Меган Фокс и Брајан Остин Грин речиси година и пол по започнувањето на бракоразводната парница, конечно постигнаа спогодба за прекин на бракот.

Поранешните сопружници беа во брак речиси 10 години пред да објават дека се разведуваат во мај 2020 година. Како главна причина наведоа непремостливи пречки и побараа заедничко старателство над синовите.

Сега им треба само потпис од судијата. Поранешните сопружници поднесоа правни документи во кои се наведени условите на спогодбата и заедничкото правно и физичко старателство над нивните три момчиња.

Блиски извори за „ТМЗ“ велат дека немало предбрачен договор, а во Калифорнија тоа значи дека сè што стекнале во текот на нивниот 10-годишен брак треба да се подели на половина.

Денес, 19 октомври, го славиме Светскиот ден на џин и тоник, омилен пијалак за многумина. Не е викенд и поминаа жештините кога уживавме во овој коктел со многу мраз, но мора да се прослави.

Секоја пригода да се напиете ваква опојна мешавина е добра можност. Ако веќе не сте планирале вечерно излегување или пијалак по работа, сега е вистинското време.

На овој мегапопуларен пијалак можете да додадете разни зачини за да добие посебен вкус. Значи, ако одлучите да го прославите овој празник дома, еве рецепти за да го направите вашиот џин-тоник совршен.

Џин-тоник со лимон и боровница (за 4 лица)

20 боровинки, 20 свежи листови нане, 2 лимони, 2 лажички кафеав шеќер, 360 милилитри џин, 500 милилитри тоник, мраз.

Изберете чаши со рамно дно и рамномерно распоредете боровинки, нане, шеќер и сок од лимон во нив. Додадете мраз во чашите и ставете 90 милилитри џин во секоја чаша. Прелијте со тоникот, измешајте и уживајте!

Џин-тоник со црвен портокал (за 4 лица)

180 милилитри џин, 240 милилитри сок од црвен портокал, малку ликер од портокал, околу 480 милилитри тоник, мраз.

Наполнете чаши со мраз, потоа додадете џин, портокал и ликер. Истурете ја содржината на чашата со тоник и нежно измешајте. Како последен тач, украсете ја чашата со парче црвен портокал.

Нема причина да не кренете чаша со вашите пријатели вечерва, можеби со еден од овие славенички рецепти.

Папараците ја забележаа Сара Џесика Паркер кога пристигна на снимањето на новата сезона на серијата „Сексот и градот“ во центарот на Менхетен во понеделникот.

56-годишната актерка на себе има долни тренирки и памучна кошула со долги ракави, со што стана јасно дека не е облечена како Кери Бредшо за да продолжи со снимањето.

Иако на ваквото лежерно издание Кери можеби ќе направеше гримаса, Сара Џесика изгледа комотно и среќно додека чекори по тротоарот.

Таблоидите веднаш ја искоментираа „премногу лежерната облека“ на актерката што е во спротивност со уникатните комбинации на Кери, препознатливиот лик на една од најгледаните серии на сите времиња.

Кери Бредшо беше ултимативна модна икона која наметна модни трендови и засекогаш го промени начинот на размислување кога станува збор за експериментирање со модни парчиња и додатоци.Нејзиниот стил беше и сè уште е инспирација за милиони жени во светот. Токму тоа беше причината лондонски „Гардијан“ да ја вброи меѓу иконите на деценијата.