Триесет и петгогодишната Британка Наталија Кристофер, која исчезна во понеделникот наутро на грчкиот остров Икарија, попладнево е пронајдена мртва. Нејзиното тело било пронајдено во бездна длабока 20 метри, во непрооден планински терен во областа Караме, Агиос Кирикас.

Според првичните информации, таа била поклопена од карпа што паднала врз неа, а била пронајдена по сигналот од нејзиниот мобилен телефон. Како што пренесуваат грчките медиуми, најверојатно станува збор за несреќен случај, откако Наталија сакала да се качи на карпата.

Наталија, која има британско-кипарско потекло, а живее на Кипар, била на одмор со својот партнер во Икарија. Тој пријавил во полиција дека исчезнала откако не му одговарала на телефонските повици. Претходно, Наталија му рекла дека ќе оди да трча.

На социјалната мрежа „Фејсбук“ се појавија неколку видео-снимки од специјалната јавна обвинителка Катица Јанева во фризерски салон во Скопје.

Засега не е познато кога е снимена Јанева.

Специјалната обвинителка од минатата недела е на боледување. Ден пред да го отвори боледувањето таа поднесе оставка што ќе стане активна со изборот на нејзиниот наследник.

Обвинителството ѝ го одзеде едниот мобилен телефон со наредба и го предаде на вештачење во истрагата за рекет.

Директорката на основното училиште „Хиверс фарм” во Јужен Лондон суспендирала двајца 10-годишни христијански ученици, откако побарале дозвола да не учествуваат во ЛГБТ-часот за време на месецот „Геј прајд“, пренесува „Брејтбарт“.

Директорката Сузан Папас, која им наложила на учениците да учествуваат на парадата „Геј прајд” минатата година, им рекла на двете деца, кои се со африканско потекло, дека се разочарување за училиштето, објави „Christian Concern“ во понеделникот.

На 20 јуни ученикот Фарел Спенс побарал дозвола од својот учител Алекс Смит да не учествува на часот на кој Смит делел ЛГБТ-материјал за боење. Наставникот не му дал дозвола тврдејќи дека ЛГБТ-часот е дел од наставната програма.

По завршувањето на наставата, Смит, наводно, го обвинил Фарел за употреба на хомофобичен јазик, што детето категорично го негира.

Фарел, кој е католик, седел со својата соученичка Кејси Френсис, пентекостална христијанка, и му рекол на друг наставник дека не го прифаќа ЛГБТ-движењето поради својата религија. Наставникот, наводно, ги прашал двете деца дали сакаат ЛГБТ-луѓето да умрат?”

„Му рековме не”, вели Фарел, „но додадов дека ако се вратиме во своите земји, ќе бидеме казнети ако сме геј“.

Наставникот го прашал Фарел од каде е, а момчето одговорило дека Африканец со потекло од Јамајка каде што сите се христијани и католици, па не ги прифаќаат ЛГБТ-луѓето.

Подоцна, директорката Папас, наводно, ги повикала двете деца и им се развикала: „Како се осмелувате? Вие сте разочарување за училиштето. ”

Watch a 10-year-old child’s view of the damaging impact of the LGBT agenda in schools. Kaysey was manipulated, bullied & unlawfully excluded by her headteacher for alleged anti-LGBT comments. Kaysey categorically denies the allegations and she is backed by children in her class. pic.twitter.com/8GPCZwumyn

— Christian Concern (@CConcern) July 1, 2019

Папас, чија ќерка е лезбејка и менаџер во училиште, ги ставила децата во одделни простории, а подоцна го казнила девојчето со три часа дополнителни часови. Таа на крај ги суспендирала и Кејси и Фарел од училиште пет дена.

Основното училиште „Хиверс фармер“ едуцира 750 ученици во една мултикултурна и мултирелигиска населба во Јужен Лондон, а неговиот заменик-директор Роберт Аски исто така е отворено геј. Мајките на двете деца се пожалија кај директорот, повикувајќи се на училишните прописи според кои е незаконски да се суспендира ученик поради недисциплинска причина.

Родителите тврдат дека нивните деца не прават хомофобични коментари и ја обвинија директорката дека не ја елиминира дискриминацијата врз основа на религија или верување. Тие, исто така, ја цитираа Европската конвенција за човекови права, велејќи дека таа бара училиштата да го почитуваат начинот на кој родителите ги воспитуваат своите деца во согласност со нивната христијанска вера.