Тој се врати за својот прв филм по повеќе од пет години.

Режисерот Дејвид О. Расел продолжува да регрутира големи имиња за својот строго доверлив проект, кој моментно се снима во јужна Калифорнија.

Во најавата за филмот медиумите пишуваат дека новиот проект е голема мистерија бидејќи ништо не се открива за содржината.

А во четвртокот „Дедлајн“ објави три големи имиња во актерската екипа – Роберт де Ниро, Мајк Мајерс и Крис Рок.

Ова ќе биде вторпат Де Ниро да работи со овој режисер. Тој претходно глумеше во Silver Linings Playbook со Џенифер Лоренс и Бредли Купер.

Регрутирањето познати актери не запира тука. На екипата ќе ѝ се придружи и Ања Тејлор-Џој, ѕвездата на хит-серијата на „Нетфликс“, „Дамски гамбит“ (The Queen’s Gambit), во која таа покажа извонредна глума.

Џесика Честејн ја краси насловната страница на списанието „Шејп“, во двомесечно издание јануари/февруари.

43-годишната црвенокоса бомба разговара со женскиот магазин за здравје во врска со нејзиниот пристап кон фитнесот и храната, и поплочувањето на патот на жените во Холивуд во борбата за фер плата.

Позирајќи во живописни неонски бои, актерката на Zero Dark Thirtу се отвори за својата мисија да ја искористи својата платформа за „вистинска акција“, како што рече.

Ветеранка во филмската индустрија, која може да се пофали со две номинации за „Оскар“, Честејн открива дека таа е повеќе од убаво лице додека зборува за вложувањето напори за да се направи промена во Холивуд.

Селин Дион во четвртокот му оддаде почит на покојниот сопруг Рене Анжелил на петтата годишнина од неговата смрт.

Музичката дива (52) на својот Инстаграм-профил сподели фотографија на која се гледаат двајцата како се држат за раце.

Во описот на објавата, таа напиша: „Рене, поминаа веќе 5 години … Нема ден да не мислиме на тебе.“

„Ти си во нашите срца и во нашите животи засекогаш. Те сакаме, Селин, Рене-Чарлс, Нелсон и Еди.“

Канадската дива, еден од најмоќните вокали во светот, беше во брак со нејзиниот менаџер од 1995 година до неговата смрт од рак на 73-годишна возраст.

Двојката имаше три сина заедно, Рене-Чарлс кој сега има 19 години, и близнаците Нелсон и Еди (10).