Забава
Глупав сум ама не до толку да користам кокаин пред камера, вели Италијанецот кој победи на Евровизија

По победата на Италија на Евровизија, почнаа да кружат обвинувања дека фронтменот на групата, Дамијано Давид, конзумирал кокаин пред камерата, а видеото, кое не покажува јасно што се случува, ги преплави социјалните мрежи.
Дамијано веднаш ги негираше обвинувањата и соопшти дека ќе биде тестиран за да докаже дека во неговото тело нема забранети супстанци.
По враќањето во Италија, тој го даде своето прво интервју во кое, меѓу другото, зборуваше за скандалозната снимка за време на Евровизија.
„Никогаш во животот не сум користел кокаин и сигурно нема да почнам за време на директен пренос пред цела Европа“, рече Дамијано и продолжи: И тоа, пред камера што е насочена кон моето лице?! Тоа е затоа што сум глупав? Да, но не до толку – додаде Дамијано.
Шведски новинар по победата на фестивалот го праша пејачот дали користел кокаин на Евровизија, објави „Њујорк тајмс“. Одговорот на Дамијано беше дека тој не се дрогира, по што групата „Манескин“ се огласи со објава на нивниот официјален профил на „Инстаграм“.
„Навистина сме шокирани што некои луѓе велат дека Дамијано користел дрога. Ние сме против дрога и никогаш не сме користеле кокаин. Подготвени сме да се тестираме затоа што нема што да криеме. Тука сме да ја претставиме нашата музика и многу сме среќни за нашата победа на Евровизија. Сакаме да им се заблагодариме на сите за поддршката. Рокенролот никогаш не умира. Ве сакаме“, се наведува во соопштението на групата „Манескин“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Кому воопшто му треба наградата? Номинираните за „Греми“ ќе добијат раскошни подароци

Вечерва во Лос Анџелес ќе се одржи еден од најпрестижните настани во музичката индустрија, наградите „Греми“, а номинираните ќе понесат дома вреќичка со подароци вредна 60.000 долари, дознава „Пејџ сикс“.
Ова секако го подига концептот подарок за една до две октави.
Наводно, еден од најскапите подароци е ваучер за третман липосукција вреден 18.000 долари. Се подаруваат и други козметички третмани во вредност до 10.000 долари, а и сет накит од злато и кристал во вредност од околу 2.000 долари.
Освен тоа, овогодинешните номинирани за музичката награда ќе добијат очила за сонце специјално дизајнирани за таа пригода и комплет производи за убавина во вредност од 515 долари. Ќе има и роботски чистач на базени вреден 400 долари.
Вреќичките со подароци, наводно, ќе содржат повеќе од 50 предмети, а таблоидите пренесуваат дека номинираниte за „Греми“, водителите, и изведувачите ќе добијат подароци. Така, Хари Стајлс, Шања Твен и Бед Бони се само некои од имињата кои вечерва ќе однесат дома подароци од 60.000 долари.
Во пресрет на свечената церемонија, американските шоу-биз медиуми се фокусираа на луксузните подароци, на нивните насловни страници речиси и да немаше фотографии од номинираните.
За потсетување, поп иконата Бијонсе доби најмногу номинации оваа година, вкупно девет, што ја изедначи со нејзиниот сопруг, раперот Џеј Зи и најноминираните уметници на сите времиња.
Бијонсе и Џеј Зи имаат комбинирани 88 номинации за музички награди со гласање од колегите. Џеј Зи оваа година доби пет номинации за неговиот придонес за песната Renaissance на Бијонсе и God Did на диџеј Калед.
Комичарот Тревор Ноа ќе ја води 65. традиционална церемонија, каде златни грамофони ќе им бидат доделени на музичарите кои ја одбележаа изминатата година.
Забава
Јапонски град го зајакнува туризмот со ангажирање на гејши

Во обид да ја оживее култната традиција и да го поттикне туризмот, јапонскиот град со термалните извори Геро во префектурата Гифу, ја продолжува програмата за вработување жени во градската администрација, кои се обучени да бидат „маико“ (чирак гејша).
Вработените во уникатниот проект на локалната самоуправа, кој е втор од ваков вид во Јапонија, се очекува да работат како државни службеници, а истовремено да учат да танцуваат, пеат и свират на музички инструменти. Обуката се очекува да трае три години, а нови вработувања во рамките на оваа програма ќе започнат во февруари.
Од градската управа велат дека во последните години има се помалку групни посети на местото, па гејшите имаат се помалку можности да ја покажат својата уметност.
Тецуја Томинага, програмски менаџер во одделот за туризам на Гера, истакнува дека историјата и културата на гејшите се важни и треба да се пренесат.
Во 1970-тите, градот во централната префектура Гифу имал повеќе од 200 гејши и нивни чираци. Но, тој број се намалил, а моментално има само три, вклучувајќи ја и Марика Такемото (23), првата што е регрутирана во програмата. Такемото, родена во Токио, е вработена во 2021 година во одделот за туризам на градската управа на Гера.
Таа вели дека е заинтересирана за ревитализација на руралните области, а преку социјалните мрежи се обидува да привлече туристи во одморалиштето со топли извори, кое сè уште ги чува остатоците од античката историја.
Како маико (чирак гејша), таа учи бонтон, танц и народни песни. Бидејќи е државен службеник, не смее да забавува приватни групи, но може да настапува јавно.
Со искуството стекнато за време на обуката, таа може да избере да продолжи да работи како гејша по завршувањето на програмата за обука.
Забава
Почна карневалот во Венеција

Почна Карневалот во Венеција. Танчери и уметници продефилираа покрај Грандe Каналот.
Во текот на следните две недели градот ќе биде исполнет со илјадници туристи од цела Италија и светот.
Во античките венецијански палати ќе се одржуваат маскирани балови, а на плоштадите и каналите во градот ќе се организираат концерти и поворки со гондоли.
Еден од најстарите карневали во светот првпат се одржал во 11 век.