Забава
Кралицата Елизабета Втора упати традиционална божикна порака за мир
Британската кралица Елизабета Втора во божикнаата порака истакна дека се надева оти постигнала одредена количина мудрост за време на своите 92 години.
„Некои култури веруваат дека долгиот живот носи мудрост. Јас би сакала да верувам во тоа. Можеби дел од таа мудрост може да се препознае во некои од животните парадокси како тоа човечките битија имаат огромна склоност кон доброто, а сепак и капацитет за зло“, рекла кралицата Елизабета во однапред снимената божикна порака.
Таа во повесел тон рекла дека 2018 година била многу богата за нејзиното семејство, со две венчавки, две нови бебиња и уште едно бебе што треба да се роди в година.
„Тоа ја држи бабата многу зафатена“, додала кралицата.
Годишната порака била многу емотивна во повеќето од 53-те земји на Комонвелтот по службата во црквата во кралскиот имот, на која присуствуваа кралицата и членовите на кралското семејство.
Кралицата дошла со лимузина до црквата „Света Марија Магдалена“, а младите членови на семејството дошле пеш. Ги предводел принцот Чарлс, а следеле синовите принцот Вилијам со сопругата Кетрин и принцот Хари со сопругата Меган. На службата не присуствуваше 97-годишниот сопруг на кралицата, принцот Филип, кој се повлече од јавниот живот. Не беше присутна ниту сопругата на Чарлс, Камила, која закрепнува од настинка. Дома останаа и трите деца на принцот Вилијам и Кејт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Нов тежок удар за Бред: Захара Џоли го отфрли презимето Пит
Покрај Захара, Анџелина Џоли и Бред Пит имаат уште пет деца, близнаците Вивиен и Нокс, ќерката Шајло, како и синовите Пакс и Медокс.
Ќерката на холивудските ѕвезди Анџелина Џоли и Бред Пит, Захара Џоли, ги заврши студиите по психологија на престижниот колеџ Спелман во Атланта, а вниманието на јавноста го привлече моментот кога беше претставена без презимето на нејзиниот татко за време на церемонијата на дипломирање.
Дваесет и едногодишната Захара дипломираше на 17 мај со титулата „Диплома за уметности“ по психологија.
Иако во официјалната програма на церемонијата беше наведена како Захара Марли Џоли-Пит, за време на нејзиното појавување на сцената нејзиното име беше прочитано како Захара Марли Џоли.
Овој потег дополнително ги поттикна шпекулациите дека Захара сè повеќе се дистанцира од презимето на нејзиниот татко. Уште во 2023 година, кога се приклучи на женското здружение Алфа Капа Алфа, таа јавно го користеше името Захара Марли Џоли.
(Фото/ ЕПА)
На церемонијата на дипломирање, таа беше поддржана од нејзината мајка, со која Захара често јавно ја нагласува својата блиска врска.
За време на настан одржан во април, Захара зборуваше за посебната врска што ја дели со нејзината мајка.
„Нашата љубов е пронајдена љубов“, рече Захара, потсетувајќи дека била посвоена кога имала само шест месеци.
Во таа прилика, таа ја опиша Анџелина Џоли како најнесебична, грижлива и разумна жена.
Захара особено ги нагласи вредностите со кои пораснала – помагање на другите, љубезност и личен развој, наведувајќи дека овие квалитети го обликувале нејзиниот поглед на светот.
Од друга страна, Анџелина Џоли претходно изјави колку е горда на Захара и колку многу научила од неа.
„Таа е мое семејство, но и исклучителна Африканка. Нејзината поврзаност со нејзината земја и континент е нешто што искрено го восхитувам“, рече актерката во интервју за списанието „Тајм“ во 2020 година.
Покрај Захара, Анџелина Џоли и Бред Пит имаат уште пет деца, близнаците Вивиен и Нокс, ќерката Шајло, и синовите Пакс и Медокс.
фото/Depositphotos/ЕПА
Забава
Три знаци ги очекува љубовен „бум“ оваа недела – кога најмалку се надеваат
Оваа недела, Универзумот има посебно изненадување за три хороскопски знаци.
Додека некои ќе ги поминат деновите во рутина и секојдневни обврски, одредени луѓе би можеле да добијат порака што ќе им го забрза пулсот и целосно ќе им го промени расположението. Неочекувано „хеј“, повик доцна во ноќта или долгоочекувано признание би можеле да пристигнат токму кога најмалку се надеваат.
Астролозите тврдат дека планетарните аспекти ќе донесат враќање на стари симпатии, неочекувани контакти и емотивни разговори што ќе отворат нови врати. Еве ги трите хороскопски знаци со најголема шанса за љубовно изненадување.
Рак
Раковите се обидуваат да ги игнорираат своите емоции во последните недели и да се фокусираат на други работи, но минатото сега би можело да ги стигне. Личност која некогаш им значела повеќе отколку што сакале да признаат би можела повторно да стапи во контакт. Пораката ќе дојде ненадејно, можеби дури и во момент кога веќе мислеле дека приказната е завршена.
Иако првиот инстинкт ќе биде претпазливост, Раковите ќе имаат тешкотии да ги сокријат своите емоции. Токму овој разговор би можел да отвори можност за нов почеток или барем да ги донесе одговорите што ги барале долго време.
Вага
Вагите влегуваат во период на зголемена романса и флерт, а еден неочекуван контакт би можел целосно да ги извади од рамнотежа – но на добар начин. Некој што ги набљудувал долго време конечно би можел да собере храброст и да им се обрати.
Пораката би можела да пристигне преку социјалните медиуми, а зад навидум безопасниот разговор лежи многу повеќе интерес отколку што Вагите првично ќе помислат. Токму затоа астролозите советуваат да не ги игнорираат знаците и да си дозволат малку спонтаност.
Јарец
Јарците обично изгледаат ладни и рационални, но оваа недела нивните емоции би можеле да ги изненадат. Неочекувана љубовна порака би можела да дојде од личност со која имаат недовршена приказна или од некој што е присутен во нивниот живот долго време, но никогаш јасно не ги покажал своите чувства.
Иако Јарците ќе се обидат да останат смирени и „да не покажуваат премногу“, оваа порака би можела да ги следи со денови. Многу припадници на овој знак конечно ќе сфатат дека некои емоции не можат да се контролираат со логика.
Забава
(Видео) Трагедија го одбележа нејзиниот живот, но таа никогаш не се откажа: денес е сè уште најубава
Прекрасната Петра Немцова се појави на Канскиот филмски фестивал и ги остави сите присутни без здив. Може да се каже дека нејзината креација беше вистински рај за очите.
Петра присуствуваше на премиерата на филмот „Гаранција“, а за таа пригода одлучи да облече нереална креација во бела боја. Станува збор за макси фустан украсен со долг дел, но и интересни цветни детали. Фустанот е направен од проѕирна ткаенина, но токму овие преголеми детали ги кријат интимните делови од телото.
Изгледот го надополни со ненаметлива шминка во нежни тонови, дијамантски додатоци и прекрасно стилизирана фризура. Ги поздрави сите со блескава насмевка и ја воодушеви јавноста.
Петра помина низ вистински пекол во 2004 година. Таа беше во Тајланд со својот вереник, фотографот Сајмон Атли, кога беа погодени од разорно цунами.
Нејзиниот вереник го загуби животот, а Петра едвај успеа да преживее. Осум часа, со повредена карлица, се држеше за палма, чекајќи помош. Пристигна хеликоптер да ја земе, а таа беше однесена во болница со сериозни внатрешни повреди.
По овој настан, Петра ја основа Фондацијата „Среќни срца“, која им помага на луѓето низ целиот свет по природни катастрофи.
Комисијата за прашања на изборите и именувањата одржа јавна расправа за кандидатите за член на Судскиот совет
Комисијата за прашања на изборите и именувањата денеска одржа седница со единствена точка на дневниот ред – Јавна расправа за...
Љутков: Со 25 милиони денари, целосно реконструиран Спомен-домот на Разловечкото востание и поставена нова музејска поставка
„Македонија предолго живееше со страв да не навреди некого ако се сака себеси“, рече министерот за култура и туризам Зоран...
ДУИ: Изјавата на ВМРО- ДПМНЕ дека Владата бара „законско решение“ за полагањето на правосудниот испит е обид за саботирање на Законот за употреба на јазиците
Изјавата на ВМРО- ДПМНЕ дека Владата бара „законско решение“ за полагањето на правосудниот испит, кое наводно ќе било во согласност...
(Видео) Филипче: Мицкоски да одговори зошто не ги става Бугарите и другите малцинства во Уставот и да ги почне преговорите со ЕУ
Претседателот на СДСМ, Венко Филипче, во одговор на новинарско прашање порача дека наместо креирање поделби и отворање вештачки теми, Мицкоски...
Тешко повреден мотоциклист по судир со возило во Скопско
Вчера околу 15:40 часот во СВР Скопје е пријавено дека во с.Јурумлери, скопско, на крстосница од регионален пат Скопје-Велес и...
ВМРО-ДПМНЕ: Каков блам, следно е Филипче да држи прес за колекционерство на салфетки и за нумизматика
Тешка срамота е во што се претвори некогаш важната СДС. Од партија што барем глумеше сериозност, денес остана политичка група...
Филков за протестите за полагање на правосуден испит: Македонскиот јазик не е пречка, тој е обврска
Најостро реагирам на обидот, полагањето на правосудниот испит да се претвори во поле за политички притисок и етничка конфронтација. Правосудниот...
17-годишнo девојче нападнато од нејзин соученик во Карпош: подолг период психички ја малтретирал
Синоќа во 19:15 часот во СВР Скопје, О.С.(45) од Скопје пријавил дека околу 14:30 часот во средно училиште на подрачјето...
Татко се обидел да ја спаси малолетната ќерка која ја држеле за врат: бил нападнат со кундак од пиштол
Утрово во 01:45 часот во СВР Скопје, Н.Ш.(41) од с.Кондово, скопско, пријавил дека на 18.05.2026 околу 21:30 часот пред неговиот...