Uncategorized
2016 година на младата фудбалска репрезентација
Годината која изминува мина во знакот на младите македонски фудбалери, кои обезбедија пласман на Европското првенство. Во 2016-та шахистите на Алкалоид станаа европски шампиони, одбојкарите го задржаа трендот на добри резултати, кошаркарите се изрезилија и не успеаја да се пласираат на наредното ЕП. Поединечно годината беше успешна за Лина Ѓорчевска, Кире Лазаров, Дејан Недев, Томи Стефановски…
Репрезентацијата на Македонија, играчи до 21 година, со селекторт Благоја Милевски, се запиша во фудбалската историја, откако избори пласман на Европското првенство во Полска наредната година. Младинците брилијантно ги одиграа квалификациите и како победници на групата се најдоа меѓу 12-те репрезентации кои ќе се борат за европската титула во оваа конкуренција.
Шахистите на Алкалоид изминатиот месец се искачија на европскиот врв, откако го освоија Европскиот куп, најсилното континетално клупско натпреварување. Историскиот успех Алкалоид го оствари во состав: ВМ Лирен Динг, Кина (2.764), ВМ Дмитри Андрејкин, Русија (2.736), ВМ Павел Ељанов, Украина (2.736), ВМ Дмитри Јаковенко, Русија (2.709),ВМ Јангуи Ју, Кина (2.721), ВМ Јури Криворучко, Украина (2.702) и Македонсците ВМ Трајко Недев (2.480) и ИМ Филип Панчевски (2.503). Капитен на екипата беше ВМ Драгољуб Јаќимиќ.
Одбојкарската репрезентација продолжи со низата на добри резултати откако го повтори остварувањето од 2015 година, освојувајќи го второто место на завршниот турнир во Европската лига.
Ракометарите годината ја започнаа со скромниот настап на Европското првенство во Полска, но и со изборен настап во квалификациите за пласман на Олимписките игри. Турнирот за пласман во Рио де Жанеиро беше целосен дебакл за ракометната селекција, која во конкуренција на Полска, Тунис и Чиле не успеа да стане првата национална селекција со изборен пласман на најголемата спортска смотра. Поради неуспехот РФМ го смени селекторот Ивица Обрван, на негово место дојде Лино Червар кој низ баражот со Чешка, со ракометарите се пласира на Светското првенство во Франција, што ќе започне за две недели.
На домашен план ракометарите и ракометарките на Вардар, односно фудбалерите на Вардар и кошаркарите на МЗТ ги освоија шампионските титули. Ракометарките на Вардар во Лигата на шампионките го освоија третото место, откако во полуфиналето беа шокирани од Букурешт, а за третото место славеа против Будуќност.
Ракометарите на Вардар, завршија како втори во СЕХА лигата, во финалето беа поразени од Веспрем, а од истиот противник беа елиминирани во четвртфиналето во Лигата на шампионите.
Индивидуално Кирил Лазаров и во 2016 година ја потврди високата класа. 35-годишниот десен бек и оваа година е избран за најдобар на својата позиција во светот. Лазаров е прогласен и за спортист на годината.
Лина Ѓорчевска стана првата Македонка која настапила на еден грен слем турнир. Фантастичната година Ѓорчевска ја заврши на 205-то место во сингл и 129-то место во дубл, поради што таа го доби признанието за спортистка на годината.
Дејан Недев, пред нецел месец, постигна извонреден успех, тој во Крањска Гора првпат стана шампион на Европа во дисциплината кати поединечно. На ова Европско првенство злато освои и Мила Саздова во кадетска конкуренција.
Во годината која изминува беше одржан и традиционалниот „Охридски маратон“, на кој прв пат победи македонски пливач. Ветаранот Томи Стефановски победи во Охрид, а сезоната ја заврши на првото место во генералниот пласман во далечинско и маратонско пливање на FINA Гран При серија. Стефановски оваа година стави крај на својата импресивна кариера.
Оливера Наковска-Бикова, го освои сребрениот медал на Меѓународниот натпревар во стрелаштво кој се одржа во Хановер, Германија. Македонските параолимпијци, со два медали го завршија учеството на Меѓунардониот натпревар во Хановер, претходно Каранфилов, Јовановски и Наковска-Бикова осовоија бронза во екипна конкуренција.
Македонските репрезентативци на Европско првенство во карате за младинци, јуниори и постари јуниори У21 освоија еден сребрен и пет бронзени медали. Среброто го освои Абдурахман Идризи, а бронзени беа Моника Пендаровска, Столе Смилковски, Петар Спасеновски, Азис Исмаил и ката тимот.
Поединечни настапи македонските спортисти имаа и на Олимписките игри во Рио, младинските Зимски олимписки игри во Лилехамер, Европското првенство во пливање и Светскоот првенство во пливање во 25-метарски базени.
На ОИ во Рио де Жанеиро атлетичарите Ристе Пандов (100 метри) и Дрита Исљами (400 метри со пречки), пливачката Анастасија Богдановски (200 метри слободно), џудиската Катерина Николовска (-63 кг), Нина Балабан (стрелаштво, воздушна пушка 10 метри). Марко Блажевски (пливање), постигнаа резултати далеку под нивните можности.
На младинските ЗОИ, Македонија настапи со двајца спортисти: Лука Божиновски на ЗОИ настапи во четири алпски дисциплини, во три (супервелеслалом, велеслалом и слалом) не оствари пласман, додека во комбинација заврши на 24-то место, а нордиецот Ставре Јада. на трката на 10 километри го освои 34-то место, додека на трката во крос кантри (спринт и слободно) беше 43-ти, односно 44-ти.
Пливачите во своите настапи на ЕП и СП во 25-метарски базени имаа добри настапи, поставувајќи нови државни рекорди во сите дисциплини во кои настапуваа. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Николовски на четвртата работилница од програмата за управување со пожари на ниво на предел: Оваа програма е од особено значење за државата
Денеска, се одржува четвртата работилница од осумгодишната програма за управување со пожари на ниво на предел, на која учествуваа претставници од речиси сите релевантни институции, како и приватни организации и здруженија.
Постојаното зголемување на температурата предизвика глобално затоплување на планетата и променливи временски услови, засилени, неочекувани и понекогаш екстремни климатски непогоди, кои претставуваат сериозна закана на глобално, регионално и на национално ниво. Овие промени ја зголемуваат веројатноста за интензивни пожари на ниво на предел загрозувајќи ги екосистемите, ризикот за животот на населението и пределите од кои луѓето егзистираат.
„Оваа програма е од особено значање за државата и јасно ја отсликува нашата свесност за влијанието на климатските промени и потребата да имаме национална стратегија како да управуваме со пожари на ниво на предел. Програмата за управување со пожари на ниво на предел во Западен Балкан веќе година и пол спроведува активности во нашата држава, каде што Министерството за земјоделство, шумарство и водостопанство е активен партнер и е државна институција, која е одговорна за спроведување и имплементација на активностите на национално ниво со стручната и експертска поддршка обезбедена од страна на Регионалниот центар за следење шумски пожари од Скопје. Оваа програма, која е финансирана од Швајцарската агенција за развој и соработка (SDC), координирана од ФАРМАХЕМ – Скопје и со советодавна поддршка на ХЕЛВЕТАС од Швајцарија, има цел преку активна работа на сите учесници да придонесе за ублажување на негативното влијание од пожарите на ниво на предел во Западен Балкан и да придонесе кон намалување на влијанието на климатските промени. Со тоа ќе се постигне зголемување на отпорноста на шумите во Западен Балкан, од кое директна корист ќе имаат локалното население, шумскииот биодиверзитет, односно целиот екосистем карактеристичен за одреден предел“, посочи министерот Николовски.
Она што ја прави оваа програма уште позначајна е тоа што таа се спроведува во седум земји од Западен Балкан и има цел да ја подобри регионалната соработка помеѓу Северна Македонија, Србија, Црна Гора, Босна и Херцеговина, Албанија и Косово. Балканските држави се поврзани меѓусебно за заедничко координирано управувањето со пожарите на ниво на предел. Во таа наша заедничка активност вклучени се претставници од повеќе институции, организации и здруженија, како и локалното население, што силно придонесува да се подигне јавната свест за заштита на природните ресурсии и важноста на личниот придонес на секој поединец.
Од друга страна, освен регионалната соработка, програмата предвидува и национален ангажман и посветена работа на нашата национална мрежа, која преку еден отворен и транспарентен процес изработи извештај за управување со пожарите на ниво на предел во Северна Македонија, кој денеска беше презентиран. Овој извештај како заеднички производ има цел да придонесе кон подобро разбирање на состојбата со пожарите на ниво на предел во Северна Македонија земајќи ги предвид шумите и другото шумско земјиште како главен екосистем во кој се случуваат пожарите, вклучувајќи ги и пределите, односно целокупниот пејзаж, кој е потенцијално загрозен од пожар. Извештајот јасно ги детектира слабостите на системот и дава насоки за подобрување на состојбата и изготвување национална стратегија како основа и клучен документ врз кој ќе се водат идните политики за управување и заштита на шумите и пределите од пожарите.
„Програмата е сеопфатна, пристапот е фронтален со широко учество на релевантни државни институции, но и приватни органзиации и здруженија, како и силна регионална соработка. Заедно сме во овој процес, затоа што така сме посилни, подготвени, координирани, обучени и мотивирани заедно да се бориме против влијанијата на климатските промени и потенцијалните опасности од пожар. Ова е нешто што одамна ни требаше, но никогаш не е доцна за подобрување на состојбите и затоа ми е драго што имаме ваква програма, која веќе ги дава првите резултати“, рече министерот Николовски во своето поздравно обраќање пред присутните.
Николовски упати искрена благодарност до сите учесници за активниот придонес кон напредокот на програмата за управување со пожари на ниво на предел. Како резултат на досегашната работа на националната мрежа имплементирани се принципи за управување со пожари на ниво на предел во новиот закон за шумите, кој е во владина постапка за негово усвојување, а во фаза на изработка се и три нови правилници, кои произлегуваат од него.
Програмата за управување со пожари на ниво на предел е осумгодишен проект, кој со одговорна и посветена работа и во наредните години ќе придонесе за да ја достигнеме нашата заедничка цел, а тоа е да изградиме национални екосистеми отпорни на пожари.
Uncategorized
Москва: Бројот на повредени во нападот во „Крокус сити хол“ се зголеми на 360 лица
Бројот на повредени во нападот на концертната сала „Крокус сити хол“ се искачи на 360, соопшти денеска медицинската служба.
„Со податоците од утринава, во терористичкиот напад се повредени 360 лица, меѓу кои 11 деца“, се наведува во соопштението што го пренесува „Тас“.
Вкупно 92 лица повредени во нападот се хоспитализирани, 63 веќе се отпуштени од болниците, а 205 се на амбулантско лекување, додаде здравствениот претставник.
Исламската држава ја презеде одговорноста за терористичкиот напад во петокот вечерта во „Крокус сити хол“, во предградието на Москва, во кој загинаа најмалку 139 лица.
За нападот се уапсени 11 осомничени, меѓу кои и четворица вооружени напаѓачи, кои биле приведени во областа Брјанск, југозападно од Москва, додека се обидувале, како што тврдат руските власти, да побараат засолниште преминувајќи ја блиската украинска граница, пренесува „Танјуг“.
Uncategorized
Уапсена 60-годишна скопјанка: нападнала 33-годишен маж, а подоцна и полицаец
Синоќа, во 23.20 часот, полициски службеници од ОВР Кичево ја лишиле од слобода В. Ј. (60) од Скопје.
Таа, претходно, на улицата Трајче Стрезоски во Кичево, физички го нападнала Ф. С. (33) од Скопје и ја оштетила неговата службена опрема, а потоа во службените простории на ОВР Кичево, каде што била повикана на разговор, физички го нападнала полицискиот службеник и го уништила изготвениот службен материјал.
По целосно документирање на настанот, против неа ќе биде поднесена соодветна пријава.