Еди Марфи се враќа како принц Аким во вториот дел на хит-комедијата Coming 2 America („Доаѓање во Америка“), а во него дебитира и неговата 19-годишна ќерка Бела.

59-годишниот актер јасно стави до знаење дека таа не ја добила улогата само поради статусот на својот татко и дека морала да се појави на аудиција.

Иконскиот комичар и неговата ќерка проговорија за филмот во интервју за „Добро утро Америка“ во четвртокот, и за тоа како Бела ја добила улогата на ќерката на Аким, Ома.

„Таа мораше да оди на аудиција кај Крег Бруер, кој го режира филмот. Јас не го внесов моето дете на мускули во филмот“, рече Марфи.

„Таа требаше да биде во состојба да испорача. Во спротивно, немаше да ја добие улогата“, додаде тој.

Новата драмска серија на каналот Шоутајм, со наслов „Првата дама“, почна да се снима во Ковингтон, Џорџија во четвртокот.

На самиот почеток на продукцијата веќе е откриено дека О.Т. Фагбенли ќе го игра претседателот Барак Обама, наспроти Виола Дејвис како Мишел Обама, според „Ентертејнмент тунајт“.

Серијата што ја создаде Арон Кули е опишана како проект кој „го разоткрива прекројувањето на американското лидерство, раскажано преку објективот на жените во срцето на Белата куќа“.

Фагбенли, роден во Британија, веднаш се пофали на својата Инстаграм-страница со веста за новиот ангажман, и откри дека за него е голема чест да го портретира претседателот Обама.

Во продукција на „Лајонсгејт ТВ“ и „Шоутајм“, серијата е во режија и извршна продукција на Сузан Биер, заедно со Виола Дејвис, како извршен продуцент.

Мишел Обама, Елеонор Рузвелт и Бети Форд ќе бидат во фокусот на првата епизода, за која сценариото го напиша романописецот Арон Коли.

Семејството Обама мина осум години во Белата куќа, од 2008 до 2016 година.

Поранешната Мис универзум Оливија Кулпо до неодамна беше зафатена со промоција на нова колекција со нејзините модерни сестри.

Арактивната Оливија ужива во самогрижа во текот на самоизолација дома во Шарлот, Северна Каролина.

Таа во четвртокот се огласи на Инстаграм во секси долна облека додека се релаксира во домашно спа, заедно со своето милениче, пудлицата Оливер Спринклс.

28-годишната девојка сподели неколу фотографии на кои позира сама и со својата пудлица, а објавата ја наслови: Ден за домашно спа.