Ен Хатавеј откри дека имала спонтан абортус во 2015 година: „Тешко е…“

Актерката Ен Хатавеј откри дека имала спонтан абортус во 2015 година. Таа го откри ова кога беше прашана за нејзината објава на „Инстаграм“ од 2019 година кога првпат спомна дека минува низ неплодност и пекол за зачнување.

„Со оглед на болката што ја чувствував додека се обидував да забременам, би било неискрено да објавам нешто сосема среќно кога знам дека приказната е многу нијансирана од онаа за сите. Не сакав да се срамам од нешто што статистички се чинеше како сосема нормално“, објасни таа.

 

View this post on Instagram

 

A post shared by Anne Hathaway (@annehathaway)

До таа објава во 2019 година Хатавеј веќе имаше дете, но не беше отворена за своите проблеми со плодноста. Болното искуство во 2015 година беше отежнато со фактот што актерката тогаш настапуваше во целосно женската претстава Grounded, напишана од Џорџ Брант, за жена пилот на американските воздухопловни сили, која е приземјена кога ќе забремени.

„Првпат не ми одеше. Бев во претстава и морав да се пораѓам на сцена секоја вечер“, изјави таа за „Венити фер“ мислејќи на приказната за нејзиниот лик во претставата. Зад сцената на претставата ја сподели тажната вест со своите пријатели.

 

View this post on Instagram

 

A post shared by Anne Hathaway (@annehathaway)

„Беше премногу да го држам тоа во себе додека бев на сцената преправајќи се дека сè е во ред“, вели Ана. „Навистина е тешко да сакаш нешто толку многу и да се прашуваш дали правиш нешто погрешно“, додава таа.

Подоцна сфатила дека спонтаните абортуси се чести, иако за тоа не се зборува многу.