Синот на Викторија и Дејвид Бекам е веќе доволно возрасен за да влезе во светот на моделите и да биде новото лице на насловната страница на познатото модно списание L’Uomo Vogue.

Ромео, 18-годишниот син на Викторија (46) и Дејвид Бекам (45), веќе го имаше своето деби на машката модна сцена како манекен, а сега ја краси насловната на најновото издание на списанието, кое треба да излезе на киосците на 22 јануари.

Зад објективот стоеше славното фотографско дуо Мерт Алас и Маркус Пигот.

Русокосиот Ромео на својот инстаграм-профил ја покажа својата прва голема фотосесија и напиша: „Возбуден што ја споделувам мојата прва насловна страница за L’Uomo Vogue“.

Тој е еден од најуспешните актери во Холивуд.

Но, се чини дека Мет Дејмон е подготвен за промена и ја наведе својата палата во Лос Анџелес за продажба.

Ѕвездата (50) бара 21 милион долари за својот имот на Пацифичките Палисади, што го купи во 2012 година за 15 милиони долари.

Имотот се наоѓа зад висока жива ограда на половина хектар, а резиденцијата може да се пофали со простор за живеење на 13.500 квадратни метри.

Домот, опишан од агенцијата за недвижности како тропско прибежиште, нуди седум спални соби и 10 бањи, голем надворешен базен и рибник.

Британската пејачка Адел постигна договор со сопругот Симон Конецки за развод на бракот со спогодба речиси две години по нивното разделување.

„Ју-ес викли“ објави во четвртокот дека пејачката (32) и Симон (46), извршен директор на добротворната организација Drop4Drop, во петокот на 15 јануари ги поднеле условите за развод од 171 милион долари.

Иако Адел и Симон го завршија своето за да го финализираат разводот, бракот официјално нема да биде прекинат додека судијата не се потпише на документите.

Двајцата објавија дека ќе се разделат во април 2019 година, а Адел поднесе судски документи пет месеци подоцна. Тие се одлучија да користат медијација за да се прецизираат деталите за поделба на нивниот имот и на долговите.

Британската поп-сензација е една од најбогатите пејачки во својата земја. Нејзиниот раскошен глас и талентот ја сместија меѓу најценетите и најплатени светски музичари на денешнината.