Салма Хајек ја истакна својата одлична фигура во романтичен црвен фустан додека присуствуваше на наградите „Златен глобус 2021“ во Беверли Хилс во неделата.

Актерката (54) зрачи со гламур додека позира и чекори по црвениот тепих пред големото шоу, коментираат таблоидите еден ден потоа.

Својот прв „Златен глобус“ го заработи за шаховската драма „Дамски гамбит“ на 78. церемонија на доделавање на престижните награди во неделата вечерта.

А 24-годишната Ања Тејлор-Џој ги направи сите вистински потези кога станува збор за моден избор во ноќта на наградите појавувајќи се во две креации за виртуелното шоу.

Аргентинско-британската актерка почна во пенлив смарагдно зелен фустан од „Диор“ со драматично деколте пред да се пресоблече во класичен дизајн во боја на слонова коска за да ја прифати наградата за најдобра актерка во лимитирана серија.

Кога станува збор за стилот, актерката Џејми Ли Кертис не направи ниедна модна грешка, а така е и со нејзиниот последен стајлинг во низата.

На црвениот тепих на „Златните глобуси 2021“ во Лос Анџелес таа се појави во долг жолт фустан и покажа како треба да изгледа добро облечена жена.

Вистинска доза елеганција и стил – актерката достојно ја испорача улогата на презентерка на наградите.

Годинешната церемонија првпат се одржуваше на две локации и со две водителки – Тина Феј беше домаќин во „Реинбоу рум“ во Њујорк, а Ејми Полер во хотелот „Беверли Хилтон“ во Лос Анџелес.

Водителките и презентерите, вклучително и Кертис (62), беа едни од ретките што лично присуствуваа на церемонијата заедно со група неопходни технички лица.