Забава
Алек Болдвин: Се случуваат незгоди на филмски сетови, но ништо слично на ова
Со нетрпение чекаме канцеларијата на шерифот да ни каже што утврдила нивната истрага, им рече Алек Болдвин на новинарите кои заедно со фотографи и камермани неуморно го следат деновиве обидувајќи се да добијат коментар во врска со трагичниот инцидент, а во саботата успеаја да извлечат куса изјава кога тој застана со својот автомобил покрај пат.
„Шокантната смрт на снимателката Халина Хачинс е една во трилион случаи. Таа ми беше пријателка“, вели Алек Болдвин на снимката што ја емитуваше „ТМЗ“ во саботата, додавајќи дека поддржува ограничувања за употребата на вистинско оружје во филмови и ТВ-серии.
Болдвин и неговата сопруга разговараа со новинарите кои ги пресретнаа во еден мал град во Вермонт во саботата, негово прво појавување пред камера по смртта на Хачин.
Во кусиот разговор, прв откако случајно ја застрела снимателката со пиштол за кој му беше кажано дека не е наполнет, тој нагласи дека добил инструкции да не ја коментира истрагата од властите во Санта Фе, Ново Мексико.
„Не смеам да давам никакви коментари бидејќи истрагата е во тек“, им рече актерот на новинарите.
„Одвреме-навреме се случуваат незгоди на филмски сетови, но ништо слично на ова. Ваква несреќа е една во трилион.“
Тој нагласи дека се залага регулаторите да преземат мерки за ограничено користење боева муниција на снимањето сцени со пукање.
Трагичниот инцидент се случи на 21 октомври, кога Болдвин испука пиштол наполнет со вистински куршум за време на проба на сет. На Болдвин му било кажано дека пиштолот е безбеден.
Засега не е покренато обвинение против никого, а канцеларијата на шерифот на Санта Фе соопшти дека ќе биде потребно време за да се заврши истрагата. Останува нејасно како боева муниција стигнала до сетот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.