Компанијата „Радиономи“ најави големо враќање на „Винамп“, кој следната година ќе добие нова верзија на мобилна апликација.

Иако важи за една од најпознатите компјутерски програми, „Винамп“ и неговите услуги згаснаа на 20 декември 2013 година, на разочарување на многу обожаватели.

Досега, многупати беше најавувано враќање, кое никогаш не се случи, но сега компанијата „Радиономи“, која го купи „Винамп“ во 2014 година, официјално потврди дека омилениот плеер се враќа во форма на мобилна апликација која ќе овозможи објавување музика, поткаст и стриминг-услуги на едно место.

„Следната година ќе се појави целосно нова верзија, која ќе овозможи целосно и подобрено корисничко искуство. Корисниците ќе бидат во можност да слушаат MP3 фајлови што претходно ги складирале во облак датотеки, но и поткасти, интернет радиостаници и плејлисти кои се по нивниот терк“, истакна компанијата.

Странските медиуми известуваат дека апликацијата ќе биде достапна за iOS и Android уреди. „Винамп“ веќе има своја андроид-апликација, но новата верзија ветува поинакво искуство.

Исто така, „Радиономи“ најави нова „Винамп“ десктоп верзија – „Винамп 6“, која е во план за следната година.

Најголемата светска онлајн платформа за видеосодржини „Јутјуб“ синоќа беше недостапна за корисниците од САД, Европа и Јужна Америка. Корисниците алармираа дека немаат пристап до своите канали на мрежата и дека не можат да гледаат какви било видеа.

Платформата беше недостапна околу еден час. Од „Јутјуб“ се огласија преку „Твитер“. Прво информираа дека се работи на отстранување на проблемот, без да се прецизира за што се работи, а по еден час напишаа дека проблемот е решен.

We’re back! Thanks for all of your patience. If you continue to experience issues, please let us know. https://t.co/NVU5GP7Sy6

— Team YouTube (@TeamYouTube) October 17, 2018

Додека „Јутјуб“ беше паднат, на местата на видеата се појавуваа празни прозорци, без никаква содржина.

Компанијата „Фејсбук“ почна со тестирање на опцијата unsend за апликацијата Месинџер, која ќе им овозможува на корисниците да ги бришат испратените пораки и тие целосно да бидат отстранети од чатот.

Претходно оваа година „Фејсбук“ тајно ги избриша старите пораки кои преку Месинџер ги испратил основачот Марк Закерберг, а тоа беше многу чудно затоа што другите корисници не можат да го направат тоа.

Ако сега избришете порака од инбокс, веќе нема да ја гледате, но таа ќе остане во инбоксот на лицето на кое сте му ја пратиле.

Во април „Фејсбук“ соопшти дека планира да воведе unsend опција за сите корисници, но деталите и датумот за лансирање не беа соопштени. Опцијата unsend ќе биде достапна само одредено време откако корисниците ќе ја испратат пораката.