Двајца напаѓачи го нападнале човекот што ѝ ги чува кучињата на американската пејачка Лејди Гага. Напаѓачите испукале четири куршуми во неговите гради и ги украле кучињата.

Кога пристигнала полицијата, Рајан Фишер бил свесен, но едвај дишел. Тој бил пренесен во болница во критична состојба.

Според ТМЗ, едно куче успеало да избега, а преостанатите две биле украдени.

Фишер ги шетал кучињата на Лејди Гага затоа што таа моментно е во Италија, а неименуван извор изјави дека пејачката е многу вознемирена, како и дека нуди половина милион долари доколку киднаперите ги вратат нејзините миленици.

Полицијата ги опиша напаѓачите како двајца Афроамериканци во бел автомобил „бмв“, а со оглед на тоа што украдените кучиња биле француски булдози, многу е можно да имаат намера да ги препродадат.

Минатиот декември некој на социјалните мрежи сугерираше дека Шарлиз Терон би била совршена личност да глуми во лезбиска преработка на „Умри машки“, култниот класик од 1988 година.

Во тоа време, 45-годишната оскаровка се пошегува дека е подготвена за таква улога, но во новото интервју за „Венити фер“ објавено во вторникот, Терон е многу посериозна.

„Мислам, тоа е одлична идеја“, рече таа. „Затоа и одговорив на Твитер. Затоа што помислив дека е некако брилијантно .“

Првичниот твит на еден фан објавен на 5 декември 2020 година гласеше: „Лезбиските божиќни ромкоми се добри, но она што навистина сакам е ‘Умри машки’ во кој Шарлиз Терон оди во акција за да ја спаси својата сопруга.

Шарлиз ја твитна објавата на корисникот, одговарајќи „каде да се потпишам?“. Таа, со доза хумор, му предложи на својот фан да почне да бара холивудски продуценти.

А во неодамнешното интерву за „Венити феар“, таа беше прашана за можноста да влезе во улогата што го прослави Брус Вилис.

„Одлична идеја. Фактот дека тоа ќе бидат две жени“, рече таа.

Англиската манекенка Наоми Кембел (50) повторно покажа дека е неприкосновена дури и на возраст од 51 година, кога позираше за насловната страница на едно списание во Кенија.

Поранешниот топ-модел и поранешен ангел на „Викторијас сикрет“ се соблече топлес за снимање и покажа дека изгледа совршено и младешки.

Таканаречената Црна пантерка, која влезе во светот на моделството на 15-годишна возраст, сепак изгледа одлично за нејзините години, па многу жени ширум светот можат да и завидат на нејзиното згодно тело и убаво лице, а сите велат дека изгледа најмалку 10 години помлада.

Таа позираше за списанието „i-D“ во Кенија, каде што има куќа, па рече:

„Кога ќе ги видите овие слики, се надевам дека ќе видите дека Кенија е убава, дека Африка е убава“, рече Наоми.

 

View this post on Instagram

 

A post shared by i-D (@i_d)

„Мислам дека луѓето сега навистина ќе го отворат својот ум и ќе почнат да сфаќаат дека вистинската убавина е во Африка. Има толку скапоцености, толку многу скриени тајни. Доаѓам овде од 1994 година и сè уште ги откривам работите“, истакна Црната пантерка.

„Горда сум што сум дел од снимањето со млади креативци, кои ја имаат мојата боја на кожа“, истакна таа.

 

View this post on Instagram

 

A post shared by i-D (@i_d)

„Кога сум во Кенија, има денови кои се помалку хаотични од другите, но јас сум секогаш зафатена. Во моментов сум повнимателна поради ситуацијата со коронавирусот, но повторно ги посетив децата во сиропиталиштето што ги поддржувам, не сакав да ги изневерам. Сакам да досегнам што е можно повеќе луѓе. Сакам да ширам свест. Има дел од мене каде што, ако сакам нешто, сакам светот да знае за тоа“, рече Наоми и истакна колку е важно да им се помага на децата без родители.

Убавата манекенка е родена во Лондон. Нејзината мајка е од Јамајка, но никогаш не го запознала својот татко. Таа отсекогаш се занимава со хуманитарна работа и им помага на децата во сиропиталиштата ширум светот, претежно во Африка.