Библиотека во студентска населба на Универзитетот во Мичиген е затворена, но не поради пандемијата на Ковид-19, туку поради закана од отровни пајаци.

Универзитетските власти неодамна, за време на рутинска проверка, откриле пајаци во подрумот и во оддалечените згради на студентската населба во Ен Арбор, кои ги нарекуваат медитерански пустиник, објави „Си-би-ес њуз“.

„Почна чистењето на деловите од кампусот, каде што се појавија пајаците“, изјавила портпаролката на универзитетот, Ким Брокхајзен, за Си-би-ес.

Таблоидите пишуваат за најнов пресврт во 10-годишната судска битка на италијанската принцеза Камила од Бурбон- Сицилија со својата сестра за семејниот фонд вреден 100 милиони фунти.

„Приказна за италијанска принцеза, слика на Гоген и битка за наследство во вредност од 100 милиони фунти звучи како нешто сосема фантастично – и тоа уште пред да ја спомнете мајката – некогашна филмска ѕвезда“, коментираат британските таблоиди.

На 22 декември кралскиот суд на каналскиот остров Џерси пресуди дека принцезата Камила Кроцијани од Бурбон-Сицилија ја игнорирала судската наредба и дека мора да плати глоба од 2 милиона фунти. Судот и претходно ја предупреди дека може да биде казнета за негово непочитување откако одби да открие каде се наоѓа сликата на Гоген, чија вредност е проценета на 50 милиони фунти.

Двете сестри принцези се во правна војна за наследството што им го остави мајка им, италијанската филмска sвезда Едоарда Кроцијани.

Фондот беше формиран за ќерките на Кроцијани – Камила и Кристијана кога тие беа тинејџерки и вреди речиси 143 милиони долари. Мајка им наводно била опседната со идејата нејзините ќерки да се омажат со принцови. Камила се венча со принц, а Кристијана не.

Кристијана Кроцијани, фотографирана со принцот Алберт Втори од Монако во 2010 година

Кралицата Елизабета Втора, наводно, веќе одлучила кој ќе ги преземе улогите на принцот Хари и Меган Маркл.

Брачната двојка – која се пресели во Калифорнија во 2020 година – минатата недела потврди дека нема да се вратат како членови на британското кралско семејство, а нивните улоги како покровители сега треба да бидат пополнети.

Извор изјави за весникот „Дејли мирор“: „Откако беше јасно дека војводата и војвотката немаат намера да се вратат назад и да бидат дел од тимот, кралицата веќе има предвид кандидати кои таа ги претпочита за улогите што тие ги ослободија.“

Според новински извештаи, принцезата Ана (70) е на ред да го замени принцот Хари (36) како генерален капетан на кралските маринци, додека принцот Едвард (56) би можел да ја наследи војвотката Меган (39) како покровител на Националниот театар.

Во меѓувреме, се сметаше дека покровителството на Хари како почесен командант на воздухопловство на РАФ Хонингтон – титула што ја доби во 2008 година – најверојатно ќе му припадне на неговиот постар брат принцот Вилијам.

„Дејли мирор“ пишува дека шефовите на рагби лигата се надеваат дека Вилијам (38) ќе стане заштитно лице на Светското првенство во рагби лига 2021 година.