Со неодамнешната премиера на телевизиската серија „Супермен и Луис“, уште еден „човек од челик“ доаѓа во светот на суперхероите на Ди-си.

Сепак, оваа итерација на Кларк Кент, кого го толкуваше Тајлер Хочлин, постои веќе неколку години во таканаречениот Arrowverse (заеднички универзум на разни меѓусебно поврзани ТВ-серии за суперхерои на „Ди-си“) и дебитираше во 2016 година во серијалот Supergirl.

И иако е свесен за наследството кое „Човекот од челик“ го имаше низ децениите и низа одлични актери кои зачекорија во црвените чизми, Тајлер ја презема оваа култна улога со голема самодоверба.

Еден од најважните гласови на регето, Бани Вејлер, почина на 73-годишна возраст.

Музичарот од Кингстон, Јамајка, беше основачки член на бендот „Вејлерс“ (The Wailers) заедно со својот пријател од детството, Боб Марли.

Тие постигнаа меѓународна слава со реге-класиците, како Simmer Down и Stir It Up, пред Вејлер да реши да гради соло кариера во 1974 година.

Откако продолжи сам, тој освои три наради „Греми“, и беше одликуван со Орден за заслуги на Јамајка во 2017 година.

Причината за смртта е непозната. Тој беше во болница од мозочен удар во јули 2020 година.

Изворна инкарнација на „Вејлерс“ од 1964 година: Бани Вејлер, Боб Марли и Питер Тош

Пејачи од 41 земја ќе се појават во живо на Евровизија оваа година во Холандија според плановите изнесени од организаторите на настанот.

Извршниот супервизор Мартин Остердал изјави за Би-би-си дека е потребно учесниците да допатуваат во Ротердам.

„Ова не е празнично патување, ова е всушност работа што треба да се заврши“, рече тој додавајќи дека допрва треба да се донесе одлука за можна публика во живо.

Минатогодишниот настан беше откажан поради пандемијата на коронавирусот.

Натпреварот треба да се одржи во Ротердам во мај годинава. Холандската пејачка Данкан Лоренс победи на натпреварот во 2019 година со песната „Аркада“.

Говорејќи за поткастот на британскиот јаен сервис, Остердал рече дека најновите планови се развиени по дискусии со организатори на други меѓународни настани во живо.

„Ние сме во близок контакт со организатори на настани, како Формула 1, тениски турнири, голф-здруженија… и учиме од најдобрите искуства“, рече тој.

„Ги споредивме нашите планови со тие на МОК (Меѓународен олимписки комитет)“.