Uncategorized
Дневен хороскоп 4-ти декември
Овен
Каде и да излезете ќе се чувствувате пријатно. Забавите ќе бидат по ваша мерка. Оние што се уште сами нека го прифатат секој повик и покрај тоа што на почетокот нема многу да ветува. Набргу ќе сфатат дека убавиот збор им ги отвора ширум сите врати. Напредувањето во кариерата ќе биде на повидок, но и финансиската стабилност. Потребна е уште поквалитетна организација, како на плановите, така и на самиот оперативен дел на работата. Така сите ќе бидете во добивка.
Бик
Подгответе се однапред денеска ве очекува многу работа. Ако не можете сами побарајте некој кој ќе ви помогне. Не дозволувајте некој злобен колега да ви ги расипе вашите работни планови. Во љубовниот живот не ги ги сокривајте емоциите, бидејќи вашиот партнер не ќе знае што чуствуате кон него, па тоа може да доведе до несакани ситуации. Потрудете се повеќе.
Близнаци
Наполнете ја целосно батеријата на вашиот мобилен телефон, бидејќи ќе бидете попопуларни отсекогаш. Денес комуникативниот Меркур преминува во вашата 3-та куќа на дружбите, правејќи ве душата на секој собир.
Ако сте сингл, потребно е да ја барате љубовта во вашето место на живеење, а не надвор од него. Таа е поблиску одошто си мислите.
Рак
Малку поголеми страсти и емоции ќе бидат обележје на вашиот приватен живот. Постојано ќе ви се случува нешто убаво и пријатно. Многумина ќе ги запомнат овие денови по квалитетниот еротски живот. Личностите од спротивниот пол со задоволство ќе ги повикуваат во своето друштво.Можеби ќе треба малку да се помачите и да се борите за некои работи, но тоа ќе ви оди од рака. Само немојте да подлегнете на јаловите размислувања. Едноставно прифатете го она што можете сега да го направите и не очекувајте ништо повеќе.
Лав
Некои од вас ќе се соочат со сериозни професинални дилеми и ќе биде потребно многу мудрост за да го повлечете правилниот конец. Сите претставници на овој знак ќе морате да обрнете повеќе внимание на вашето здравје, бидејќи се можни проблеми. На љубовен план овој ден ви носи искушение на кое не треба да подлегните. Сега склопените љубовни врски можат да бидат без иднина , но сепак изборот останува на вас.
Девица
Шаренилото кое сега го живеете се одразува на вашите лични односи. Можете да бегате, можете да трпите, а може и иронично да се смеете. Вие веројатно ќе поминувате низ сите тие реакции, но вашата сила ќе биде присутна. Ќе се обидувате да обновите некои стари контакти кои ветуваат. Тоа ќе биде најдобриот дел од работната седмица. Сè останато ќе ви биде малку здодевно. Најдобро ќе им биде на оние што се на одмор. Тие вистински ќе уживаат без премногу грижи.
Вага
Денес ќе го мислите она што го кажувате. Комуникативниот Меркур влегува во вашата 2-ра куќа на самодовербата, па никој нема да може да ги промени вашите ставови.
Не се изненадувајте ако ви стане изгледот многу важен кога избирате партнер. Ќе ги обожавате убавите нешта.
Скорпија
Ве очекуваат напнатости. Деловните односи донекаде ви се пореметени, но набрзо тоа ќе се подобри. Најмногу задоволство ќе наоѓате во необавезните дружења и контакти со луѓето кои ги сакате. Финансиската ситуација помалку ќе ве измачува, вашите примања се помали од моменталните трошоци. Размислете и пронајдете додатна заработувачка. Сентименталните односи ви се стабилни.
Стрелец
Повеќето денови ќе ги поминувате сами, копнеејќи. Ако сте во врска, поради нешто ќе бидете малку отуѓени. Приликите за љубов ќе ве одминуваат. Немојте да тагувате, оваа фаза ќе помине наскоро. Сè е на свое место. Веројатно ќе избиете во прв план. Вам ви преостанува да работите и да покажете што знаете. Околностите, луѓето и случувањата ќе ви одат од рака. Многумина ќе добијат вистинска прилика, онаа што долго ја очекувале. Некои одговори сè уште ги чекате, но подоцна ќе дојдат.
Јарец
Вашите зборови ќе имаат огромна моќ во периодот кој доаѓа, па многу е важно да внимавате како ги користите. Комуникативниот Меркур ќе престојува во вашиот знак, правејќи ве моќен оратор.
Тешко некој ќе може да ви одолее додека зборувате и ќе забележите дека луѓето зјапаат во вас со занес. Со помош на интелектот ќе ја освоите личноста којашто ви се допаѓа.
Водолија
Работете ја работата посериозно и целосно. Површното работење може негативно да делува врз вашата работа, а особено врз финансискиот дел. Поради новонастанатата ситуација на работното место ќе морате некои работи да ги менувате од корен. Не донесувајте битни одлуки на брзина. Некоја личност од порано која ви должела ќе ви возврати со услуга. Во љубовта чувствувате мала несигурност. Разговарајте со вашиот партнер и бидете искрени. Тоа може да помогне.
Риби
Ќе бидете несигурни во работата која ја работите особено во средување на некои документи. Очекувајте успех од личност од вашето семејство што за вас ќе биде голема радост. Ве очекуваат парични проблеми исплатите кои ги очекувате ќе бидат помали, па не е исклучена можноста да се обратите некому за позајмица. Ве измачуваат љубовни проблеми. Здраствената состојба ќе ви се подобри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Николовски на четвртата работилница од програмата за управување со пожари на ниво на предел: Оваа програма е од особено значење за државата
Денеска, се одржува четвртата работилница од осумгодишната програма за управување со пожари на ниво на предел, на која учествуваа претставници од речиси сите релевантни институции, како и приватни организации и здруженија.
Постојаното зголемување на температурата предизвика глобално затоплување на планетата и променливи временски услови, засилени, неочекувани и понекогаш екстремни климатски непогоди, кои претставуваат сериозна закана на глобално, регионално и на национално ниво. Овие промени ја зголемуваат веројатноста за интензивни пожари на ниво на предел загрозувајќи ги екосистемите, ризикот за животот на населението и пределите од кои луѓето егзистираат.
„Оваа програма е од особено значање за државата и јасно ја отсликува нашата свесност за влијанието на климатските промени и потребата да имаме национална стратегија како да управуваме со пожари на ниво на предел. Програмата за управување со пожари на ниво на предел во Западен Балкан веќе година и пол спроведува активности во нашата држава, каде што Министерството за земјоделство, шумарство и водостопанство е активен партнер и е државна институција, која е одговорна за спроведување и имплементација на активностите на национално ниво со стручната и експертска поддршка обезбедена од страна на Регионалниот центар за следење шумски пожари од Скопје. Оваа програма, која е финансирана од Швајцарската агенција за развој и соработка (SDC), координирана од ФАРМАХЕМ – Скопје и со советодавна поддршка на ХЕЛВЕТАС од Швајцарија, има цел преку активна работа на сите учесници да придонесе за ублажување на негативното влијание од пожарите на ниво на предел во Западен Балкан и да придонесе кон намалување на влијанието на климатските промени. Со тоа ќе се постигне зголемување на отпорноста на шумите во Западен Балкан, од кое директна корист ќе имаат локалното население, шумскииот биодиверзитет, односно целиот екосистем карактеристичен за одреден предел“, посочи министерот Николовски.
Она што ја прави оваа програма уште позначајна е тоа што таа се спроведува во седум земји од Западен Балкан и има цел да ја подобри регионалната соработка помеѓу Северна Македонија, Србија, Црна Гора, Босна и Херцеговина, Албанија и Косово. Балканските држави се поврзани меѓусебно за заедничко координирано управувањето со пожарите на ниво на предел. Во таа наша заедничка активност вклучени се претставници од повеќе институции, организации и здруженија, како и локалното население, што силно придонесува да се подигне јавната свест за заштита на природните ресурсии и важноста на личниот придонес на секој поединец.
Од друга страна, освен регионалната соработка, програмата предвидува и национален ангажман и посветена работа на нашата национална мрежа, која преку еден отворен и транспарентен процес изработи извештај за управување со пожарите на ниво на предел во Северна Македонија, кој денеска беше презентиран. Овој извештај како заеднички производ има цел да придонесе кон подобро разбирање на состојбата со пожарите на ниво на предел во Северна Македонија земајќи ги предвид шумите и другото шумско земјиште како главен екосистем во кој се случуваат пожарите, вклучувајќи ги и пределите, односно целокупниот пејзаж, кој е потенцијално загрозен од пожар. Извештајот јасно ги детектира слабостите на системот и дава насоки за подобрување на состојбата и изготвување национална стратегија како основа и клучен документ врз кој ќе се водат идните политики за управување и заштита на шумите и пределите од пожарите.
„Програмата е сеопфатна, пристапот е фронтален со широко учество на релевантни државни институции, но и приватни органзиации и здруженија, како и силна регионална соработка. Заедно сме во овој процес, затоа што така сме посилни, подготвени, координирани, обучени и мотивирани заедно да се бориме против влијанијата на климатските промени и потенцијалните опасности од пожар. Ова е нешто што одамна ни требаше, но никогаш не е доцна за подобрување на состојбите и затоа ми е драго што имаме ваква програма, која веќе ги дава првите резултати“, рече министерот Николовски во своето поздравно обраќање пред присутните.
Николовски упати искрена благодарност до сите учесници за активниот придонес кон напредокот на програмата за управување со пожари на ниво на предел. Како резултат на досегашната работа на националната мрежа имплементирани се принципи за управување со пожари на ниво на предел во новиот закон за шумите, кој е во владина постапка за негово усвојување, а во фаза на изработка се и три нови правилници, кои произлегуваат од него.
Програмата за управување со пожари на ниво на предел е осумгодишен проект, кој со одговорна и посветена работа и во наредните години ќе придонесе за да ја достигнеме нашата заедничка цел, а тоа е да изградиме национални екосистеми отпорни на пожари.
Uncategorized
Москва: Бројот на повредени во нападот во „Крокус сити хол“ се зголеми на 360 лица
Бројот на повредени во нападот на концертната сала „Крокус сити хол“ се искачи на 360, соопшти денеска медицинската служба.
„Со податоците од утринава, во терористичкиот напад се повредени 360 лица, меѓу кои 11 деца“, се наведува во соопштението што го пренесува „Тас“.
Вкупно 92 лица повредени во нападот се хоспитализирани, 63 веќе се отпуштени од болниците, а 205 се на амбулантско лекување, додаде здравствениот претставник.
Исламската држава ја презеде одговорноста за терористичкиот напад во петокот вечерта во „Крокус сити хол“, во предградието на Москва, во кој загинаа најмалку 139 лица.
За нападот се уапсени 11 осомничени, меѓу кои и четворица вооружени напаѓачи, кои биле приведени во областа Брјанск, југозападно од Москва, додека се обидувале, како што тврдат руските власти, да побараат засолниште преминувајќи ја блиската украинска граница, пренесува „Танјуг“.
Uncategorized
Уапсена 60-годишна скопјанка: нападнала 33-годишен маж, а подоцна и полицаец
Синоќа, во 23.20 часот, полициски службеници од ОВР Кичево ја лишиле од слобода В. Ј. (60) од Скопје.
Таа, претходно, на улицата Трајче Стрезоски во Кичево, физички го нападнала Ф. С. (33) од Скопје и ја оштетила неговата службена опрема, а потоа во службените простории на ОВР Кичево, каде што била повикана на разговор, физички го нападнала полицискиот службеник и го уништила изготвениот службен материјал.
По целосно документирање на настанот, против неа ќе биде поднесена соодветна пријава.