Контакт

Uncategorized

ФИТР: Продолжен рокот за аплицирање на повикот за дигитализација на општините

Објавено пред

Поради зголемениот интерес од компаниите и големиот број дополнителни прашања и сугестии од потенцијалните апликанти, рокот за аплицирање за јавниот повик за дигитализација на општините се продолжува до 19.10.2020 до 12 часот.

Целта на повикот е развој на дигитални алатки и решенија за подобри и поквалитетни услуги во локалната самоуправа, а го спроведуваат Фондот за иновации и технолошки развој и УНДП (Програма за развој на Обединетите нации). Повикот е отворен е за сите домашни компании, а решенијата треба да придонесат и кон забрзување на економското закрепнување од последиците предизвикани од пандемијата на Ковид-19 на локално ниво и олеснување на почитувањето на мерките за превенција на ширење на вирусот.

Апликантите треба да развијат е-платформа, која ќе ги интегрира решенијата за воспоставување електронски систем за наплата на давачките кон општината, воспоставување систем за електронско плаќање сметки кон јавните претпријатија, електронски систем на волонтери и онлајн-платформа за општински форум.

Се очекува избраното решение да биде искористено од страна на разни категории граѓани од разни возрасни структури, без ограничување, со јасни и разбирливи инструкции за користење. УНДП ги обезбедува средствата за повикот – 4 милиони денари, а спроведувањето му е доверено на Фондот и ќе се врши со користење на успешно воспоставените процедури и капацитетите на ФИТР.

Преку ФИТР се обезбедува финансирање до 100 % од вкупниот буџет за проектот, во максимален износ од 75.000 американски долари во денарска потиввредност, со вклучени трошоци за надзор во износ од 10 % од вкупниот оперативен буџет на проектот. Е-платформата треба да биде изработена за максимум 30 дена, а еден апликант треба да даде понуда за сите четири решенија, кои треба да бидат спроведени во сите пет пилот-општини.

Степенот на технолошкиот напредок и степенот на дигитализација, квалитет на проектот, капацитет на проектниот тим и влијанието се главните критериуми според кои ќе се оценуваат предлог проектите. Избраните дигитални алатки во оваа прва фаза ќе се имплементираат во 5 пилот-општини: Центар Жупа, Боговиње, Свети Николе, Прилеп и Куманово, кои се селектирани преку Програмата за развој на Обединетите нации (УНДП), насочена кон поддршка на државата за справување со ефектите од Ковид-19, како и спроведување брза и сеопфатна социо-економска анализа за ефектите од пандемијата и утврдување на можностите за побрзо закрепнување на локално ниво.

Се очекува решенијата да бидат изготвени, но и имплементирани до крајот на годинава, а тие ќе бидат целосно бесплатно достапни и за други општини кои ќе изразат подготвеност и желба.

Uncategorized

Ливерпул испратиле понуда за Саул Нигез

Објавено пред

Ливерпул испратиле понуда до Атлетико за Саул Нигез. „Црвените“, бараат замена за Вајналдум, се решиле за Саул, откако пропадна обидот за размена на релација Атлетико-Барселона, која Саул би го однела на „Ноу Камп“ и би го вратила Гризман во Мадрид.

Англиските медиуми тврдат дека Ливерпул за Саул понудиле пари и еден фудбалер. Саул има договор со Атлетико до 2026 година, за него Ливерпул биле подготвени да платат 40 милиони евра.

Медиумите на Островот објавија дека од Ливерпул биле подготвени да го испрата и Џердан Шачири, чија вредност на фудбалскиот пазар изнесува 15 милиони евра. Помалку неверојатно звучи и информацијата дека Ливерпул би можеле да го понудат и капитенот Џордан Хендерсон, кој одбива да го продолжи договорот.

Саул од јуниорските денови е во Атлетико. Долги години беше стандарден во тимот на Диего Симеоне. Работите се сменија минатата сезона, во која Атлетико ја освои Ла Лига. Саул настапи на 33 натпревари, но само 11 пати беше во почетниот тим.

Прикажи повеќе...

Uncategorized

Австралиските власти најавија продолжување на заклучувањето

Објавено пред

Речиси половина од 25 милиони жители на Австралија се заклучени во своите домови поради ширењето на делта-сојот на коронавирусот вклучувајќи ги и граѓаните на Сиднеј, најголемиот град во земјата.

Австралиските власти денеска објавија дека во државата Викторија ќе биде продолжено заклучувањето поради Ковид-19 во наредните денови и покрај благиот пад на бројот на новозаразени.

Премиерот на државата Викторија, Даниел Ендрус, потврди дека правилата за заклучување нема да бидат укинати бидејќи има нови случаи на Ковид-19, а повеќе детали тој најави за утре.

Во државата Викторија, втора по бројност во Австралија, чиј главен град е Мелбурн, денес беа потврдени 13 локални случаи на инфекција, три помалку од претходниот ден.

Прикажи повеќе...

Uncategorized

„Не потценувај го заморот – вози одморен!“

Објавено пред

Покрај брзото возење и алкохолот, заморот е една од главните причини за предизвикување сообраќајни незгоди во летниот период. Особено критична е делницата од граничниот премин Табановце до Гевгелија и обратно, каде што секоја година се случуваат по неколку сообраќајни незгоди со тешки последици.

Една од причините за ваквата состојба е токму фактот што станува збор за европски коридор по кој поминуваат голем број  возила и возачи кои по долги часови патување, како последица на заморот губат концентрација и внимание, неретко и заспиваат позади управувачот и како последица на тоа предизвикуваат сообраќајни незгоди со страшни последици.

Имајќи ја предвид ваквата состојба, МВР и РСБСП во текот на летниот период, во двата правци на коридорот 10, ќе организираат превентивно едукативни активности под мотото „Вози одморен“.

Целта на кампањата „Вози одморен“ е да се потсетат возачите за влијанието на заморот, за последиците од сообраќајните незгоди предизвикани од заморот и да се поттикнат да прават повеќе паузи, да консумираат повеќе течности, да патуваат одморени и наспиени и да го запрат своето возило веднаш штом ги почувствуваат првите знаци на замор.

Согласно наведеното МВР во соработка со РСБСП продолжува со едукативни, сообраќајно превентивни активности, но и со засилени контроли од страна на сообраќајната полиција.

„Сакам да потсетам само на податокот дека на територијата на целата држава во текот на јули минатата година 17 лица беа жртви на сообраќајни незгоди, додека, пак, во минатиот август таа бројка изнесуваше 19. Иако минатата година беше година со рекордно најмал број жртви – 125, сепак, евидентно е дека во летниот период овие бројки се поголеми споредено со другите периоди од годината. По Коридорот 10, како паневропски коридор, фреквенцијата на возила е драстично зголемена, посебно во летниот период, а заморот, кој е причина за пад на концентрацијата, може да има фатални последици, така што се одлучивме, заедно со РСБСП, превентивно да ги потсетиме возачите на потенцијалните опасности од заморот, но и на ризиците од пребрзото возење, управувањето на возило под дејство на алкохол и на други сообраќајни прекршоци кои се причини за тешки сообраќајни незгоди. Овој автопат е главната артерија која ја поврзува нашата држава со соседна Србија, така што граѓаните од пријателска Србија, како чести учесници во сообраќајот, главно, по Коридорот 10, но и граѓаните од другите држави кои го користат, се секогаш добредојдени гости во нашата земја. Ќе ја искористам оваа пригода да им посакам среќен пат и пријатен престој, без разлика дали поминуваат транзит или токму нашата држава им е дестинацијата каде што сакаат да го поминат одморот, но и да апелирам кон сите учесници во сообраќајот секогаш да ги почитуваме сообраќајните правила и прописи и заеднички да придонесеме за безбедни патишта. Зголемувањето на безбедноста во сообраќајот е императив и во наредниот период продолжуваме со активности со цел да го намалиме бројот на жртви на патиштата“, рече министерот Спасовски.

„Сообраќајните незгоди кои се последица на заморот најчесто завршуваат фатално затоа што отсуствува можноста возачот да преземе какви било дејствија со цел барем делумно да се амортизираат последиците од сообраќајните незгоди. Апелирам до возачите да бидат внимателни и концентрирани кога учествуваат во сообраќајот, да не го потценуваат заморот, да прават минимум 15 минути пауза на секои два часа возење и да застанат и да одморат веднаш штом ги почувствуваат првите знаци на замор“- изјави Гордана Кожуваровска, претседател на РСБСП.
Важно е да се потенцира дека минатата година беше најбезбедна досега, со најмал број загинати лица во сообраќајни незгоди. Трендот на подобрување на безбедноста во патниот сообраќај е евидентен веќе неколку години наназад и целта на МВР и РСБСП е овој тренд да продолжи и во иднина.

Прикажи повеќе...

Најново

Свет1 час

(Видео) Судири меѓу демонстрантите и полицијата на протест против корона-мерките во Берлин

Денеска во Берлин се одржа протест против ограничувањата воведени во борбата против пандемијата, а како што јавија локалните медиуми, дошло...

Македонија2 часа

Во Македонија 72 нови случаи на коронавирус, нема починати

Во последните 24 часа во Македонија се потврдени 72 нови случаи на коронавирус, нема починати, соопшти Министерството за здравство. Направени е...

Регион3 часа

Четиригодишно девојче починало откако со часови било затворено во автомобил во БиХ

Четиригодишно девојче е пронајдено мртво во автомобил во двор на семејна куќа во БиХ. Според медиумите, причината за смртта била...

Македонија5 часа

Пендаровски непријатно изненаден од квалификацијата на Мицкоски за утрешното чествување на Илинден

Претседателот Пендаровски е крајно непријатно изненаден од квалификацијата на Мицкоски, според која, утрешното чествување на најголемиот македонски празник – Илинден,...

Македонија5 часа

(Видео) Мицкоски: Нема да бидеме дел од циркускиот церемонијал на Пендаровски

Делегација на ВМРО-ДПМНЕ нема да биде дел од циркускиот церемонијал предводен од претседателот Стево Пендаровски, рече денеска претседателот на ВМРО-ДПМНЕ...

Европа6 часа

Германија воведе нови мерки за влез во земјата, но нема кој да ги контролира

Од денес, секој што влегува во Германија, како и туристите што се враќаат дома, мора да имаат потврда за вакцинација...

Свет6 часа

(Видео) Над 200.000 луѓе на улиците во Франција против задолжителните ковид-пропусници

Француското Министерство за внатрешни работи синоќа објави дека повеќе од 200.000 луѓе се собрале низ целата земја на протести. Трета...

Европа7 часа

Медитеранот гори – се гасат пожари во Грција, Турција и Италија

Најмалку четири лица загинаа во пожарите што го зафатија медитеранскиот туристички регион Анталија и егејското туристичко место Мугла. Илјадници туристи...

Топ8 часа

Спречен меѓународен транспорт на дрога во вредност од околу 250.000 евра

Полициски службеници од Полициската станица за Граничен надзор „Охридско Езеро“, во соработка со Одделението за прекуграничен криминал при РЦ за...

Македонија8 часа

„Зелен хуман град“: Учеството на независни граѓани во изборната трка не може да биде предмет на пазарење

Од Иницијативата „Зелен хуман град“ велат дека се крајно револтирани од последната изјава на премиерот Зоран Заев, за зголемувањето на...

Македонија8 часа

Oд денес аплицирање за субвенциониран студентски оброк

Од денес започнува аплицирањето за остварување на правото на субвенциониран студентски оброк, во месечен износ од 2400 денари за 9...

Свет9 часа

Милиони луѓе во Австралија во строг карантин

Австралиските држави на источниот брег, Нов Јужен Велс (НЈВ) и Квинсленд, денеска се соочија со ново ширење на делта-сојот. Милиони...

Спорт11 час

Дресел е првата ѕвезда на Олимпијадата со пет златни медали!

Американскиот пливач Кејлеб Дресел стигна до своето петто злато на Олимпијадата во Токио комплетирајќи едно од најголемите спортски остварувања во...

Регион21 час

(Видео) Евакуирани четири села во Грција поради пожари

Шумските пожари што избија денеска на западниот дел на Пелопонез ги принудија грчките власти да евакуираат четири села, како и...

Свет1 ден

Британскиот премиер го очекува своето седмо дете

Сопругата на британскиот премиер Борис Џонсон, Кери, објави дека е бремена по втор пат. Таа објави на Инстаграм дека двојката...

Свет1 ден

(Видео) Протести во Париз против задолжителната вакцинација, полицијата употреби солзавец

Француската полиција употреби солзавец против демонстрантите во Париз кои протестираат против задолжителната вакцинација и воведувањето на задолжителни ковид-пасоши. Планирани се...

Топ1 ден

Нападната вработена во Ургентниот центар во Куманово

Вработена во Ургентниот центар во Куманово пријавила дека додека била на работното место ја нападнало едно лице. Инцидентот се случил...

Македонија1 ден

Расте бројот на заболени – потврден 81 нов случај на коронавирус во Македонија

Во последните 24 часа во Македонија е потврден 81 нов заболен со коронавирус, соопшти Министерството за здравство. Направени се 5.315...

Македонија1 ден

Две дози вакцина во Македонија примиле над 390.000 граѓани

Прва доза вакцина вчера примиле 3.302 граѓани, а вчера вкупно се вакцинирале 12.545 граѓани. Во државата вкупно се аплицирани 904.583...

Свет1 ден

„Локдаун“ во уште еден град во Австралија

Милиони Австралијци се погодени од новото заклучување, пренесува Би -Би -Си. Властите воведоа тридневно заклучување во југоисточниот дел на Квинсленд,...

Досие