Оскаровката Ема Стоун, ѕвезда на „Ла Ла Ленд“, ја стави на продажба својата куќа во Малибу за 4.2 милиони долари.

Речиси четири години откако го купи имотот покрај океан за 3.25 милиони долари, 33-годишната актерка реши да го огласи на пазарот на недвижности, објави „Волстрит журнал“.

Еднокатната куќа од 157 квадратни метри се простира на имот со површина од 1.300 квадрати, во луксузната област Саут Калифорнија.

Агентот на Sotheby’s International Realty, Ерик Лејви, ја опиша куќата за весникот како „класичен калифорниски среден век од 1958 година што виси над Пацификот и куќа на плажа во Малибу што би ја избрале за филм на Ненси Мејерс.“

Домот на убавицата вклучува извонреден поглед на градскиот пејзаж на Лос Анџелес, Тихиот Океан и островот Каталина и е во непосредна близина на пешачките патеки и плажата.

Има и трпезарија на отворено, која е покриена со дрвја од еукалиптус и јука, како и двор со панорамски поглед на брегот.

Кристина Агилера, Кристина Ричи и Вини Харлоу во четвртокот вечерта присуствуваа на моден настан во Лос Анџелес на кој беше презентирана машка колекција „Диор“ за сезоната пролет/лето 2023.

Поп-ѕвездата Агилера привлече внимание додека позира на ѕвездениот настан, каде познатиот моден бренд дебитира со своите најнови креации.

Синоќа во Лондон се одржа премиерата на „Топ ган: Маверик“, новото поглавје на легендарниот блокбастер од осумдесеттите, една од најочекуваните филмски премиери на годината.

Еден ден по неговата светска премиера на филмскиот фестивал во Кан, продолжението на оригиналниот „Топ ган“ привлече големо внимание и во британската метропола, а на црвениот тепих беа и членови на кралското семејство.

Медиумите веднаш објавија дека војводата и војвотката од Кембриџ, принцот Вилијам и Кејт, присуствуваа на свечениот настан.

Том Круз, ѕвездата на филмот, им се придружи на црвениот тепих на „Лестер Сквер“.

Оригиналниот филм „Топ ган“ беше објавен пред повеќе од 30 години.