Викторија Бекам првпат проговори за болката што ја почувствувала по наводната афера на сопругот Дејвид.

Во претстојниот документарен филм „Бекам“, англискиот фудбалер исто така открива како нивниот брак бил под голем притисок кога се појавија медиумски извештаи дека имал афера додека играл во Шпанија во 2003 година.

Бекамови секогаш ги негираа тврдењата за прељубата додека Дејвид играше за „Реал Мадрид“ пред 20 години, но сега отворено проговорија за битката за спас на нивниот брак.

„Тоа беше најтешкиот период бидејќи се чувствувавме како светот да е против нас. Бевме еден против друг, да бидам целосно искрена. Сè до Мадрид се чинеше дека сме ние против сите други – но бевме заедно, бевме поврзани, се имавме еден со друг. Меѓутоа, кога бевме во Шпанија, не се чувствувавме како да се имаме“, вели Викторија во документарецот во продукција на „Нетфликс“.

„И тоа е тажно. Не можам ни да ви опишам колку беше тешко и како влијаеше на мене. Беше кошмар. Тоа беше апсолутен циркус, а сите сакаат кога циркус доаѓа во градот, нели? Освен ако не сте и вие во него“, додава таа.

На прашањето дали му забележува на својот сопруг, поранешната членка на „Спајс грлс“ одговори: „Тогаш бев најнесреќна“. Викторија ја потиснала траумата за да го поддржи својот сопруг во неговата кариера. „Не се чувствував изгубено затоа што секогаш внимавав на фокусот што му беше потребен“.

Во документарната серија од четири дела не е именувана жената со која Дејвид наводно имал афера, но прикажани се наслови на весниците од тоа време, вклучувајќи го и оној: „Секс со Бекс“.

Кога режисерот Фишер Стивенс прашува како преживеал парот, Дејвид вели: „Се чувствувавме како да не се губиме еден со друг, туку се давиме. На крајот на краиштата, тоа е нашиот приватен живот. Имаше денови кога мислев: Како ќе одам на работа? Како ќе излезам на терен за тренинг и да изгледам како да е сè во ред? Се чувствував физички болно секој ден кога ќе ги отворев очите. Првата мисла ми беше: „Како ќе го сторам тоа, како ќе се справам со неволјата?“

Кошаркарската легенда Мајкл Џордан стана првиот спортист што се најде на листата на „Форбс“ на 400 најбогати Американци.

Шесткратниот шампион во НБА, кој има профитабилен договор за лиценцирање со „Најки“ и неодамна го продаде својот мнозински удел во „Шарлот Хорнетс“, достигна неверојатна нето-вредност од 3 милијарди долари влегувајќи во просторот резервиран за магнати, како Илон Маск, Џеф Безос, Ворен Бафет и Кен Грифин.

Не е јасно точно кое место ќе го заземе Џордан кога ќе се ажурира листата во наредните месеци, но минатогодишната листа на „Форбс“ имаше 10 луѓе со нето-богатство од 3 милијарди долари на 359. место. Мајкл Џордан на тој начин стана првиот професионален спортист меѓу 400 најбогати луѓе во Америка.

„Форбс“ вели дека го пресметува богатството земајќи ги предвид сите видови имот, вклучително и удели во јавни и приватни компании, недвижен имот, уметност, јахти, авиони, фарми, лозја, накит, колекции на автомобили и друго, истовремено земајќи ги предвид долговите и донациите.

Џордан стана првиот афроамерикански сопственик на тимот кога го купи „Шарлот“ за 275 милиони долари во 2010 година, тогаш познат како „Бобкетс“. Тој го продаде својот удел ова лето за неверојатни 3 милијарди долари, втора највисока продажна цена во историјата на лигата.

Во 2022 година „Најки“ објави дека партнерството со Џордан, кое почна во неговата дебитантска година во 1984 година, генерира приход од 5,1 милијарди долари за компанијата, што претставува неверојатни 11 % од вкупната продажба на „Најки“.

Славата на Џордан на теренот доведе до успех и надвор од теренот, вклучително и профитабилни потписи со „Гетордејт“, „Ханес“, „Шевролет“, „Мекдоналд“, „Бол Парк Френкс“ и „Витис“. Прославениот кошаркар е уникатен и по спортските вештини и по финансиската состојба имајќи предвид дека само седум професионални спортисти го имаат постигнато статусот милијардер.

Актерот Џозеф Гат се појави во судот во Лос Анџелес, каде што му претстои судење по наводите за сексуално експлицитни разговори на интернет со малолетничка.

51-годишниот актер, познат по улогата на Тен Варг во популарната серија „Игри на тронови“ на Ејч-би-о, пристигна во судницата во Лос Анџелес во понеделникот со својата долгогодишна партнерка, актерка и писателка, Мерси Малик.

Гет е пуштен на слобода со кауција од 5.000 долари откога беше уапсен во април 2022 година по налог за кривично дело контакт со малолетник за сексуален престап во Лос Анџелес.

Енрике Монгуја, судија на Врховниот суд во Лос Анџелес, кој претседава со случајот, соопшти во понеделникот дека случајот ќе продолжи на 4 декември откако обвинителот Мајкл Ферн рече дека се потребни дополнителни докази.

Појавувањето на Гет во судница доаѓа 18 месеци по апсењето во Лос Анџелес, а неговиот дом беше претресен од полицијата, поточно од работната група при одделот за малолетници ,чија задача е да истражува сексуална злоупотреба на деца преку интернет.