Ергенската забава на Џеф Безос изненади многумина: имав опуштена вечера, се дружев со пријателите

Свадбата на Џеф Безос и Лорен Санчез е за еден месец, па минатиот викенд тие решија да се дружат со пријателите на ергенската и моминската забава. Основачот на „Амазон“ ги однесе сите свои најблиски пријатели на дружење во Мадрид, додека новинарката се забавуваше во Париз со своите познати пријатели.

Безос решил да излезе со пријателите во ресторанот „Тен кон Тен“ во Мадрид. Беше опуштен и насмеан, уживајќи во друштвото и специјалитетите на ресторанот.

После тоа, тие ја продолжија вечерта во клуб, каде, како што објави Hola!, уживаа во музиката, атмосферата и пијалоците. Иако некој би очекувал поекстравагантна прослава од третиот најбогат човек во светот, тој очигледно одлучил да ја помине во лежерна атмосфера и во град што вообичаено го сака. Ова беше негова втора посета на Шпанија за три месеци.

Санчез, сепак, се одлучи за погламурозна забава. Таа ги однесе своите најблиски пријателки, меѓу кои и познатите дами Ким Кардашијан, Кети Пери и Ева Лонгорија, во Франција. Тие ручаа во познатиот ресторан „Л’Авенју“, вечераа во „Лафајет“, а потоа отидоа на приватно крстарење по Сена, од каде имаа совршен поглед на Париз при зајдисонце.

Безос и Санчез ќе го кажат своето судбоносно „Да“ од 24 до 26 јуни во Венеција, откако ја објавија својата врска во 2019 година и се свршија во 2023 година. Главната церемонија ќе се одржи на приватниот остров Сан Џорџо Маџоре.