европските претставници гледаат државнички пристап од македонската влада предводена од ВМРО-ДПМНЕ и велат дека заслужуваме предвидлив европски пат. Само Венко Филипче и Румен Радев не сметаат така.

Но, мекото ткиво предводено од Филипче и СДС ја отежнува работата. Само тие се на иста линија со Радев и Бугарија, а на бугарските власти тоа им одговара. Наместо да застанат зад македонските интереси, тие спремаат уште поголемо предавство“, рече Манасиевски.

Тој јавно ги праша СДСМ и Филопче уште што повеќе сакаат да направат за да и наштетат на Македонија и да бидат запаметени во историјата како најголемите предавници на татковината.

Македонскиот атлетичар и член на АК „Скопски маратон“, Дарио Ивановски, победи на полумаратонот на 10. јубилејно издание на „Охрид трчат“ што се одржа денеска низ улиците на Охрид.

Тој патеката од 21 километар ја мина за време од 1 час 10 минути и 46 секунди.

Втор на целта на 21 километар пристигна Игор Трипуновски од Македонија со време 1:19:22 часа, а трет беше Томаш Суњог од Унгарија со време 1:21:52 часа.

Во женска конкуренција на полумаратонот најбрза беше Греса Бакрачи од Косово со време 1:31:35 ч., втора пристигна Биљана Кираџиева од Србија (1:34:07 ч.), а трета финишираше Благица Јованова од Македонија со време 1:35:24 ч.

Во штафетната трка на 21 километар мажи триумфираа „Korruners & Atomic“ со време 1:26:37ч., пред „Битолски бавни тркачи“ (1:26:50ч.) и Алексинац ранинг клуб (1:30:41ч.). Кај жените триумфираше штафетата на МС Ран со време 1:41:02 часа, пред „CaMino de Santiago Francés 2026 M+F“ со време 1:42:48 часа и екипата „Трајчески“ со време 1:55:01 часа.

Кај мешаните штафети најбрза беше екипата на „Битола трча“ со време 1:29:44ч., втора пристигна штафетата „Тирунмису“ (1:34:29ч.), а трета беше штафетата „АОК ЗЛАТОВРВ“ (1:38:13ч.).

Во тимска конкуренција мажи на 21 километар победи АК „Скопски маратон“ со време 5:22:38 часа, пред АКК „Ран клуб“ со време 6:06:50 часа и „Ран Авеј“ 07:22:05 часа. Кај жените најдобар беше тимот на АК „Атомик“ (07:29:34 ч.), пред „Ран Авеј“ (7:52:33 ч.) и АКК „Ран клуб“ (08:28:38 ч.).

Во трката на 5 километри во машка конкуренција прв на целта пристигна Григоријан Никовски од АК Олимп со време 18:02 минути, пред Роберто Димитриевски од АК Велес со време 19: 32 минути и Ванчо Бајам од АК Охрид трчаТ со време 19:42 минути.

Во женска конкуренција на 5 километри победи Матеја Ефремовска од АК Скопски маратон со време 23:44 м, пред Невена Максимовиќ од АК Ран Авеј –  Србија, со време 23:53 м, а трета беше Емили Иваноска од АК Скопски маратон со време 24:38м.

Тимски на 5 километри во машка конкуренција триумфираше штафетата „Ракометна школа Седмерец“ – Охрид со време 1:26:47 часа, пред „Ретко е да си редок (1:41:44 ч.) и ЛТХ Леарница (1:42:25 ч.). Во женска конкуренција победи екипата на „3 Disciplines“ со време 1:48:52 ч, пред „Run Away“ (2:01:55 ч.) и „Ретко е да си редок“ (2:13:49 ч.).

На 10. јубилејно издание на Атлетскиот викенд „Охрид трчат“ учествуваа рекордни 2700 тркачи од 30 земји.