Поп-sвездата на која ѝ беше кажано дека „не е доволно Британка“ да се натпреварува за наградите „Бритс“ и „Меркјури“, успеа да издејствува пресврт во правилата за доделување на британските музички награди.

На Рина Савајама ѝ беше кажано минатата година дека не може да се натпреварува за наградите бидејќи не е британска државјанка.

Пејачката, која живее во Велика Британија веќе 26 години, сега стекна право да се натпреварува, откако се сретна со шефовите на „Бритс“.

Според новите правила, уметниците кои престојуваат во Велика Британија повеќе од пет години се квалификуваат за главните награди.

Савајама има документи за престој на неопределено време во Велика Британија, но има јапонски пасош за да ги одржува врските со своето семејство, вклучувајќи го и татко ѝ, кој живее во нејзината родна земја.

Бидејќи Јапонија не дозволува двојно државјанство, таа не може да има британски пасош. Тоа доведе до тоа нејзиниот деби-албум „Савајама“, кој доби одлични рецензии, да не може да се квалификува за минатогодишната награда „Меркјури“.

Популарната телевизиска хумористична серија од 90-тите години на минатиот век „Фрејзер“, чија главна ѕвезда е Келси Грамер во улогата на Фрејзер Крејн – снобовски водител на радиоемисија – се враќа на малиот екран.

Грамер во средата рече дека ќе ја повтори својата улога во преродбата на хит-комедијата што ќе се фокусира на „следното поглавје во понатамошниот пат на психијатарот д-р Фрејзер Крејн“.

Следната серија „Војна на вездите“, анимиран серијал за елитна група клонови, The Bad Batch, ќе дебитира на стриминг-платформата „Дизни плус“на 4 мај, соопшти компанијата во средата.

Акционата серија на студиото Марвел, „Локи“, за негативецот кој го игра Том Хидлстон, ќе има премиера на 11 јуни, се вели во изјавата на „Дизни“ пред презентацијата на претстојните програми пред Здружението на телевизиски критичари.

The Bad Batch ќе ги следи експерименталните клонови во галаксијата што брзо се менува по завршувањето на војната на клоновите.

Датумот на премиерата се совпаѓа со неофицијалниот празник меѓу фановите на „Војна на ѕвездите“.