Стотина неонацисти се очекува да присуствуваат на дводневниот фестивал во германскиот град Остриц. Фестивалот почнува денеска, на денот на роденденот на Адолф Хитлер, а антифашистичките групи организираа протести.

Полицајци се распоредени за да спречат евентуално насилство на фестивалот „Штит и меч“ во градот во близина на границите со Полска и Чешка. Се очекува да дојдат и екстремисти од други земји од Источна Европа.

Ангажирани се 1.100 полицајци, водени топови и чамци кои патролираат по блиската река. На фестивалот е забранет алкохол, а посетителите не смеат да носат стаклена амбалажа и знамиња.

Меѓу организаторите на фестивалот е и Торстен Хесе од крајно десничарската партија НПД, која е отворено ксенофобична.

Остриц е место со 2.300 жители во Саксонија, каде десничарската партија АФД го оствари еден од најдобрите резултати на изборите минатата година.

„Гугл“ неодамна објави неколку позадини за телефони на делот од својот инстаграм-профил за т.н. кориснички приказни (stories), а еден детаљ им го привлече вниманието на љубителите на технологија.

Иако сите објавени слики беа интересни, една предизвика особено внимание.

Имено, на таа слика беа претставени сладоледи на стапче (на англиски, Popsicle), поради што многумина веруваат дека тоа е јаснен показател дека ова ќе биде името на новата верзија на оперативниот систем за паметни телефони (Android P).

Инаку, „Гугл“ секоја нова верзија на оперативниот систем ја именува со буква од англиската азбука и за новото ажурирање на ред е буквата P. Покрај ова, секоја официјална верзија на „Андроид“ добива и име на некој десерт што почнува на соодветната буква.

Се разбира, објавената слика може да биде и наведување на погрешна трага. Инаку, новата верзија на оперативниот систем „Андроид“ би требало да биде претставена во август, доколку се земе предвид досегашната тенденција на компанијата, новите ажурирања да ги објавува кон крајот на летото.

Престојот во пловечки бунгалови бил најпосакуваниот избор на туристите кои минатата година ги посетиле Малдивите. Сепак, ова туристичко место ќе добие нова атракција.

Имено, до крајот на годинава на островот Рангали ќе биде отворена првата подводна вила во светот. Резиденцијата ќе се вика „Мурака“, што на локалниот јазик значи корал. Објектот е дизајниран целосно да се вклопи во подводни услови, овозможувајќи им на гостите да бидат дел од подводниот свет.

„Водени од целта да обезбедиме неповторливо искуство за туристите, со првата подводна резиденција ќе им овозможиме на гостите можност да ги истражуваат Малдивите од една сосема поинаква перспектива, под површината на морето“, изјави главниот архитект и дизајнер на „Мурака“, Ахмед Салим.

Зградата се состои од две нивоа, една над површината на морето и една под површината. Во подводното ниво има спална соба, дневна соба, бања, како и спирални скалила кои водат до просториите на повисокото ниво. Таму, пак, има двокреветни спални соби, бања, просторија за фитнес, заедничка дневна соба, кујна, бар, трпезарија и палуба од која може да се гледа атрактивното зајдисонце.

Инаку, вилата може да прими вкупно девет гости.