Контакт

Естрада

Андреа не се пласира во финалето на Евровизија

Објавено пред

Нашата евровизиска претставничка, Андреа Коевска, која на втората полуфинална вечер настапи со песната Circles (Кругови) на Александар Масевски, не се пласира во големото финале на 66-тиот Евросонг закажано за в сабота, 14. мај.

dobivaj vesti na viber

На евровизиската сцена во Пала Олимпико во Торино, во второто полуфинале настапија 18 учесници.

Од нив за настап на финалната вечер се изборија претставниците на 10 земји: Белгија, Чешка, Азербејџан, Полска, Финска, Естонија, Австралија, Шведска, Романија и српската претставничка Констракта со „In Corpore Sano“.

Од првата полуфинална вечер која се одржа на 10. мај во финалето се пласираа изведувачите од Швајцарија, Ерменија, Исланд, Литванија, Португалија, Норвешка, Грција, Украина, Молдавија и Холандија.

В сабота ќе настапат дваесетте финалисти од двете полуфинални вечери, заедно со големата петорка која директно се пласира во финалето – Германија, Франција, Британија, Шпанија и земјата домаќин, Италија.

Од Македонската радио-телевизија (МРТ) по инцидентот што се случи за време на официјалната церемонија на отворањето на Евросонг 2022, кога нашата претставничка го фрли македонското знаме, соопштија дека можно е од следната година јавниот сервис да не учествува на Изборот за песна на Евровизија.

„Поради негативниот имиџ во јавноста на проектот ‘Евровизија’, што предизвикува негативен публицитет на МРТ, уредничкиот колегиум на МРТ ја разгледува можноста од следната година Македонската радио-телевизија веќе да не учествува на Изборот за песна на Евровизија“, беше наведено во соопштението.

Естрада

Били Ајлиш за Туретовиот синдром: „Луѓето често ми се смеат и тоа ме навредува“

Објавено пред

Пејачката Били Ајлиш беше гостин во најновата епизода од шоуто на „Нетфликс“, My Next Guest Needs No Introduction („За мојот следен гостин не треба најава“), чиј водител е Дејвид Летерман. За време на шоуто, пејачката имаше тик, што иницира разговор за Туретовиот синдром, кој го има уште од детството.

dobivaj vesti na viber

Кога Ајлиш направи необично движење со главата и устата, Летерман ја праша дали тоа се должи на мува, на што таа одговори дека има тикови и дека во конкретниот случај тие се предизвикани од осветлението. „Ако ме снимате доволно долго, ќе видите многу тикови“, додаде таа.

„Тоа е многу чудно, речиси воопшто не зборувам за тоа. Најчеста реакција на луѓето на тоа е смеа бидејќи мислат дека се обидувам да бидам смешна. И тоа секогаш ме навредува и секогаш завршувам велејќи: ‘Имам Туретов синдром’“, изјави пејачката.

„Никогаш не би погодиле колку луѓе имаат Туретов синдром. Неколку уметници рекоа ‘Oтсекогаш имам Турет’ и тоа беше многу интересно“, рече Aјлиш и додаде дека сака да одговара на прашања за тоа.

„Многу сум збунета од ова нарушување и не го разбирам. Дијагностицирано ми беше кога имав 11 години. Како дете имав поблаги тикови, но со текот на времето тие се менуваа“, отворено рече таа истакнувајќи дека има подобри и полоши периоди, но дека тиковите никогаш не престануваат целосно.

Пејачката објасни дека има некои чести тикови, како што се допирање на увото, кревање на веѓите, движење на вилицата и затегнување на мускулите на раката.

Туретов синдром е невропсихијатриско нарушување со тикови, кое почнува во детството, а неговите основни симптоми се едноставни, сложени и гласовни тикови (гримаси, гласен говор, задишување, трепкање). Во пошироката јавност Туретовиот синдром често се поврзува со ненамерно користење вулгарни и навредливи зборови, што е само еден од симптомите.

Прикажи повеќе...

Естрада

Идолите на новата генерација „Дајте музика“ со спектакуларен концерт на 27 мај во Скопје

Објавено пред

Најпопуларното детско и тинејџерско шоу „Дајте музика“ ќе одржи голем спектакуларен концерт на 27 мај на стадионот на АРМ во Скопје, во организација на „Авалон продукција“.

dobivaj vesti na viber

Публиката ќе може во живо да ги чуе сите нивни огромни хитови од популарниот серијал, како и нов материјал, а концертот ќе биде збогатен и со специјални гости, кои се чуваат како изненадување до самиот настан.

На денешната прес-конференција, првиот човек на „Авалон продукција“, Бобан Милошески, истакна дека интересот за овој настан е навистина огромен уште од првата најава за концертот и дека влезниците се трошат навистина многу бргу. Додаде дека проектот е навистина многу сериозен и дека се работи со апсолутна љубов.

„Да бидеме реални, Македонија во својата независност, а и пред тоа, од областа на забавата има изградено многу малку сериозни брендови. ‘Дајте музика’ како бренд е институција на свој начин и поради тоа, ми претставуваше особено задоволство да влеземе во овој проект, да го обликуваме, да се обидеме да го кренеме на едно концертно ниво и навистина ми е големо задоволство што ќе го организираме и не го делам овој проект од другите светски проекти. Ова за мене е светски проект“, изјави Милошески.

Според него, концертот на „Дајте музика“ ќе биде од секој аспект организиран беспрекорно, а со оглед на тоа дека настанот е наменет за детската популација, најмногу ќе се внимава и на безбедноста на децата.

Цаци Паковска, продуцентка на проектот „Дајте музика“, рече дека децата се идоли на новите генерации и убаво е што македонската младина се идентификува со нив, а не со странски изведувачи.

„Свесни сме дека тие се промотори на добрите вредности, но и дека се главните промотори на македонската музика кај младите генерации. Поради големиот интерес, решивме ‘Дајте музика’ да се претстави со сериозно осмислен и организиран концерт во живо, на кој децата, а и родителите, ќе имаат можност да уживаат и да се забавуваат“, истакна Паковска.

На големо задоволство на новинарите, на прес-конференцијата беа присутни и главните ѕвезди на концертот – Миха Гигов, Кристина Мукаетова, Филип Поповски и Анастасија Џабирска. Тие на новинарите им открија дека подготовките за претстојниот концерт на 27 мај течат со полна брзина и во најдобар ред.

„Овој концерт за нас е огромен предизвик и, се разбира, голема чест. Енергијата на големата сцена на јуниорската Евровизија сакаме да ја доживеат и децата во Македонија и затоа ви ветуваме незаборавно искуство. Ќе пееме во живо, секојдневно имаме часови по пеење, а подготвуваме и бомбастични кореографии. Ветуваме дека овој концерт ќе биде едно незаборавно искуство“, рекоа ѕвездите на концертот.

Тие ги поканија сите обожаватели да дојдат на 27 мај на стадионот на АРМ во Скопје, а посебна покана и билети испратија и до децата од СОС „Детското село“.

Генерален спонзор на концертот на „Дајте музика“ е „Бекутан“, а покровител е „Вива сокови“.

Влезниците сѐ уште се достапни за купување на сите продажни места во мрежата на „Авалон“ во Македонија, на плоштадот Македонија и онлајн на www.avalon.mk, и тоа по цени од 400 денари за партер и 600 денари за фан-пит.

 

 

 

(ПР текст)

Прикажи повеќе...

Естрада

„Дајте музика“ со две „Златни бубамари“ и најава за голем концерт

Објавено пред

Како манифестација за најдобрите и најпопуларни медиумски проекти во земјата, која годинава се одржа со мотото „Да живнеме“, „Златна бубамара на популарноста“ додели две статуетки за идолите на новите генерации од проектот „Дајте музика“: една за најпопуларна детска серија и една за најпопуларен тинејџерски хит за 2021 година.

dobivaj vesti na viber

Миха, Стаси, Филип и Кики на сцената на „Златна бубамара“ првпат застанаа во февруари 2020 година. Оттогаш, како што и самите истакнаа, многу работи се сменети. Освен што се пораснати, тие за наградата рекоа:

„Снимивме вкупно 90 епизоди од серијалот, ја претставивме Македонија на јуниорскиот Евросонг борејќи се за планетата Земја, а спремаме и голем спектакуларен концерт на 27 мај“ .

Наградите ги посветија на целиот тим големи и мали од „Дајте музика“, нивната публика, која постојано ги следи на програмите на Македонската телевизија, и нивните фанови, кои повеќе од 49 милиони пати го посетиле јутјуб-каналот на „Дајте музика“.

Концертот на „Дајте музика“ ќе се одржи на 27 мај на стадионот на АРМ во Скопје во организација на „Авалон продукција“.

Прикажи повеќе...

Најново

Регион9 часа

Димитров: Северна Македонија е генетски поврзана со Србија и Русија

Проблемот со европската интеграција на Северна Македонија не е централен за бугарскиот политички државен поредок. Формално, секоја влада носи одлуки...

Свет11 час

Украинскиот премиер ја објави штетата што Украина ја претрпела од почетокот на војната

Украинскиот премиер Денис Шмигаљ изјави дека руската инвазија на неговата земја уништила повеќе од 25.000 километри патишта, неколку стотици мостови...

Македонија12 часа

ЦУК апелира на внимателност поради силно локално невреме и можни опасни порои во текот на викендот

Центарот за управување со кризи (ЦУК), согласно информацијата од Управата за хидрометеоролошки работи (УХМР), превентивно апелира и препорачува на граѓаните...

Свет16 часа

(Видео) Русите повторно тестираа „Циркон“

Русија успешно ја тестираше хиперсоничната крстосувачка ракета „Циркон“, соопшти денеска руското Министерство за одбрана, додавајќи дека проектилот прелетал околу 1.000...

Македонија18 часа

Руската црква: Му благодариме на Бога што ја прекина долгогодишната раздвоеност меѓу МПЦ-ОА и Српската православна црква

Светиот синод на Руската православна црква (РПЦ) го поздрави враќањето на Македонската православна црква-Охридска архиепископија (МПЦ-ОА) во единство со Српската...

Македонија19 часа

Наталитетот зголемен, од почетокот на годината склучени помалку бракови во споредба со лани

Според податоците на Државниот завод за статистика, во првото тримесечје од оваа година, живородени се 4.009 деца и во споредба...

Топ19 часа

Веднаш откако бил осуден за семејно насилство, скопјанец ја нападнал поранешната сопруга во близина на судот

На паркинг во близина на кривичниот суд, скопјанец физички ја нападнал неговата поранешна вонбрачна сопруга веднаш откако бил осуден за...

Свет20 часа

Зеленски: Донбас ќе биде наш, иако ситуацијата е многу тешка

Претседателот на Украина, Володимир Зеленски изјави дека Русија греши ако мисли дека Лиман или Северодоњецк ќе бидат нејзини. „Донбас ќе...

Свет20 часа

„Си-ен-ен“: Вашингтон ќе вклучи ракетни системи со долг дострел во испораките на оружје за Украина

Вашингтон има намера да вклучи ракетни системи со долг дострел во вооружената помош за Украина, објави „Си-Ен-Ен“, повикувајќи се на...

Свет21 час

Украина негира дека во нејзина нуклерна централа биле пронајдени големи количества на плутониум

Украинскиот нуклеарен инспекторат ја обвини Меѓународната агенција за атомска енергија дека подлегнала на руската пропаганда и побара поддршка за барањето...

Македонија1 ден

Притвор за осомничените за продажба на парцели за “ЕВН електрани”

Основното јавно обвинителство Скопје донесе Наредба за спроведување истражна постапка против седум лица, од кои за двајца постои основано сомнение...

Регион1 ден

Бугарија нема да отстапи од ветото без согласност на парламентот

Го потврдивме ветувањето дека темата за Северна Македонија задолжително ќе помине преку Народното собрание, изјави портпаролката во кабинетот на премиерот...

Свет1 ден

Русија тврди: Американската војска ослободи мајмунски сипаници од своите лаборатории

Мајмунската сипаница е увезена од Нигерија, каде што работат најмалку четири американски биолошки лаборатории, изјави Игор Кирилов, началник на силите...

Европа2 дена

Путин: Притисокот од непријателските земји е практично агресија

Притисокот од непријателските држави е „практично агресија“, изјави денеска рускиот претседател Владимир Путин. – Предноста на интеграцискиот курс сега е...

Македонија2 дена

Османи: Слободата на Северна Македонија и секоја друга европска земја денеска се брани во Украина

Министерот за надворешни работи, Бујар Османи, во рамките на посетата на Украина оствари средба со својот домаќин Дмитро Кулеба. Ова...

Свет2 дена

Лавров: Западот ѝ објави тотална војна на Русија

Рускиот министер за надворешни работи, Сергеј Лавров, ги обвини западните земји дека водат тотална војна против Русија и рускиот народ...

Македонија2 дена

(Видео) Црвенковски: Договорот со Бугарија со формулацијата „заедничка историја“ беше голема грешка

Договорот со Бугарија не само што не затвори ниту едно прашање туку, напротив, ја отвори Пандорината кутија и создаде основа...

Македонија2 дена

Во Софија вонреден коалициски совет за Северна Македонија

На вонреден состанок на коалицискиот совет вечерва ќе се соберат владините партнери. Средбата е по барање на премиерот Кирил Петков....

Регион2 дена

Русија протера петмина хрватски дипломати

Русија прогласи за непожелни пет хрватски дипломати во хрватската амбасада во Москва, а на хрватскиот амбасадор му беше врачена нота....

Свет2 дена

Најбогатиот човек во Украина и сопственик на „Азовстал“ ќе ја тужи Русија

Најбогатиот човек во Украина и сопственик на фабриката за челик „Азовстал“, Ринат Ахметов, вели во Мариупол дека планира да ја...