Британскиот принц Хари (36) и неговата сопруга Меган Маркл (39) во ексклузивното интервју со американската водителка Опра Винфри го открија полот на своето второ дете.

Двојката откри дека нивното второ дете, кое треба да се роди налето, е девојче и поради тоа, признаваат тие, се неверојатно возбудени.

Веста дека очекуваат второ дете беше симболично објавена на Денот на вљубените.

Хари и Меган го имаат синот Арчи, кој во јули ќе наполни две години.

Таа во неделата вечерта однесе уште една награда за нејзината волшебна изведба на шахистка во хит драмата „Дамски гамбит“.

Ања Тејлор-Џој изгледаше прекрасно во раскошен фуста на „Диор“, додека го прифаќаше трофејот за најдобра актерка во лимитирана серија на синоќешното доделување на Critics’ Choice Awards, награди што ги одредува филмската и телевизиската критика и кои ја поставуваат базата на остварувања што ќе влезат во финалната трка за „Оскар“.

„24-годишната актерка носи креација за која на двајца уметници им беа потребни речиси 200 часа за да ја направат“,  Марија Грација Кјури, креативната директорка на париската модна куќа, изјави за списанието „Вог“.

Принцот Хари и Меган Маркл би можеле да ги изгубат своите титули војвода и војвотка од Сасекс, објавија британски весници во неделата, повикувајќи се кралски соработници, кои тврдат дека „сè е на маса“ по фамозното интерву за Опра.

Официјални лица на палатата наводно дискутирале дали Хари треба да биде лишен од титулата војвода.

На принцот Хари веќе му беа одземени воените титули и покровителства.

Според „Тајмс“, високи соработници во палатата минатата недела заклучиле дека на Хари може да му биде одземено војводството или да му биде побарано да го врати, бидејќи оваа титула ја добил кога работел за монархијата.

И принцот Хари (36) и Меган Маркл (39) избраа да живеат во Калифорнија и да не преземаат кралски должности.

Официјалните лица признаваат дека таквиот потег би бил „голем чекор“, со што всушност се раскинува минатогодишниот договор за заминувањето на двојката.

Прашањето сè уште не е поставено кај кралицата, која треба да одобри ваков потег, според „Сандеј тајмс“.

Според кралски извор, кралицата е прилично вознемирена од одлуката на Хари и Меган да говорат за приватниот живот во телевизиско интервју што ќе се емитува во понеделник во Велика Британија, а вчера беше прикажано во САД.

„Имаше разговори во Палатата во врска со тоа како да му се одземе војводството“, изјави изворот за весникот. „Никогаш порано не е сторено такво нешто, но има луѓе кои сметаат дека тоа е изводливо и пожелно.“