На традиционалната парада пред божиќните празници во Холандија се судрија приврзаниците и противниците на помошникот на Дедо Мраз – Црниот Пит. Холандската верзија на Црн Пит, е препознатлив по лицето обоено во црна или кафеава боја и по костумот.

Противниците на Црниот Пит сметаат дека тој обичај е расистички и навредлив за лицата со темна боја на кожата.

Нередите избија во повеќе градови во Холандија, а ротердамската полиција навела на Твитер дека уапсила три лица. Во местото Леуварден, полицијата соопштила дека спречила две групи луѓе да започнат тепачка. Тепачки биле спречени и на други места во земјата. Во судирите учествувале навивачите на најголемите клубови во земјата, како и расистички политички групи.

Според традицијата, Црниот Пит носи подароци за време на празникот Синтерклас. Тој се спушта низ оџакот додека луѓето спијат. Како што гласи преданието, Пит во деновите, кои му претходат на празникот, често може да се види на покривите на куќите, каде низ оџаците наслушува дали децата биле добри. Делењето медењаци и други слатки колачиња е негова специјалност. Црниот Пит му помага на Синтерклас, му ја носи книгата или стапот.

Јапонската авиокомпанија „Јапан ерлајнс“ го заострува системот за контрола на пилотот пред летот, по апсењето на пилотот Кацутоши Џицукаве, кој имаше девет пати повеќе алкохол во крвта од дозволеното.

Џицукаве беше уапсен минатиот месец на аеродромот Хитроу, пред да се качи на летот за Токио. Тогаш било забележано дека во него има 189 милиграми алкохол на 100 милилитри крв, а јапонските медиуми пишуваат дека мамел на претходните тестирања.

Би-би-си пренесува дека новите поостри мерки на тестирање на пилотот во „Јапан ерлајнс“ доаѓаат во моменти кога има низа одложени летови поради неспособности на пилоти да летаат поради користење на супстанци. Според јапонските зкаони, не постојат ограничувања за пилотот по прашање на конзумација на алкохол, тоа го оставаат на авиокомпаниите да одредат дали ќе има и колкави ќе бидат ограничувањата.

Деца од цел свет изразија загриженост поради глобалното затоплување така што направија најголема разгледница во светот, на глечер на швајцарските Алпи.

Повеќе од 125.000 разгледници со рачно напишани пораки за надеж и посветеност на децата во целиот свет, постевани се на глечерот Алеч на Алпите, што е една од најголемите разгледници, голема како половина фудбалски терен.

Разгледницата претставува крик за помош од Њу Орлеанс до Хонгконг, од подсахарска Африка до Индија, а во пресрет на конференцијата на ОН за клима идниот месец во Полска.

Швајцарската агенција за развој и соработка и нејзините партнери поставија голема разгледница на врвот на загрозениот глечер Алеч, најдолг и најдлабок на Алпите, за кој се проценува дека ќе исчезне до крајот на векот, ако продолжи сегашното темпо на глобално затоплување.

Организаторите рекле дека разгледниците поставени на висина од 3.400 метри, во близина на познатиот Јунгфраујоха, се со цел да бидат запишани во Гинисовата книга на рекорди како разгледница со најмногу потписници.

Сепак, Гинис соопштил дека овој обид не е регистриран. Сегашниот рекорд е 16.000 разгледници.