Ѕвездата на суперхеројскиот блокбастер Wonder Woman или жена-чудо потврди дека таа и нејзиниот сопруг Јарон Варсан се подготвени да го пречекаат нивното трето дете – братче или сестричка за тригодишната Маја и деветгодишната Алма.

Гал Гадот сподели симпатична семејна фотографија на која се гледаат двете ќерки и сопругот.

Израелката која стана едно од најзвучните имиња во светот на филмот откако го оживеа ликот на „Вондер вуман“, претходно откри дека се чувствувала возвишено кога станала мајка.

Споделувајќи го своето искуство, таа рече: „Кога ги родив моите две ќерки. Знам дека ова звучи претерано, но се чувствував како да сум Бог кога се породив. Најдоброто чувство на светот е да станеш мајка и да дадеш живот.“

„Бев многу понервозна со својата прва бременост, но со Маја беше полесно. Поинаку е бидејќи го имате тоа искуство кога ќе добиете второ дете.“

Британски судија во вторникот донесе одлука дека на Меган Маркл, војвотката од Сасекс, треба да ѝ бидат исплатени 625.000 американски долари како привремен надомест на трошоци во постапката откога таа ја доби тужбата против „Мејл он сандеј“ за повреда на приватноста.

Минатиот месец судија на Високиот суд во Лондон пресуди дека таблоидот ја нарушил нејзината приватност и го повредил нејзиното авторско право објавувајќи делови од писмо што му го напишалa на татка си Томас Маркл, со кој се раздели во пресрет на нејзината венчавка со внукот на кралицата Елизабета, принцот Хари.

Судијата Марк Ворби пресуди во нејзина корист без одржување судење велејќи дека написите се очигледна повреда на приватноста иако весникот тврди дека војвотката имала намера содржината на писмото да стане јавна и дека тоа претставува дел од стратегијата за медиуми.

На рочиште во вторникот Ворби одби да му дозволи на весникот да се жали на таа одлука велејќи дека нема вистинска перспектива Апелацискиот суд да донесе поинаков заклучок. Сепак, весникот е во можност да аплицира директно до судот.

На судот му беше кажано дека адвокатскиот тим на Меган бара повеќе од 1,5 милион фунти надомест за правни трошоци, со половина од износот што треба да се плати во рок од 14 дена, сума што весникот ја опиша како несразмерна.

Иконата на американската кантри-музика ја прими првата доза од вакцината против Ковид-19

75-годишната Доли Партон, која донира 1 милион долари за развој на вакцина протов коронавирусот, беше воодушевена што ја прими вакцината на „Модерна“.

Споделувајќи фотографија на социјалните мрежи, таа напиша: „Доли добива доза од сопствениот лек“.

Минатата година познатата пејачка и текстописец изјави дека се чувствува многу почестена и се гордее што донирала пари за истражување на една од најперспективните вакцини против Ковид-19.

Во февруари 75-годишната пејачка инсистира на тоа дека ќе ја чека својата вакцина против коронавирусот бидејќи не сака луѓето да мислат дека тоа е шоу.