Контакт

Hitech

Времето потрошено за праќање службена е-пошта да се пресметува во работното време, предлага научна студија

Објавено пред

Патниците во градскиот превоз премногу често испраќаат службена е-пошта на пат до работното место, поради што таа активност би тебало да се пресметува во работното време, сметаат истражувачите од универзитетот West of England во Бристол.

Пристапот до безжичен интернет во јавниот транспорт и широката употреба на мобилни телефони на некој начин го продолжуваат работниот ден, се наведува во студијата.

Би-би-си информира дека студијата анализирала 5 000 патници на градските линии во Лондон, откако безжичниот интернет стана широко достапен. Според оваа студија, 54 отсто од патниците во возовите пристапот до интернет го користат за испраќање на службена е-пошта.

Оние кои оделе на работа испраќале е-пошта во врска со обврските што ги чекаат, додека, пак, оние кои се враќале, праќале пораки за нешто што не успеале да го завршат во текот на работното време.

Студијата покажала дека подобрата поврзаност на интернет влијае за продолжување на работното време и дека луѓето во возовите почесто користат лаптоп и мобилни телефони.

Ова истражување го покрена прашањето за рамнотежата помеѓу работата и приватниот живот и дали е здраво дополнително да се продолжува работното време кога луѓето како и да е рутински одговараат на службената е-пошта дури и кога се слободни.

Токму затоа научниците го поставуваат прашањето – доколку патот до работа практично е дел од самата работа, зарем не треба тој да се пресметува во работното време?



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Hitech

„Инстаграм“ наскоро може да го скрие бројот на лајкови од вашите објави

Објавено пред

Сѐ повеќе се чини дека причината зошто луѓето поставуваат било што на социјалните мрежи е само поради лајкови.

Тоа е всушност начин да се добие потврда од другите, а популарноста се оценува според бројот на лаjкови што една објава ги добила. Сепак, во малку контроверзен и за многумина неочекуван чекор, се чини дека „Инстаграм“ тестира промена во својот кориснички интерфејс, каде што лајковите под сликата ќе бидат скриени од вашите следбеници, пишува PC Press.

Ова го откри Џејн Манчун Вонг, која на својот твитер-профил сподели дека постои можност во иднина никој, освен самиот корисник, да не знае колку лајкови има одредена негова фотографија на „Инстаграм“. Наместо тоа, она што следбениците ќе може да го забележат во ваков случај е дека вашиот пост бил лајкуван, меѓутоа без прецизирање на конкретна бројка.

Многумина сметаат дека станува збор за контроверзна одлука, бидејќи голем број познати личности на социјалните мрежи се потпираат токму на бројот на лајкови за да покажат колку се популарни, со цел да може да ги контролираат цените кои ги наплаќаат за одредени маркетинг промоции.

Меѓутоа, од „Инстаграм“ имаат интересно гледиште кое гласи: „Сакаме вашите следбеници да се фокусираат на суштината на она што го споделувате, а не на вашиот пост да се гледа како на генератор на лајкови“.

Засега не е јасно дали плановите на „Инстаграм“ поврзани со оваа промена навистина ќе станат реалност или пак станува збор само за тест, со цел да се „испита пулсот“ и да се добијат повратни информации од корисниците.

Прикажи повеќе...

Hitech

(Видео) Богатите се тркаат кој ќе даде повеќе пари за Нотр Дам, но спасител за катедралата може да биде видеоигра

Објавено пред

Видеоиграта Assassins Creed: Unity би можела да биде вистинскиот спасител во реставрацијата на катедралата Нотр Дам, која во голем дел изгоре во пожар за кои причините и натаму не се целосно познати.

Иако оваа видеоигра со историска тематика, која е издадена во текот на 2014 година, а чие дејствие се одвива во стариот Париз, во времето на револуцијата, се смета за едно од послабите изданија во целиот серијал, она по што останува запаметена е преубавата графика и приказот на Париз во тоа време, пишува Mob&IT.

Токму ваквиот квалитет на изработка може да ги спаси Париз, Франција и целиот свет од загубата на Нотр Дам, бидејќи оваа зграда во играта е прикажана до неверојатни детали, односно Assassins Creed: Unity го има направено едно од најдобрите 3Д-мапирања на париската катедрала, кои се воопшто достапни.

Каролина Мијуз, артистка која работела на мапирањето на Нотр Дам за потребите на видеоиграта, за The Verge изјавила дека членовите на тимот буквално минале години опседнати со намерата да доловат што повеќе детали со цел веродостојно да ја пренесат познатата катедрала во светот на игрите, при што се задржале на такви финеси како на пример текстурите на секоја цигла да одговараат на нивните карактеристики во реалниот свет.

Сите овие детали може да бидат од огромна помош за луѓето кои ќе работат на обнова на зградата бидејќи ќе можат детално да согледаат како објектот изгледал и ќе може разработените скици да ги применат при реконструкцијата.

Сепак, дали Ubisoft, компанијата креатор на игрите Assassins Creed ќе ги отстапи 3Д-моделите и мапите на француските власти и натаму не е познато, а „Бизнис инсајдер“ пишува дека оваа француска компанија сè уште е недостапна за какви било коментари на оваа тема.

Во видеото подолу и самите може да го видете графичкиот приказ на Нотр Дам во играта и да се уверите во убавината на деталите и целиот напор кој Ubisoft го вложил во создавањето на 3Д-моделот на Богородичната црква во Париз.

Прикажи повеќе...

Hitech

(Видео) Спектакуларен натпревар на небото – гејмери играа на платформа висока 40 метри

Објавено пред

Спектакуларен натпревар на небото се одигра викендов во Хрватска. Дваесет и двајца гејмери играа и се натпреваруваа во видеоигри на платформа висока 40 метри.

Натпреварот наречен ,,Гејминг на небото” го организираше Lvl8. Во популарната игра PUBG се натпреваруваа 22 играчи, кои играа на специјално адаптирана платформа крената со кран на височина од една осумкатница.

Ниту ладното, ниту лошото време не им пречеше на гејмерите да играат неколку часа високо на синото небо над Загреб. Иако, како што самите признаа, нивните прсти буквилно им измрзнале.

На настанот учествуваа голем број гејмери, кои со години изработуваат маски од своите омилени ликови од игрите, со кои натстапуваат на натпревари.

Прикажи повеќе...

Најново

Топ26 минути

Убиени татко и неговиот осумгодишен син во Слупчане

Татко и неговиот осумгодишен син се пронајдени мртви во автомобил во близина на кумановското село Слупчане. Според информациите од кумановското...

Избори 20191 час

Пендаровски во водство со 4.606 гласа, според последните податоци од ДИК

Стево Пендаровски е во водство со 4.606 гласа, според последните податоци од Државната изборна комисија (ДИК). Од обработени 98,8 избирачки...

Избори 20192 часа

Дука нов градоначалник на Дебар, во Охрид и во Ново Село ќе има втор круг

Хекуран Дука, кандидатот на ДУИ за Дебар, победи на локалните предвремени избори што се одржаа вчера заедно со претседателските. Дука...

Свет2 часа

Ден на Земјата – што може секој поединец да направи за да ја заштитиме нашата планета?

Додека голем број граѓани од католичка вероисповед од Европа и светот го празнуваат првиот ден од Велигден, 22 Април исто...

Топ2 часа

Еден мотоциклист загина, а друг тешко повреден во сообраќајна несречќа на патот Скопје-Велес

Еден мотоциклист загина, а друг е тешко повреден во сообраќајна несреќа што се случила вчера на автопатот „Пријателство“, во атарот...

Вести2 часа

Бројот на жртви во терористичките напади во Шри Ланка се искачи на 290

Бројот на жртви во терористичките напади во цркви и хотели во Шри Ланка порасна на 290, а бројот на повредени...

Избори 201911 час

Зекири: Горчлива победа, граѓаните знаат да наградат, а и да казнат

Пратеникот од СДСМ Мухамед Зекири, по завршување на првиот круг од претседателските избори на кои во тесно водство е кандидатот...

Избори 201912 часа

Дерковски: Силјановска освои 309.799, Пендаровски – 310.751 и Река – 75.519 гласа

Претседателот на Државната изборна комисија, Оливер Дерковски, соопшти дека се обработени 96,92 отсто од гласовите, при што гласале 41,92 отсто...

Избори 201913 часа

Пендаровски: Едвај чекам да се фатам за работа од позиција шеф на државата

Претседателскиот кандидат Стево Пендаровски во своето обраќање во медиумскиот центар оцени дека првиот круг од претседателските избори минал во демократски...

Избори 201913 часа

Заев прогласи победа на Стево Пендаровски

Лидерот на СДСМ, Зоран Заев, прогласи победа на Стево Пендаровски во првиот круг од претседателските избори. Тој рече дека од 98,28...

Избори 201913 часа

Мицкоски: Ја победивме хотел-коалицијата

„Победивме, но целосно не ги поразивме“, рече лидерот на ВМРО-ДПМНЕ, Христијан Мицкоски, на прес-конференцијата по првиот круг од претседателските избори....

Избори 201913 часа

Силјановска: Ако на моите се додадат гласовите на Река, приказната е јасна

Не сум човек што потонува во триумфализам, знам дека допрва следува битката, но мислам дека ако ние добивме толкав број...

Избори 201913 часа

Адеми: Максимално сме фокусирани за победа во вториот круг

Портпаролот на изборниот штаб на ДУИ, Арбер Адеми, не сакаше да го коментира резултатот од изборите во однос на албанското...

Избори 201915 часа

Јанушев: Водиме во голем број места

„Радувај се Македонијо, правдата доаѓа. ВМРО-ДПМНЕ победува. Гордана ќе биде“, со овие зборови генералниот скеретар на партијата, Игор Јанушев, ја...

Избори 201916 часа

(Видео) Бајрами: До ОЈО и МВР нема пристигнато никаква пријава за случајот во Студеничани

Претседателот на Комисијата за следење изборни нерегуларности при Јавното обвинителство на РСМ, обвинителот Џелал Бајрами, по затворањето на гласачките места...

Избори 201916 часа

МВР: Гласач под дејство на алкохол оштетил кутија, четворица ги фотографирале ливчињата

Во текот на изборниот ден регистрирани се четири фотографирања на гласачки ливчиња, а сторителите се приведени. Гласач во Новаци, пак, под...

Избори 201917 часа

Претседателските избори со најмал одѕив досега

Според податоците од досегашните изборни процеси, неизбежен е впечатокот дека опаѓа одѕивот на македонските граѓани во првиот круг од претседателските...

Избори 201917 часа

Одѕивот до 18.30 часот 39,71 проценти

Државната изборна комисија (ДИК) соопшти дека одѕивот на првиот круг од претседателските избори до 18.30 часот изнесува 39,71 проценти, односно...

Свет21 час

(Видео) Уапсени седум лица за терористичките напади во Шри Ланка, бројот на жртви се искачи на 200

Уапсени се седум лица, осомничени за бомбашките напади на неколку локации во земјата. Зад нападите би можела да стои локална...

Топ23 часа

Полицаец загина, а четири лица се повредени откако кумановец со ,,мерцедес” направил две сообраќајни несреќи

На 21.04.2019 во 00.45 часот на регионален пат Куманово – Свети Николе во близина на крстосница со населбата Ајдучка Чешма,...

Досие