Ребека Дракер, поранешна менаџерка на Рики Мартин, тврди дека пејачот и должи нешто повеќе од милион долари, за што поднела тужба, пишува ТМЗ.

Во правните документи таа навела дека го застапувала пејачот од 2014 до 2018 година и дека тој повторно ја вработил по две години, во мај 2020 година, кога неговиот „личен и професионален живот биле во тотален хаос“. Ребека тврди дека таа е заслужна што ги вратила во ред неговиот живот и кариера.

Таа тврди дека ги подмирила договорите на пејачот поврзани со снимање песни, турнеи и договарање спонзорства и му помогнала да заработи милиони долари на неговата неодамнешна северноамериканска турнеја со Енрике Иглесијас.

Додала дека во 2020 година ангажирала адвокати да му помогнат кога му се заканувал прекин на кариерата, а за нејзините напори, како што тврдела, требало да добие провизија од три милиони долари, кои Мартин никогаш не и ги дал. Таа тврди дека пејачот ја лажел и манипулирал со неа, пренесуваат светските медиуми.

Сега Дракер го тужи пејачот за три милиони долари и бара судска отштета.

Прославениот филмски режисер, Емир Кустурица денеска изјави дека во руско-украинскиот конфликт најспорното е тоа што Европа ги доведе во прашање своите најголеми достигнувања, а тоа се човечките права и приватниот имот.

„Европа ги ограбува Русите, не само нивната култура, туку и нивниот имот. На спортистите не им дозволува да се натпреваруваат, ги забранува стеблата кои руските писатели ги засадија, им забранува на најдобрите пијанисти да свират, на најдобрите светски диригенти им дава отказ“ рече Кустурица на форум „Европа и Русија“ во Србија.

Кустурица наведе и дека Србија станува плодна почва за еден заборавен поим, а тоа е слобода.

„Мораме да признаеме, јас неодамна престојував во неколку земји од западна Европа, таму постојат табу теми. Денес Европа молчи и врши самоубиство. Јас мислам дека тоа е потполно наопаку, дека Европа не врши самоубиство, туку дека е задавена“ заклучи Кустурица.

На You tube е објавена снимка на летечки хотел на иднината кој „никогаш не може да остане без гориво“. Благодарејќи на нуклеарната енергија, првиот летечки хотел ќе може да лета неколку години без да го допре тлото, се вели во описот на видеото, а го пренесува британски „Индепендент“.

Според амбициозниот дизајн, летечкиот хотел кој би се викал „Sky cruise“ би можел да прими до 5.000 гости.

Дизајнерите наведуваат дека ќе објектот ќе го покрене нуклеарна енергија и луксузниот брод за крстарење ќе биде управуван до вештачка интелигенција.

Проектот е претставен како дестинација за одмор, а во видео снимката се истакнуваат барови, ресторани, базени, кино, театар, гејминг соба, како и простории за венчавки и прослави.

Проектот предвидува дека хотелот би имал 20 електрични мотори кои ќе обезбедуваат „чиста нуклеарна енергија“.