Контакт

Забава

(Видео) „Не гледај нагоре“ со порака – капитализмот е закана за нашата цивилизација

Објавено пред

Не е за изненадување што питката и паметна црна комедија „Не гледај нагоре“ (Don’t Look Up) е еден од најголемите хитови на „Нетфликс“ овие денови. Дури и кога ќе го додадете Леонардо ди Каприо во улогата на секси научник, Мерил Стрип како претседателка на САД и стандардно добриот Марк Рајленс – чиј лик би можел да се нарече Илон Џобс (комбинација на Илон Маск и Стив Џобс) – забавата е загарантирана.

„Не гледај нагоре“, трагикомична сатира, има неколку јасни пораки.

На овој филм секако ќе му одговараше и наслов „Идиократија 2“ (Idiocracy 2: Final Showdown). Само што овој пат идиократијата не е сместена во иднината неколку века подалеку од нас, туку практично во сегашниот момент. Не треба многу за да ја сфатите основната порака за неподготвеноста на нашата цивилизација сама да се справи со опасен проблем. Авторот Адам Мекеј очигледно црпел инспирација за овој заклучок од сето она што ни се случи во последните години, особено во текот на пандемијата.

Народот е прикажан како неподготвен да ја разбере сериозноста на ситуацијата, медиумите се занимаваат само со теми што ги сака народот – а на социјалните мрежи доминираат ступидни мемиња и хејтерски коментари. Згора на сето тоа е неспособната администрација (американска, но не само американска), чија главна преокупација е како да дојде до гласови на изборите.

Научниците можат да допрат до јавноста само ако се згодни како Леонардо ди Каприо. Администрацијата почнува да ја решава кризата исклучиво од пи-ар причини, прават патриотски спектакл, а потоа се откажуваат затоа што мислат дека нашле подобро решение.

И тоа „подобро решение“ нè води до главната порака на филмот, која е речиси марксистичка – оваа цивилизација нема да ја преплави неспособна администрација, комерцијални медиуми, социјални мрежи, необразовани луѓе, па дури и комета со големина на Монт Еверест.

Како и во „Идиократија“, нема да ни се удри од глава фактот дека идиотите се размножуваат подобро од интелектуалците.

Според авторите на филмот, нам ќе ни пресуди капитализмот.

И дефинитивно не се мисли само на некои хипербогати бескрупулозни бизнисмени, кои можат да командуваат дури и со американскиот претседател, туку на целата капиталистичка логика на која профитот е буквално поважен од судбината на целото човештво.

Овој филм го рефлектира бранот на филмски антикапитализам, тренд кој се вжештува во последно време. Тука е и суперпопуларната и суперквалитетна серија Squid Game, приказна за перверзни богаташи. А не заостанува ниту анимираната серија Arcane, во која лесно се препознава силниот антиелитистички набој и критика на општеството базирано на желба за профит.

Останува да се види дали гледачите ова ќе го сфатат како обична забава.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

(Видео) Среќен роденден, Кевин Костнер

Објавено пред

На 67. роденден на американскиот актер продуцент и режисер Кевин Мајкл Костнер, познат како Кевин Костнер, медиумите ги посочија неговите топ-изведби во филмови и серии.

Меѓу нив е „Јелоустоун“ (2018). Дива вестерн-драма, каде што едно семејство мора да се бори за да ги спречи нападите врз нивиот ранч.

Костнер во кадар од „Танц со волците“ (1990). Во филмот тој го глуми поручникот Џон Данбар, кој се спријателува со волците и со домородните Американци.

Костнер во кадар од ЏФК (1991), каде што глуми окружен обвинител што открива некои вознемирувачки факти за атентатот на Џон Ф. Кенеди.

Костнер во кадар од Guardian (2006). Акционен авантуристички филм, каде што тој ја игра улогата на тврд офицер на крајбрежната стража.

Кевин Костнер во кадар од „Недопирливите“ (1987). Криминална драма, каде што глуми федерален агент Елиот Нес, кој е решен да спречи гангстер од Чикаго со неговиот мал тим во време кога беснее корупција и криминал.

Тука е и култниот „Телохранител“ (1992) со Витни Хјустон.

И, секако, Revenge или „Одмазда“ (1990), потресна љубовна драма во која глуми со Медлин Стоу и Ентони Квин.

Прикажи повеќе...

Забава

(Видео) Доаѓа уште една корејска серија, оваа е за зомби

Објавено пред

Затоа што сите се луди по корејска продукција, секој нов проект се чека со нетрпение бидејќи секогаш постои шанса да се претвори во (не)очекуван хит.

Тоа би можело да биде случај со All of Us Are Dead („Сите сме мртви“), корејска серија што пристигнува на „Нетфликс“ на 28 јануари, а дејството се врти околу група средношколци што се обидуваат да преживеат откога стотици соученици се претвориле во зомби кога нивното училиште станало епицентар на нова зараза.

Но, за разлика од повеќето херои во вакви филмови, овие деца пораснале со филмови и серии за зомби и барем малку се подготвени за она што следува. Инаку, серијата е базирана на вебтунот „Сега во нашето училиште“ на Џон Донг Геун.

Првата сезона ќе има осум епизоди.

Прикажи повеќе...

Забава

(Видео) Милановиќ снимен како си го закопчува шлицот, па си го брише носот со раката

Објавено пред

Хрватскиот претседател Зоран Милановиќ вчера го одликуваше врхобосанскиот кардинал Винко Пуљиќ за, како што беше истакнато, зачувување на хрватскиот идентитет, како и за меѓурелигиски, културни и хуманитарни активности.

Поради однесувањето на Милановиќ за време на одликувањето, видеото од оваа церемонија набргу стана хит на „Твитер“.

Претседателот на Хрватска стоел до кардиналот, а камерите го снимиле во еден момент како првин си го закопчува шлицот, а потоа со раката си го брише носот, пренесува Klix.ba.

„Првин закопчување на шлицот, па бришење на носот со марамче, па сапун и парфем“, „Гледај го Пуљиќ како го гледа шлицот“, „Избриши му го носот со ракавот“, „Урнебесно. Овој господин до него гледа и се чуди“, „Ова треба да има GIF“, „ Ги покажа сите свои вистински манири“, се само дел од реакциите на „Твитер“.

Прикажи повеќе...

Најново

Регион1 час

(Видео) Несреќа во Бугарија: Автобус со патници од Косово излета од патот, повредени се 29 луѓе меѓу кои има и деца

Во сообраќајна несреќа во Бугарија повредени се 29 патници од Косово, од кои шест деца, кога автобусот во кој се...

Македонија3 часа

Гаврил Бубевски избран за нов претседател на скопското Јавно обвинителство

Некогашниот специјален јавен обвинител, Гаврил Бубевски, стана шеф на скопското Јавно обвинителство, а неговиот колега од СЈО, Стевчо Донев, е...

Свет4 часа

Нов скандал во Австралија: обезбедувањето на аеродромите конфискува мобилни телефони без објаснување

Нов скандал избувна во Австралија откога многу патници се пожалија дека обезбедувањето на аеродромот без објаснување им ги одзело мобилните...

Македонија4 часа

Бугарија го прифати краткото име Северна Македонија, кое претходно го оспоруваше

Бугарија прифатила да го користи краткото име Северна Македонија, кое претходно го оспоруваше. Премиерот Димитар Ковачевски вели дека ова е...

Европа4 часа

Европскиот парламент доби нов претседател

Европскиот парламент доби нов претседател. Роберта Мецола е избрана за наследник на Дејвид Сасоли за претседател на Европскиот парламент освојувајќи...

Македонија7 часа

Со сертификат за вакцинација или прележана болест Македонците ќе може да влезат во Бугарија

Од 20 јануари македонските државјани ќе може да влезат во Бугарија. По интензивната комуникација меѓу министерствата за надворешни работи на...

Свет7 часа

Тонга по ерупцијата и цунамито – поплавени острови, земјата и дрвјата покриени со пепел

Првите фотографии по ерупцијата на вулканот кај Тонга и цунамито што ги погоди островите во тој архипелаг ги прикажуваат земјата...

Македонија8 часа

(Видео) Зголемениот водостој на кејот на реката Вардар ги вознемири жителите на Аеродром

По телефонска дојава од страна на граѓани на 195, а и до директорот на ЦУК, Стојанче Ангелов, дека во општина...

Македонија17 часа

Второто полугодие за основното и средното образование се одлага за 1 февруари

Владата на Република Северна Македонија на денешната втора, редовна седница, којашто се одржа преку видео конференциска врска, донесе одлука почетокот...

Македонија21 час

Владата на првата седница ги именува замениците на Ковачевски

Владата на Република Северна Македонија денеска ја одржа својата прва конститутивна седница, со која претседаваше премиерот Димитар Ковачевски. На седницата...

Македонија24 часа

766 нови случаи на Ковид-19 и 15 починати лица

Министерството за здравство информира, согласно податоците од Институтот за јавно здравје, дека во последните 24 часа направени се 3.748 тестови,...

Македонија1 ден

Маричиќ: Не е на Северна Македонија да кажува каде и какво малцинство има во регионот

Новиот вицепремиер за евроинтеграции, Бојан Маричиќ, изјави дека не е на Северна Македонија да кажува каде какво малцинство има во...

Македонија1 ден

Ковачевски: Задоволен сум од перформансите на министрите од ДУИ

Премиерот Димитар Ковачевски е задоволен од министрите што ДУИ ги има во Владата. Бидејќи во редовите на оваа партија немаше...

Македонија1 ден

Бугарската позиција е јасна, очекувам заедно да работиме на нов дијалог, порача Петков во честитката до Ковачевски

Бугарскиот премиер Кирил Петков му го честиташе изборот на својот македонски колега Димитар Ковачевски наведувајќи дека позицијата на Бугарија за македонската...

Економија1 ден

Поскапуваат бензините и дизелот

Малопродажните цени на бензините „евросупер БС-95“ и „евросупер БС-98“ се зголемуваат 1,00 денар/литар, а малопродажните цени на „евродизелот“ (Д-Е V)...

Свет1 ден

Десетте најбогати луѓе во светот си го удвоија богатството за време на пандемијата, а 160 милиони западнаа во сиромаштија

Богатството на 10-те најбогати луѓе во светот се удвои од почетокот на пандемијата, се наведува во извештајот објавен денеска од...

Спорт1 ден

Само вакцинираните ќе може да настапат на „Ролан Гарос“

Професионалните спортисти ќе мора да бидат вакцинирани против коронавирусот доколку сакаат да учествуваат на спортските натпревари во Франција. Ова се...

Македонија1 ден

(Видео) Ковачевски ги презеде функцијата и кабинетот од досегашниот премиер Зоран Заев

Новоизбраниот претседател на Владата, Димитар Ковачевски, денеска ги презеде функцијата и кабинетот од досегашниот премиер Зоран Заев. Премиерот во заминување,...

Регион1 ден

Од денеска сите Грци постари од 60 години мора да се вакцинираат или ќе платат казна

Во Грција од денеска стапуваат во сила мерките за изрекување казни за лица над 60 години што не се вакцинирани...

Свет1 ден

Научниците утврдија зошто некој природно подобро се бори со вирусот

Утврдено е дека една третина од луѓето во Европа може полесно да се борат со инфекцијата со коронавирус. Идентификуван е...

Досие